SAN MARCOS 5:34 - Chatino Tataltepec

³⁴ ―Tso'o tsa jlya ti' nu'u̱ jna', sñi' ―nacui̱ Jesús ji'i̱―, bi' cha' ndyaca tso'o nu'u̱. Ti̱ ti tyi'i̱ tyiquee nu'u̱ juani. Tso'o ti tyaa nu'u̱, nga'aa xñi quicha bi' jinu'u̱ chaca quiya'.

SAN MARCOS 5:34 ပူးပေါင်းရင်းမြစ်များ

SAN MATEO 9:2

Lo'o ndyalaa quichi̱ bi', li' ñaa lo'o ngu' ji'i̱ sca nu quicha nu nchcu̱' tyucuí̱ tyucui ña'a̱ yu; ñaa ngu' slo Jesús cha' cua'ni jo'o ji'i̱ nu quicha bi'. Ntsiya nu quicha bi' ne' sca catya̱. Pana jlo ti' Jesús cha' jlya ti' ngu' bi' ji'i̱, bi' cha' nchcui' lo'o nu quicha ndi'ya̱: ―Ca tso'o nu'u̱, sñi' ―nacui̱ Jesús ji'i̱ nu quicha―. Cua ngua'ni clyu ti' na' ji'i̱ qui'ya nu ntsu'u jinu'u̱.

SAN MATEO 9:22

Lo'o li' nguxtyacui Jesús, nguxña'a̱ ji'i̱ nu cuna'a̱ bi': ―Cua'ni cho'o tyiquee nu'u̱, sñi' ―nacui̱ Jesús ji'i̱―. Jlya ti' nu'u̱ 'na, bi' cha' ndyaca tso'o nu'u̱ juani. Lo'o hora ti ndyaca tso'o nu cuna'a̱ bi'.

SAN MARCOS 10:52

―Tso'o ―nacui̱ Jesús ji'i̱―, tyaa nu'u̱ to' tyi juani. Jlya ti' nu'u̱ 'na, bi' cha' cua ndyaca tso'o cloo nu'u̱. Hora ti ngua tso'o cloo nu cuityi̱' bi', na'a̱ chaca quiya'. Li' ndu'u lca'a̱ ji'i̱ Jesús tyucui̱i̱.

SAN MARCOS 3:10

Jlo ti' ngu' cha' cua ngua'ni yu jo'o ji'i̱ quiña'a̱ tsa ngu' quicha, bi' cha' tachaa tsa ndi'i̱ ngu' quicha slo; cua nti' tsa ngu' cala' ngu' ji'i̱ ycui' Jesús.

SAN MARCOS 5:29

Hora ti ndyacu̱' cha' ndyalú tañi ma', tsa tsiya' ca ngua tii ycui' ca ma' cha' cua ndyaca tso'o li'.

SAN MARCOS 5:33

Li' ñaa nu cuna'a̱ bi', ndatu̱ sti̱' slo yu. Nchcua̱a̱ ma' bi', cha' ndyutsi̱i̱ tsa ma', masi jlo ti' cha' cua ndyaca tso'o. Li' ndacha' liñi ma' ji'i̱ Jesús ñi'ya̱ ngua ji'i̱ ma'.

SAN LUCAS 17:19

Li' nchcui' Jesús lo'o nu qui'yu bi': ―Tyatu̱ nu'u̱ cha' tyaa nu'u̱ juani ―nacui̱―. Cua ngua tso'o nu'u̱ juani cha' jlya ti' nu'u̱ cha' nu nda na' lo'o nu'u̱.

SAN LUCAS 18:42

―Caca tso'o cloo nu'u̱ lacua ―nacui̱ Jesús ji'i̱―. Xqui'ya cha' jlya ti' nu'u̱ cha' 'na, bi' cha' tyaca tso'o nu'u̱ juani ―nacui̱ Jesús.

SAN LUCAS 7:50

Pana ndi'ya̱ nchcui' Jesús lo'o nu cuna'a̱ bi' li': ―Cua ngulaá nu'u̱ ji'i̱ cha' cuxi nu ntsu'u jinu'u̱ xqui'ya cha' jlya ti' nu'u̱ 'na. Ti̱ ti tyi'i̱ tyiquee nu'u̱, tyaa nu'u̱ lacua.

SAN LUCAS 8:48

Li' nchcui' Jesús lo'o ma' cusu' bi': ―Cha' jlya ti' nu'u̱ cha' caca ji'i̱ ycui' Ndyosi cua'ni Ni cña tonu bi', bi' cha' ngua tso'o nu'u̱, sñi' ―nacui̱ Jesús ji'i̱ nu cuna'a̱ bi'―. Ná cube ti' nu'u̱, tyaa clya nu'u̱ juani.

LOS HECHOS 14:9

Tso'o tsa ndyuna nu quicha bi' laja lo'o nclyu'u Pablo ji'i̱ ngu'; li' na'a̱ yu ji'i̱ nu quicha bi', ngua cuayá' ti' yu cha' jlya ti' nu quicha cha' taca ji'i̱ ycui' Ndyosi cua'ni cha' tyaca tso'o.

LOS HECHOS 15:33

Tyiquee' xi nguti'i̱ ngu' bi' quichi̱ Antioquía, li' nchcui' salya' ñati̱ ji'i̱ Jesucristo lo'o ngu'. Nti' tya'a ngu' cha' xtyucua ycui' Ndyosi ji'i̱ ngu' tyucui̱i̱ su ñaa ngu' nde slo xa' la tya'a ngu'.

LOS HECHOS 16:36

Li' nchcui' nu laca loo bi' lo'o Pablo lo'o Silas: ―Cua ngulo bese cña jna' cha' culaá na' ji'i̱ ma̱ ―nacui̱ yu ji'i̱ ngu'―, bi' cha' tso'o ti tyaa ma̱ lacua.

SANTIAGO 2:16

Si chcui' ma̱ lo'o ngu' bi' ndi'ya̱: “Xtyucua Ni ji'i̱ ma̱”, ñacui̱ ma̱ ji'i̱ ngu', “cacu' ma̱ ste' ma̱ cha' caca chcatsu̱ ma̱, cacu tso'o ma̱ tyaja”, ñacui̱ ma̱ ji'i̱ ngu', pana ná nda ma̱ na nu lyiji ji'i̱ ngu' bi' li', ¿ha tso'o nti' ma̱ cha' nchcui' ma̱ lo'o ngu' jua'a̱? Ná tso'o chcui' ma̱ jua'a̱, cha' cua ngujlyaa ti' ma̱ cha' ji'i̱ ycui' Ndyosi si chcui' ma̱ jua'a̱;