SAN MARCOS 5:14 - Chatino Tataltepec

¹⁴ Lo'o li' ndube tsa ti' ngu' nu ña'a̱si̱i̱ ji'i̱ cube' bi', ngusna ngu' ca quichi̱ cha' cacha' ngu' ji'i̱ lcaa ngu' cacua ti ñi'ya̱ cha' ngua bi'. Hora ti ndu'u ngu' lijya̱ ngu' cha' ña'a̱ ngu' ji'i̱ cha' bi'.

SAN MARCOS 5:14 ပူးပေါင်းရင်းမြစ်များ

SAN MATEO 7:6

’Cha' lubii nu cuentya ji'i̱ ycui' Ndyosi ni, ná tso'o si tsaa chcui' ma̱ cha' bi' lo'o ñati̱ cuxi nu ná nti' cuna cha' bi' tsiya' ti, cha' ñi'ya̱ nti' xne', jua'a̱ nti' ngu' bi'; su'ba ñasi̱' ma̱ ji'i̱ ngu' cuxi bi', cha' cua'ni lya' ti' ngu' ji'i̱ ma̱ li'. Lo'o jua'a̱ ná tso'o sta ma̱ sca na tso'o nu quiña'a̱ tsa nga'a̱ su ndya'a̱ cube', cha' hora ti satá quiya' ni' na tso'o bi'.

SAN MATEO 8:33

Lo'o na'a̱ ngu' nu ña'a̱si̱i̱ ji'i̱ cube' bi' ñi'ya̱ nu ngua ji'i̱ ni', ndyutsi̱i̱ tsa ngu' li'. Ngusna ngu' ca quichi̱ cha' cacha' ngu' ji'i̱ ngu' quichi̱ ñi'ya̱ nu ngua ji'i̱ ngu' quicha nu ngusñi cui'i̱ xña'a̱ ji'i̱, lo'o jua'a̱ ndacha' ngu' ñi'ya̱ nu ngua ji'i̱ cube' bi'.

SAN MARCOS 5:13

Lo'o li' nda Jesús chacuayá' bi' ji'i̱ lcaa cui'i̱ xña'a̱ bi'. Li' ndu'u cui'i̱ ndyaa, ngusñi ji'i̱ cube'. Ndi'i̱ tucua mil tya'a cube', lo'o jua'a̱ ngusñi cui'i̱ bi' ji'i̱ lcaa ni'. Ngusna ni' sii' cua'a̱ li', ndyú ca ta'a ni' ne' hitya tayu'; ndyi'o ni' hitya, ngujuii lcaa cube' bi' li'.

SAN MARCOS 5:15

Nu lo'o ngulaa ngu' slo Jesús, li' na'a̱ ngu' ji'i̱ nu qui'yu nu ngua quicha bi'; na'a̱ ngu' cha' ti̱ ti nga'a̱ nu qui'yu bi', lacu' ste', cha' cua ndyaca tso'o. Nga'aa nxalú cui'i̱ xña'a̱ bi' ji'i̱. Ndyutsi̱i̱ tsa ngu' li'.

SAN LUCAS 8:34

Lo'o na'a̱ ngu' cha' bi', ngu' nu ndya'a̱ lo'o cube' bi' ni, ngusna clya ngu' li'. Ndyaa ngu' nde quichi̱ tyi ngu', ndyaa cacha' ngu' cha' bi' ji'i̱ tya'a quichi̱ tyi ngu'; lo'o ji'i̱ lcaa ngu' nu ndi'i̱ ne' quixi̱' cacua ti, ndacha' ngu' ji'i̱ ngu' bi' ñi'ya̱ ngua cha' bi'.