SAN MARCOS 5:6 - Chatino Tataltepec

⁶ Juani tyijyu' ti ndu̱ nu quicha bi' na'a̱ ji'i̱ Jesús. Li' ngusna lijya̱ ndatu̱ sti̱' slo Jesús, cha' cua'ni tlyu ji'i̱.

SAN MARCOS 5:6 ပူးပေါင်းရင်းမြစ်များ

SAN MARCOS 5:5

Lo'o nde tsa̱ lo'o nde talya ndya'a̱ nxi'ya ne' lo'o jyo'o, ndya'a̱ yu'u ti sii' cuati̱. Lo'o jua'a̱ ngusi'yu ji'i̱ ycui' ca lo'o quee.

SAN MARCOS 5:7

Cui̱i̱ ngusi'ya nu quicha bi' ji'i̱ Jesús li': ―¿Ñi'ya̱ cña nti' nu'u̱ jna'? ―nchcuane yu quicha ji'i̱ Jesús li'―. Nu'u̱ laca Jesús nu sca ti Sñi' ycui' Ndyosi, ycui' Ni nu laca loo la ―nacui̱―. Chacuayá' ji'i̱ ycui' Ndyosi, ná xcube' nu'u̱ jna'.

SAN LUCAS 4:41

Lo'o jua'a̱ ngutu'u cui'i̱ cuxi ji'i̱ tyu̱u̱ tya'a ngu' quicha bi' li'. Ndu'u si'ya cui'i̱ bi' lo'o ndu'u ji'i̱ ngu': ―Sca ti nu'u̱ laca Sñi' ycui' Ndyosi ―nacui̱ cui'i̱ bi' ji'i̱ Jesús. Li' ngua'a Jesús chacuayá' ji'i̱ cui'i̱ cuxi cha' nga'aa chcui' bi' tsiya' ti. Cua ndyuloo cui'i̱ bi' ji'i̱ Jesús, cha' la cui' Cristo nu cua nda ycui' Ndyosi ji'i̱ lijya̱ chalyuu laca yu bi'.

LOS HECHOS 16:17

Ndyaa lca'a̱ cho' ji'i̱ Pablo lo'o ji'i̱ cuare. Cui̱i̱ tsa ngusi'ya nu cuna'a̱ quicha bi' lijya̱: ―Msu ji'i̱ ycui' Ndyosi nu laca loo laca ngu' re ―nacui̱ nu quicha bi'―. Culu'u ngu' ji'i̱ ma̱ ñi'ya̱ nu cua'ni lyaá ycui' Ndyosi ji'i̱ ma̱.

SANTIAGO 2:19

Jlya ti' ma̱ cha' sca ti ycui' Ndyosi ntsu'u chalyuu. Tso'o tsa, pana cua ña'a̱ ca cui'i̱ xña'a̱ jlya ti' cha' bi'; lo'o jua'a̱ lye tsa nchcua̱ cui'i̱ xña'a̱ bi', cha' ntsi̱i̱ cui'i̱ ji'i̱ ycui' Ni.