SAN MARCOS 6:14 - Chatino Tataltepec

¹⁴ Tyempo bi' cua ndyuna rey Herodes cha' ji'i̱ cha' tlyu nu cua ndyu'ni Jesús; lcaa quichi̱ nguañi cha' bi', cha' scaa cha' nchcui' scaa ñati̱ ji'i̱ Jesús. Pana ndi'ya̱ ngua ti' ycui' rey bi': ―Jyo'o Juan nu ntyucuatya ji'i̱ ngu' tsubi' la, bi' laca Jesús re― nacui̱ Herodes bi'―. Ndyujuii ngu' ji'i̱ Juan bi', pana juani cua ndyu'ú chaca quiya', bi' cha' nchca ji'i̱ cua'ni cha' tlyu jua'a̱ ―nacui̱ rey.

SAN MARCOS 6:14 ပူးပေါင်းရင်းမြစ်များ

SAN MATEO 9:31

Pana ndu'u ngu' ndyaa ngu' li', ndacha' ngu' ji'i̱ lcaa ñati̱ ñi'ya̱ ngua cña nu ngua'ni Jesús lo'o ngu'; bi' cha' nguañi cha' bi' tyucui ña'a̱ loyuu jua.

SAN MARCOS 1:28

Yala ti nguañi cha' ji'i̱ Jesús lcaa quichi̱ nde loyuu su cuentya Galilea li'.

SAN MARCOS 1:45

Pana ná ndyuna tso'o nu ngua quicha bi'. Ndu'u ndyaa, nchcui' lo'o lcaa ñati̱ ñi'ya̱ ngua cha' ngua tso'o, bi' cha' nga'aa ngua ji'i̱ Jesús tyu'u ta'a̱ lquichi̱; ndyanu yu ne' quixi̱' ti su ná ndi'i̱ ñati̱. Li' ndya'a̱ tsa ngu' slo yu, masi ngu' xa' quichi̱ tyijyu' la ngutu'u ngu' ndyaa ngu' slo yu.

SAN MARCOS 8:28

―Ntsu'u ngu' nu nchcui' cha' jyo'o Juan nu ntyucuatya ji'i̱ ngu' tya tsubi' la laca nu'u̱ ―nacui̱ ngu'―. Xa' la ñati̱ ni, nchcui' ngu' cha' jyo'o cusu' Elías laca nu'u̱; lo'o xa' la ñati̱ ni, nchcui' ngu' cha' sca jyo'o cusu' nu ngua tu'ba ji'i̱ ycui' Ndyosi sa'ni la laca nu'u̱.

SAN LUCAS 13:31

La cui' tyempo bi' lijya̱ xi tya'a ngu' fariseo cha' chcui' lo'o Jesús: ―Tyaa clya nu'u̱ juani ―nacui̱ ngu' ji'i̱―. Tyu'u nu'u̱ su ndi'i̱ nu'u̱ re, yaa nu'u̱ tyi'i̱ chaca se'i̱, cha' cua nti' rey Herodes cujuii jinu'u̱.

SAN LUCAS 3:1

Cua ntsu'u ti'yu̱ yija̱ cha' laca Tiberio emperador nu laca loo ji'i̱ ñati̱ tyucui ña'a̱ chalyuu: Poncio Pilato laca loo nde loyuu su cuentya Judea cuentya ji'i̱ nu Tiberio bi' li'; lo'o jua'a̱ nu naa Herodes bi' ni, laca yu loo loyuu su cuentya Galilea tyempo bi'; lo'o Felipe, tya'a ngula Herodes bi', laca yu loo loyuu su cuentya Iturea lo'o jua'a̱ loyuu su cuentya Traconite la cui' tyempo bi'; lo'o chaca nu naa Lisanias, laca yu loo loyuu su cuentya Abilinia li'.

SAN LUCAS 7:17

Cua ngañi lye cha' ji'i̱ lcaa cña tonu nu ndyu'ni Jesús tyucui ña'a̱ loyuu su cuentya Judea; jua'a̱ lcaa quichi̱ cacua ti, lo'o bi' ngañi cha' bi'.

SAN LUCAS 9:19

―Ntsu'u ngu' nu nchcui' cha' jyo'o Juan nu ntyucuatya ji'i̱ ngu' tya tsubi' la laca nu'u̱ ―nacui̱ ngu' ji'i̱―, lo'o jua'a̱ ntsu'u ngu' nu nchcui' cha' jyo'o Elías laca nu'u̱, jua'a̱ ntsu'u xi xa' la ngu' nu nchcui' cha' nu'u̱ laca sca jyo'o cusu' nu ngua tu'ba ji'i̱ ycui' Ndyosi sa'ni la; cua sa'ni tsa ngujuii ñati̱ bi', pana juani ndyu'ú chaca quiya' nacui̱ ngu' bi'.

1 TESALONICENSES 1:8

Cua ngañi cha' ji'i̱ ycui' nu Xu'na na nde lcaa quichi̱ xqui'ya cu'ma̱. Si'i ngu' Macedonia ti, ni si'i ngu' Acaya ti, masi ca ta'a ñati̱ ji'i̱ Jesucristo, cua ndyuna ngu' cha' bi' tyucui ña'a̱ chalyuu; nga'aa ntsu'u cha' ta ya cha' lo'o ngu' bi' cuentya ji'i̱ ma̱, cha' ngusñi ma̱ cha' ji'i̱ ycui' Ndyosi, cha' cua jlo ti' ngu' cha' bi'.

HEBREOS 2:4

Lo'o jua'a̱ ngua'ni ycui' Ndyosi cña cha' ca cuayá' ti' na cha' chañi tsa laca cha' nu nchcui' ngu', ngua'ni Ni quiña'a̱ tsa cha' tlyu slo na cha' ña'a̱ na ji'i̱. Tyu̱u̱ tsa cha' nu ná nchca cua'ni ñati̱ chalyuu ngua'ni Ni, cha' cube tsa ti' na ji'i̱ ycui' Ni lo'o ña'a̱ na cha' tlyu bi'. Lo'o li' cua nda Ni Xtyi'i ycui' Ni cha' tyanu ne' cresiya ji'i̱ ñati̱ chalyuu, tsa ña'a̱ nu ntsu'u tyiquee ycui' Ni nda Ni ji'i̱ ngu'; bi' cha' nchca ji'na cua'ni na tyu̱u̱ lo cña cuentya ji'i̱ ycui' Ndyosi, nu ná nchca ji'i̱ ñati̱ cua'ni ycui' ca ngu'.