SAN MARCOS 5:25 - Chatino Tataltepec

²⁵ Lo'o sca nu cuna'a̱ quicha ndya'a̱ laja ñati̱ quiña'a̱ bi'. Cua tii tyucuaa yija̱ ntsu'u quicha ji'i̱ nu cuna'a̱ bi', cha' ndyalú tsa tañi ma'.

SAN MARCOS 5:25 ပူးပေါင်းရင်းမြစ်များ

SAN MARCOS 5:24

Lo'o li' ndyaa Jesús lo'o yu bi', jua'a̱ ndyaa quiña'a̱ ñati̱ lo'o ngu', hasta tachaa tsa ndi'i̱ ngu' lo'o ndya'a̱ ngu'.

SAN MARCOS 5:26

Cua ndye lcaa lo jo'o ngua'ni ngu' ji'i̱ ma' quicha bi', lo'o ná ngua ji'i̱ ngu' cua'ni ngu' jo'o ji'i̱. Ndye cñi ji'i̱ ma', ndye lcaa lo cha' tso'o nu ntsu'u ji'i̱ ma' xqui'ya taná, lo'o lye la ngua quicha ma' li'.

SAN LUCAS 13:11

Ndacua nga'a̱ sca nu cuna'a̱ nu ngusñi cui'i̱ cuxi ji'i̱. Xqui'ya cui'i̱ bi' ngua quicha ma' ti'ñu xna yija̱; cua nchcu̱' hichu̱' ma' tsiya' ti, ña'a̱ cuayá' nu nga'aa ngua ji'i̱ ma' xquiñi ji'i̱ ycui' ma'.

LOS HECHOS 4:22

Cua nteje tacui tu'ba yija̱ ntsu'u nu quicha bi' lo'o ngua'ni Ni cha' ndyaca tso'o yu.