SAN MARCOS 4:39 - Chatino Tataltepec

³⁹ Li' ndyatu̱ Jesús, ngulo yu cña ji'i̱ cui'i̱, ngua'a ji'i̱ clyoo' lo tayu'. ―Caca ti̱ ti lo hitya re ―nacui̱ yu. Hora ti ngua ti̱ cui'i̱, ngua ti̱ clyoo'; ti̱ ti ndyanu tayu' li'.

SAN MARCOS 4:39 ပူးပေါင်းရင်းမြစ်များ

SAN MATEO 8:26

Li' nguxacui̱ Jesús cha' ji'i̱ ngu' bi': ―¿Ni cha' ntsi̱i̱ tsa ma̱? ―nacui̱ ji'i̱ ngu'―. ¡Xi tsa tyempo ndalo ma̱, cha' ná jlya ti' ma̱ ji'i̱ ycui' Ndyosi cha' caca ji'i̱ Ni cua'ni Ni cña! Lo'o li' ndyatu̱ Jesús, nchcui' lo'o cui'i̱ lo'o clyoo' cha' cua'a ji'i̱ cha' bi'; hora ti ngua ti̱ bi' li'.

SAN MARCOS 4:38

Pana laja' ti Jesús ntsu'u nde siyu' yaca ni'i̱, ngustii yu lo sca late' lcuti. Nguxtyu'u ngu' ji'i̱ yu li': ―Cusu' ―nacui̱ ngu' ji'i̱ Jesús―. Que ti' nu'u̱. ¿Ha ná ndube ti' nu'u̱ cha' cua cajaa ti na? ―nacui̱ ngu'―. Cua quilyu'u ti yaca ni'i̱ re.

SAN MARCOS 9:25

Lo'o na'a̱ Jesús cha' quiña'a̱ la ñati̱ cua tyu'u ti'i̱ ti ngu' slo, li' ngulo yu cña ji'i̱ cui'i̱ cuxi bi': ―Cui'i̱ cuxi nu'u̱ ni, la cui' nu'u̱ laca nu ngua'ni cu'u̱ ji'i̱ nu quicha re ―nacui̱ Jesús―. Culo na' cña jinu'u̱ juani cha' tyu'u nu'u̱ ji'i̱ yu cuañi' re. Nga'aa xlyú nu'u̱ ji'i̱ yu tsiya' ti ―nacui̱ Jesús ji'i̱ cui'i̱ cuxi.

SAN LUCAS 4:35

Ngua'a Jesús cha' ji'i̱ nu quicha li'; ngulo yu cña ji'i̱ cui'i̱ cuxi bi', cha' nga'aa cua'ni cuxi lo'o yu quicha bi'. ―Chca'a̱ ti̱ nu'u̱ ―nacui̱ Jesús―. Nga'aa cua'ni xña'a̱ cui'i̱ lo'o nu'u̱. Li' nguxlyú nu cui'i̱ cuxi bi' ji'i̱ yu quicha nde loo su ndi'i̱ ngu' quiña'a̱ bi'. Lo'o li' ndu'u nu cui'i̱ cuxi bi' ndyaa, nga'aa ngua'ni cuxi lo'o nu quicha bi' li'.

SAN LUCAS 4:39

Ndu̱ ti Jesús slo ma' ña'a̱ tsa yu ji'i̱ ma'. Li' ngua'a yu ji'i̱ tyique' bi', cha' tyu'u tyique' ji'i̱ ma'. Hora ti ndaca'a̱ ma', ngua'ni cña ti' ma' cha' caja xi na cacu ngu'.

SAN LUCAS 8:24

Li' ndyaa nguxtyu'u ngu' ji'i̱ Jesús ca su ntsiya laja'. Nchcui' ngu' lo'o li': ―Cusu', cusu' ―nacui̱ ngu' ji'i̱―, que ti' nu'u̱. Cua quilyu'u ti yaca ni'i̱ re, cajaa na li'. Ndaca'a̱ Jesús li', ngulo yu cña ji'i̱ cui'i̱ lo'o ji'i̱ clyoo' bi'. Hora ti ngua ti̱ bi' li'; nga'aa ndyaca cui'i̱, nga'aa ntyucua clyoo'.