SAN MARCOS 5:23 - Chatino Tataltepec

²³ Tya'na tsa nchcui' yu lo'o Jesús li': ―Cua cajaa ti sñi' na' ―nacui̱ yu ji'i̱―. Cua'ni nu'u̱ cha' tso'o tsaa nu'u̱ ca su ntsiya nu cuna'a̱ piti bi' 'na, cha' cua'ni nu'u̱ jo'o ji'i̱ cho'; sta ya' nu'u̱ chu̱' nu piti cha' cu'ú cho'.

SAN MARCOS 5:23 ပူးပေါင်းရင်းမြစ်များ

SAN MATEO 8:3

Li' ngutacui ya' Jesús lo nu quicha bi', ngusta ya' su ndyatsu' cuaña' yu. ―Cua'ni na' jo'o jinu'u̱ ―nacui̱ Jesús ji'i̱ nu quicha bi'―. Tyanu lubii cuaña' nu'u̱ juani ―nacui̱. Hora ti ngua tso'o nu quicha bi', ngua lubii cuaña' yu.

SAN MARCOS 16:18

masi xñi ngu' ji'i̱ cuaña tyaala, masi co'o ngu' taná tyaala, ná sca cha' cuxi caca ji'i̱ ngu' bi' li'; lo'o sta ya' ngu' bi' hichu̱' ngu' quicha, tyaca tso'o nu quicha bi' ―nacui̱ Jesús ji'i̱ ngu'.

SAN MARCOS 5:24

Lo'o li' ndyaa Jesús lo'o yu bi', jua'a̱ ndyaa quiña'a̱ ñati̱ lo'o ngu', hasta tachaa tsa ndi'i̱ ngu' lo'o ndya'a̱ ngu'.

SAN MARCOS 6:13

Ngulo ngu' nu ndyaca tsa'a̱ bi' cui'i̱ cuxi nu ngusñi ji'i̱ tyu̱u̱ tya'a ñati̱, lo'o jua'a̱ nda'a̱ ngu' setye tyixi xtyi'i lo xa' la ngu' quicha lo'o ngua'ni ngu' jo'o ji'i̱ ngu' quicha bi'; ndyaca tso'o nu ngu' quicha bi' li'.

SAN MARCOS 7:32

Li' ñaa xi ñati̱ slo Jesús, ñaa lo'o ngu' ji'i̱ sca nu cu'u̱. Na cu'u̱ jyaca̱ yu, jua'a̱ ná nchca chcui' tso'o yu. Li' nchcui' ngu' lo'o Jesús cha' sta ya' hique nu quicha bi'.

SAN MARCOS 8:23

Bi' cha' ndaya' Jesús ya' nu cuityi̱', ndyaa lo'o yu ji'i̱ ca to' quichi̱. Ngutu'u hitya sañi' Jesús cloo nu quicha, ngusta ya' yu cloo nu cuityi̱' bi' li'. ―¿Ha cua ña'a̱ nu'u̱ sca na? ―nacui̱ Jesús ji'i̱ nu quicha.

SAN LUCAS 13:13

Lo'o li' ngusta ya' Jesús hichu̱' ma'. Hora ti ngüiñi tyucuí̱ hichu̱' ma'. Li' nacui̱ ma' cha' tlyu tsa cña ndu'ni ycui' Ndyosi.

SAN LUCAS 4:38

Li' ndu'u Jesús nde ne' laa, ndyaa yu to' tyi Pedro. Quicha tsa xtya'a̱ laa Simón Pedro bi', cha' tlyu tsa tyique' ngusñi ji'i̱ ma'. Tya'na tsa nchcui' ngu' lo'o Jesús cha' tsaa na'a̱ xi ji'i̱ ma'.

SAN LUCAS 4:40

Lo'o ndyaa cuichaa, li' ndyaa lo'o ngu' ji'i̱ lcaa tya'a ngu' nu quicha tsa cha' ngusñi tyu̱u̱ lo quicha ji'i̱ ngu', ndyalaa ngu' ca slo Jesús. Li' ngusta ya' Jesús hichu̱' ngu' quicha cuentya scaa ti ngu'. Hora ti ndyaca tso'o ngu' li'.

