SAN MARCOS 5:24 - Chatino Tataltepec

²⁴ Lo'o li' ndyaa Jesús lo'o yu bi', jua'a̱ ndyaa quiña'a̱ ñati̱ lo'o ngu', hasta tachaa tsa ndi'i̱ ngu' lo'o ndya'a̱ ngu'.

SAN MARCOS 5:24 ပူးပေါင်းရင်းမြစ်များ

SAN MARCOS 3:20

Xa' ndyu'u ti'i̱ ñati̱ ca slo Jesús li'. Cha' quiña'a̱ tsa ñati̱ ndi'i̱, ná ngujui tyempo cha' cacu yu lo'o tya'a ndya'a̱ yu.

SAN MARCOS 5:23

Tya'na tsa nchcui' yu lo'o Jesús li': ―Cua cajaa ti sñi' na' ―nacui̱ yu ji'i̱―. Cua'ni nu'u̱ cha' tso'o tsaa nu'u̱ ca su ntsiya nu cuna'a̱ piti bi' 'na, cha' cua'ni nu'u̱ jo'o ji'i̱ cho'; sta ya' nu'u̱ chu̱' nu piti cha' cu'ú cho'.

SAN MARCOS 5:25

Lo'o sca nu cuna'a̱ quicha ndya'a̱ laja ñati̱ quiña'a̱ bi'. Cua tii tyucuaa yija̱ ntsu'u quicha ji'i̱ nu cuna'a̱ bi', cha' ndyalú tsa tañi ma'.

SAN MARCOS 5:31

Li' ndube tsa ti' nu ngu' nu ndyaca tsa'a̱ ji'i̱. ―Tachaa tsa ndi'i̱ ngu' re slo na ―nacui̱ ngu' bi' ji'i̱ Jesús―. ¿Ni cha' laca nchcuane nu'u̱ ji'i̱ ngu', “Tilaca ndyala' 'na”?

SAN LUCAS 11:29

Tya ndyu'u ti'i̱ la ngu' slo Jesús tsa tlyu ti, li' chaca quiya' nchcui' Jesús lo'o ngu': ―Xña'a̱ tsa ñati̱ chalyuu juani ―nacui̱ Jesús―. Cua nti' ngu' cha' cua'ni na' sca cha' tlyu chacuayá' ji'i̱ ycui' Ndyosi, cha' ña'a̱ cui'ya ngu' ji'i̱ ñi'ya̱ si laca sca cuxe' ti. Pana ná cua'ni na' jua'a̱. Nga'a̱ cha' tyi'u ti' ma̱ ñi'ya̱ nu ngua ji'i̱ jyo'o Jonás lo'o nguti'i̱ yu chalyuu tya sa'ni la.

SAN LUCAS 12:1

Cua ndyu'u ti'i̱ tyu̱u̱ tsa mil tya'a ñati̱ slo Jesús li'. Tachaa tsa ndi'i̱ ngu' bi', ña'a̱ cuayá' nu nsatá quiya' ngu' ji'i̱ tya'a ngu'. Laja li' nchcui' Jesús lo'o nu ngu' nu ndyaca tsa'a̱ ji'i̱: ―Tii ti' ma̱ ji'i̱ cña nu ndyu'ni ngu' fariseo, nu ngu' nu tacati tsa ndu'ni ycui' ca ngu', nti' ngu'.

SAN LUCAS 19:3

Cua nti' yu tyuloo yu ji'i̱ Jesús, pana ná nchca ña'a̱ yu ji'i̱ cha' quiña'a̱ tsa ñati̱ ndi'i̱. Lo'o Zaqueo ni, sata' ti yu.

SAN LUCAS 7:6

Li' ndyaa Jesús lo'o ngu' bi'. Lo'o bilya tyalaa ngu' lo'o Jesús ca ni'i̱ ji'i̱ nu capitán bi', li' nda capitán ji'i̱ xa' tya'a tso'o cha' tsaa ngu' tyacua tya'a ngu' lo'o Jesús ca tyucui̱i̱ su lijya̱: ―Ndi'ya̱ nchcui' nu capitán bi' ―nacui̱ ngu' ji'i̱ Jesús li'―: “Ná quiña'a̱ tsa cha' culacua ti' nu'u̱, cusu'”, nacui̱, “masi ná ca̱a̱ nu'u̱ to' ni'i̱ jna'”, nacui̱.

SAN LUCAS 8:42

Sca ti sñi' ntsu'u ji'i̱ nu Jairo bi', sca nu cuna'a̱ cuañi' nu ntsu'u tii tyucuaa ti yija̱. Pana juani quicha tsa nu piti bi', cua cajaa ti. Li' ndyaa Jesús lo'o nu cusu' bi', lo'o quiña'a̱ tsa ñati̱ tya'a ndya'a̱ lo'o; cha' quiña'a̱ ñati̱ ni, tachaa tsa ndi'i̱ ngu' slo Jesús.

SAN LUCAS 8:45

Li' nchcuane Jesús ji'i̱ ngu' nu ndi'i̱ slo: ―¿Tilaca laca nu ndyala' 'na? ―nacui̱. Lcaa ñati̱ nchcui' cha' ná tucui ndyala' ji'i̱ Jesús. Bi' cha' lo'o Pedro lo'o jua'a̱ xa' tya'a ndya'a̱ yu, nguxacui̱ ngu' cha' ji'i̱ Jesús li': ―Cusu' ―nacui̱ ngu'―, tyi'i̱ ca chu̱' nu'u̱ tachaa tsa ndi'i̱ ñati̱, hasta nsatá tsa ngu' chu̱' na. Ni cha' nchcui' nu'u̱ lacua: “¿Tilaca laca nu ndyala' 'na?”

LOS HECHOS 10:38

Jlo ti' ma̱ ñi'ya̱ nguti'i̱ Jesús chalyuu, la cui' Jesús Nazaret. Cua ngusubi ycui' Ndyosi Sti yu ji'i̱ Jesús, nda la Ni juersa ji'i̱ nu Jesús bi' nu lo'o ndyalaa Xtyi'i ycui' Ni lo yu. Lcaa su nguta'a̱ yu ngua'ni yu cha' tso'o lo'o ñati̱, lo'o jua'a̱ ngua'ni yu cha' ndyaca tso'o ngu' nu quicha tsa, masi ñati̱ nu ntsu'u tsa cha' ti'í ji'i̱ xqui'ya cha' ngusñi cui'i̱ cuxi ji'i̱ ngu'. Ngua'ni Jesús cña jua'a̱, cha' nguxtyucua ycui' Ndyosi ji'i̱ yu.