SAN MARCOS 4:41 - Chatino Tataltepec

⁴¹ Ndube tsa ti' ngu' ña'a̱ ngu' ji'i̱ Jesús li': ―¿Tilaca laca nu qui'yu re? ―nacui̱ ngu' ji'i̱ tya'a ngu'―, cha' lo'o cui'i̱ ndaquiya' ji'i̱ yu, lo'o jua'a̱ nduna clyoo' lo tayu' cha' nu nda yu ―nacui̱ ngu' ji'i̱ tya'a ndyaca tsa'a̱ ngu'.

SAN MARCOS 4:41 ပူးပေါင်းရင်းမြစ်များ

SAN MATEO 14:32

Lo'o li' ndyalaa lo'o Jesús ji'i̱ Pedro ca su ndacui yaca ni'i̱, ndyatí̱ ngu' ne' bi' li'; hora ti ngua ti̱ cui'i̱ li'.

SAN MATEO 8:27

Ndube tsa ti' ngu' bi' li', cha' ngua ti̱ tsiya' ti clyoo' lo'o cui'i̱ bi'. ―¿Ti ñati̱ ta laca nu cusu' re? ―nacui̱ ngu' ji'i̱ tya'a ngu'―. Ndaquiya' clyoo' ji'i̱, jua'a̱ nduna cui'i̱ cha' nu nchcui' nu cusu' re lo'o.

SAN MARCOS 4:40

Lo'o li' nchcui' Jesús lo'o ngu' nu ndyaca tsa'a̱ ji'i̱: ―¿Ni cha' ntsi̱i̱ tsa ma̱? ―nacui̱ Jesús ji'i̱ ngu'―. ¿Ni cha' laca ná jlya ti' ma̱ ji'i̱ ycui' Ndyosi cha' caca ji'i̱ Ni cua'ni Ni jua'a̱? ―nacui̱.

SAN MARCOS 5:1

Lo'o li' ndyalaa ngu' chaca tsu' tayu bi', nde loyuu su cuentya Gadara.

SAN MARCOS 5:33

Li' ñaa nu cuna'a̱ bi', ndatu̱ sti̱' slo yu. Nchcua̱a̱ ma' bi', cha' ndyutsi̱i̱ tsa ma', masi jlo ti' cha' cua ndyaca tso'o. Li' ndacha' liñi ma' ji'i̱ Jesús ñi'ya̱ ngua ji'i̱ ma'.

SAN MARCOS 7:37

Ndube tsa ti' ngu' lo'o ndyuna ngu' ñi'ya̱ ngua cha' bi'. ―Tso'o tsa ndu'ni yu bi' ―nacui̱ ngu'―, lo'o ji'i̱ ngu' nu cu'u̱ jyaca̱ nchca ji'i̱ yu ndu'ni yu cha' ndyaca tso'o ngu'; hasta lo'o nchcui' ngu' quicha bi' chaca quiya' xqui'ya yu, masi ngua cu'u̱ tu'ba ngu'.

SAN LUCAS 4:36

Ngulacua tsa ti' ngu' li', nguxana nchcui' ngu' lo'o tya'a ngu': ―¿Macala ngujui cha' nu nchcui' Jesús cua? ―nacui̱ ngu'―. ¿Ni cha' laca cha' tso'o tsa ngujui chacuayá' ji'i̱ yu cua cha' culo yu cña ji'i̱ cui'i̱ cuxi? Hora ti nduna cui'i̱ cuxi cha' nu nchcui' yu lo'o, ndu'u cui'i̱ bi' ndyaa li' ―nacui̱ ngu' ji'i̱ tya'a ngu'.

SAN LUCAS 8:25

Li' nchcui' Jesús lo'o nu ngu' nu ndyaca tsa'a̱ ji'i̱ bi': ―¿Ni cha' ná jlya ti' ma̱ ji'i̱ ycui' Ndyosi cha' caca ji'i̱ Ni cua'ni Ni jua'a̱? ―nacui̱ Jesús ji'i̱ ngu' bi'. Pana ntsi̱i̱ tsa ngu' bi', ndube tsa ti' ngu' ña'a̱ ngu' ji'i̱ Jesús li'. ―¿Tilaca laca nu qui'yu re? ―nacui̱ ngu' ji'i̱ tya'a ngu'―, cha' lo'o cui'i̱ ndaquiya' ji'i̱ yu, lo'o jua'a̱ nduna clyoo' lo tayu' cha' nu nda yu ―nacui̱ ngu' ji'i̱ tya'a ndyaca tsa'a̱ ngu'.

HEBREOS 12:28

Lo'o jua'a̱ ná taca cha'a̱ chalyuu cucui nu ngujui ji'na xqui'ya Cristo, ná clyiji tsiya' ti bi'; bi' cha' tso'o tyu'u tyiquee na ña'a̱ na ji'i̱ ycui' Ndyosi lacua. Cua'ni chi̱ na loo ycui' Ndyosi, cha' jua'a̱ nti' Ni cha' cua'ni na; tyi'u ti' na cha' lcaa tsa̱ cua'ni tlyu na ji'i̱ ycui' Ni, cha' cube tsa ti' na ji'i̱ Ni.

APOCALIPSIS 15:4

¿Ha ná ntsi̱i̱ ngu' jinu'u̱? ¿Ha ná tyaja'a̱ ngu' ñacui̱ ngu' cha' tlyu tsa cña nu ndu'ni nu'u̱? Sca ti ycui' nu'u̱ nu lubii tsa cresiya jinu'u̱. Cua na'a̱ ngu' lcaa su ndyu'ni cuayá' nu'u̱ ji'i̱ ñati̱ cha' liñi tsa ndyu'u cha'; bi' cha' tya̱a̱ lcaa ñati̱ tyucui ña'a̱ chalyuu ca su ntucua nu'u̱, cha' cua'ni tlyu ngu' jinu'u̱. Ndye ji̱i̱ nu ndyula tu'ba ngu' li'.