SAN LUCAS 7:12

Lo'o cua ndyalaa ngu' ca to' quichi̱ bi', li' na'a̱ ngu' cha' ndyaa lo'o ngu' quichi̱ bi' ji'i̱ sca jyo'o cha' cua tyatsi'. Sñi' sca nu cuna'a̱ ti'i laca jyo'o bi'; cua ndyanu ma' ycui' ti ma' nu lo'o ngujuii sñi' ma', cha' nu sca ti sñi' qui'yu ma' laca yu nu ngujuii bi'. Tyu̱u̱ tsa tya'a ngu' quichi̱ bi' ndya'a̱ ngu' lo'o ma'.

SAN JUAN 11:3

Cua nda tyucuaa nu cuna'a̱ bi' cha' ndyaa ca slo Jesús: ―Tyu'u cha' clyu ti' jinu'u̱, Xu'na ―nacui̱ ngu' cuna'a̱ bi'―, nde lijya̱ cha', cha' caca cuayá' ti' nu'u̱ cha' ntsiya tya'a tso'o nu'u̱, quicha tsa yu.

LOS HECHOS 28:8

Ngua quicha sti Publio; ntsu'u tyique' ji'i̱, lo'o jua'a̱ cutse' tañi ndyu'ni ji'i̱. Ndyaa na'a̱ Pablo ji'i̱ sti Publio bi' li'. Nchcui' yu lo'o ycui' Ndyosi cuentya ji'i̱ nu quicha bi', ngusta ya' yu chu̱' nu quicha; hora ti ngua tso'o nu quicha bi' li'.

LOS HECHOS 6:6

Li' ndyaa lo'o lcaa ñati̱ nu ndi'i̱ bi' ji'i̱ nu cati tya'a ngu' bi' slo nu tii tyucuaa tya'a ngu' nu ngua tsa'a̱ ji'i̱ Jesucristo tya clyo. Lo'o nu tii tyucuaa tya'a ngu' bi' ni, nchcui' ngu' lo'o ycui' Ndyosi cha' ji'i̱ nu cati tya'a ngu' bi'. Cuati ngusta ya' ngu' hique nu cati tya'a ngu' bi' chacuayá' ji'i̱ ycui' Ndyosi, cha' tyanu ngu' lo cña bi'.

LOS HECHOS 8:17

Ngusta ya' Pedro lo'o Juan hique ngu', li' ndyanu Xtyi'i ycui' Ndyosi ne' cresiya ji'i̱ ngu' bi'.

LOS HECHOS 9:12

La cui' jua'a̱ cua ngua'ni Ni cha' nchcui' xcalá yu; laja xcalá yu na'a̱ yu jinu'u̱ cha' ndyaa nu'u̱ slo yu cha' cua'ni nu'u̱ jo'o ji'i̱ cloo yu, cha' sta ya' nu'u̱ lo yu cha' tyaca tso'o cloo yu chaca quiya'.

LOS HECHOS 9:17

Li' ndyaa Ananías slo Saulo ca to' tyi Judas bi'. Ndyatí̱ Ananías ni'i̱, ngusta ya' yu lo Saulo, nchcui' yu lo'o nu Saulo bi' li': ―Saulo, tya'a na' ―nacui̱ yu―. La cui' Jesucristo nu laca Xu'na na cua ngulu'uloo Ni jinu'u̱ tyucui̱i̱ su lijya̱ nu'u̱ ca quichi̱ re. Lo'o nu juani cua ngulo nu Xu'na na cña 'na cha' ca̱a̱ na' slo nu'u̱ cha' cua'ni na' jo'o ji'i̱ cloo nu'u̱, cha' caca ña'a̱ nu'u̱ chaca quiya'; bi' cha' lijya̱ na' slo nu'u̱ juani, xqui'ya cha' nti' Xtyi'i ycui' Ndyosi tyanu ne' cresiya jinu'u̱.