SAN MARCOS 4:22 - Chatino Tataltepec

²² Ndu'ni cha' tyu'u lo xee lcaa na nu ndyu'u cuatsi' ji'i̱ ñati̱ juani; ná sca cha' ntsu'u cuaana ti juani nu ná quijeloo ji'i̱ ñati̱ ca tiya' la.

SAN MARCOS 4:22 ပူးပေါင်းရင်းမြစ်များ

SAN LUCAS 8:17

Lcaa cha' nu nsu'ba yacu̱' ngu' ji'i̱, quijeloo cha' bi' ji'i̱ ngu' ca tiya' la; lcaa cha' nu ntsu'u cuaana ti, quije cha' bi' ji'i̱ ngu' ca tiya' la, cha' caca cuayá' ti' na ji'i̱ cha' bi' li'.

LOS HECHOS 20:27

Cua nda na' cha' lo'o ma̱, lcaa cha nu' ngua ti' ycui' Ndyosi cua'ni Ni lo'o ma̱; ni sca cha' ná ndyu'u cuaana ti tyiquee na'.

LOS HECHOS 4:20

Tso'o la nti' ya cha' cua'ni ya cña nu ngulo ycui' Ndyosi ji'i̱ ya; bi' cha' ná tye chca cha' chcui' ya lo'o ñati̱, lcaa cha' nu cua na'a̱ ya ji'i̱ Jesús, lo'o lcaa cha' nu cua ndyuna ya, cha' nu nchcui' yu lo'o ya.

1 CORINTIOS 4:5

Lo'o jua'a̱ cu'ma̱, ná yala tsa clyacua ti' ma̱ cha' sta ma̱ qui'ya ji'i̱ sca ñati̱; jatya ma̱ ña'a̱ cuayá' ca̱a̱ ycui' nu Xu'na na, bi' laca nu cua'ni cuayá' ji'i̱ ca ta'a na. Li' culotu̱ Ni ji'i̱ lcaa cha' cuxi nu ntsu'u cuaana ti ne' cresiya ji'na, masi sca cha' nu ná nti' na cacha' na ji'i̱ tya'a ñati̱ chalyuu na. Jua'a̱ cacha' Ni lcaa cha' nu ntsu'u ne' cresiya ji'i̱ lcaa ñati̱ chalyuu, lo'o li' ta Ni nu tso'o ji'na, cua ña'a̱ ca cha' tso'o nu ñacui̱ Ni cha' tyacua ji'i̱ scaa na.