SAN MARCOS 5:16 - Chatino Tataltepec

¹⁶ Nchcui' tsa ngu' nu ña'a̱si̱i̱ ji'i̱ cube' bi' ñi'ya̱ ngua cha' ji'i̱ nu quicha, cha' tsa tlyu ti nguxtyanu cui'i̱ xña'a̱ ji'i̱. Li' ndu'u cui'i̱ bi' ndyaa, ngusñi ji'i̱ lcaa cube' nu ndi'i̱ bi'; ndye cha' ji'i̱ cube' bi' li'.

SAN MARCOS 5:16 ပူးပေါင်းရင်းမြစ်များ

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

SAN MATEO 9:32

Lo'o cua ndu'u ngu' bi' ndyaa ngu', li' ndyalaa chaca latya ñati̱, ya̱a̱ lo'o ngu' ji'i̱ sca yu cu'u̱; na cu'u̱ yu xqui'ya cui'i̱ cuxi nu ngusñi ji'i̱ yu.

SAN MARCOS 5:15

Nu lo'o ngulaa ngu' slo Jesús, li' na'a̱ ngu' ji'i̱ nu qui'yu nu ngua quicha bi'; na'a̱ ngu' cha' ti̱ ti nga'a̱ nu qui'yu bi', lacu' ste', cha' cua ndyaca tso'o. Nga'aa nxalú cui'i̱ xña'a̱ bi' ji'i̱. Ndyutsi̱i̱ tsa ngu' li'.

SAN MARCOS 5:18

Lo'o cua tyatí̱ ti Jesús ne' yaca ni'i̱ sube cha' tyaa, li' nchcui' nu ngua quicha bi' lo'o Jesús; ngüijña chacuayá' ji'i̱ Jesús cha' tsaa lo'o.