SAN MARCOS 5:15 - Chatino Tataltepec

¹⁵ Nu lo'o ngulaa ngu' slo Jesús, li' na'a̱ ngu' ji'i̱ nu qui'yu nu ngua quicha bi'; na'a̱ ngu' cha' ti̱ ti nga'a̱ nu qui'yu bi', lacu' ste', cha' cua ndyaca tso'o. Nga'aa nxalú cui'i̱ xña'a̱ bi' ji'i̱. Ndyutsi̱i̱ tsa ngu' li'.

SAN MARCOS 5:15 ပူးပေါင်းရင်းမြစ်များ

SAN MATEO 12:29

’Sca ñati̱ nguula ni, ná caja ñi'ya̱ tyatí̱ ngu' to' tyi yu cha' cuaana ngu' yu'ba ji'i̱ yu; sca ti si sca̱' ngu' ji'i̱ xu'na ni'i̱ clyo, taca cuaana ngu' na nu ntsu'u ji'i̱ yu bi' li'.

SAN MATEO 26:53

¿Ha ná jlo ti' nu'u̱ cha' si jña na' ji'i̱ Sti na', hora ti culo ycui' Ni cña cha' ca̱a̱ tii tyucuaa tya'a taju xca̱ ji'i̱ Ni, cha' xtyucua xca̱ bi' 'na?

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

SAN MATEO 9:33

Lo'o ngulo Jesús cui'i̱ cuxi ji'i̱ nu quicha bi', li' ngua nchcui' yu, masi cu'u̱ yu tsa̱ la. Ndube tsa ti' lcaa ñati̱ nu ndu̱ ndacua li'. ―Bilya ña'a̱ na sca cha' tlyu jua'a̱ ―nacui̱ ngu' ji'i̱ tya'a ngu'―. Ná ntsu'u ñati̱ tyucui ña'a̱ nasiyu̱ Israel re nu caca cua'ni jo'o jua'a̱ ―nacui̱ ngu'.

SAN MARCOS 5:14

Lo'o li' ndube tsa ti' ngu' nu ña'a̱si̱i̱ ji'i̱ cube' bi', ngusna ngu' ca quichi̱ cha' cacha' ngu' ji'i̱ lcaa ngu' cacua ti ñi'ya̱ cha' ngua bi'. Hora ti ndu'u ngu' lijya̱ ngu' cha' ña'a̱ ngu' ji'i̱ cha' bi'.

SAN MARCOS 5:16

Nchcui' tsa ngu' nu ña'a̱si̱i̱ ji'i̱ cube' bi' ñi'ya̱ ngua cha' ji'i̱ nu quicha, cha' tsa tlyu ti nguxtyanu cui'i̱ xña'a̱ ji'i̱. Li' ndu'u cui'i̱ bi' ndyaa, ngusñi ji'i̱ lcaa cube' nu ndi'i̱ bi'; ndye cha' ji'i̱ cube' bi' li'.

SAN MARCOS 5:18

Lo'o cua tyatí̱ ti Jesús ne' yaca ni'i̱ sube cha' tyaa, li' nchcui' nu ngua quicha bi' lo'o Jesús; ngüijña chacuayá' ji'i̱ Jesús cha' tsaa lo'o.

SAN MARCOS 5:4

Cua tyu̱u̱ quiya' ngusca̱' ngu' ji'i̱ lo'o carena nquicha', ndyaaca̱' quiya', ndyaaca̱' ya'; pana hora ti ngusi'yu cu' chcua̱ bi', ndyati̱' carena, ndyanu yu'be ti chcua̱ nu ndyaaca̱' nu quicha bi'. Ni sca ngu' ná ngué ngu' cha' tyiji̱loo ji'i̱ yu quicha bi'.

SAN MARCOS 5:9

Li' nchcuane Jesús ji'i̱ yu quicha bi': ―¿Ni naa nu'u̱? ―nacui̱ Jesús ji'i̱. ―Quiña'a̱ tsa lo naa na' ―nacui̱ nu quicha―, cha' quiña'a̱ tsa tya'a cui'i̱ xña'a̱ ngusñi 'na ―nacui̱.

SAN LUCAS 10:39

Lo'o jua'a̱ ntsu'u sca tya'a ngula Marta nu naa María. Hora ti ndyaca'a̱ nu María bi' cacua ti slo Jesús cha' cuna cha' nu chcui' yu;

SAN LUCAS 8:27

Lo'o cua ndu'u ngu' ne' yaca ni'i̱ bi', li' ndyacua tya'a Jesús lo'o sca nu qui'yu ngu' Gadara nu ntsu'u cui'i̱ xña'a̱ ji'i̱. Cua sa'ni ngusñi cui'i̱ ji'i̱ yu; tya li' ná nchcu' yu late', ná ndi'i̱ yu ni'i̱. Na ndya'a̱ yu'u ti yu, ndyija' yu ne' lo'o jyo'o.

COLOSENSES 1:13

Na cua ngua'ni lyaá Ni ji'na, cua ngua'ni tye Ni ji'i̱ chalyuu talya su nguta'a̱ na, lo'o jua'a̱ cua ngulu'u Ni chaca tyucui̱i̱ ji'na nu tsaa ca chalyuu tso'o su laca Cristo loo ji'na. Sñi' ycui' Ndyosi laca Cristo, lo'o jua'a̱ tyaca'a tsa yu ji'i̱ ycui' Ni;

2 TIMOTEO 1:7

Ná nti' ycui' Ndyosi cha' cutsi̱i̱ na; bi' cha' nda Ni Xtyi'i ycui' Ni cha' tyanu ne' cresiya ji'na, cha' ca tlyu tyiquee na, cha' tso'o ti tyu'u tyiquee na ña'a̱ na ji'i̱ tya'a ñati̱ na, cha' taca cua'ni na ñi'ya̱ nu nti' ycui' Ndyosi cha' cua'ni na lcaa tsa̱.