SAN MARCOS 4:17 - Chatino Tataltepec

¹⁷ Pana si lya' ti' xa' ñati̱ ji'i̱ ngu' bi' xqui'ya cha' tso'o nu ndyuna ngu' bi', si xtyí lo'o ñati̱ ji'i̱ ngu', ná talo ngu' li'; laca ngu' bi' ñi'ya̱ laca si ná ngusñi tso'o su̱u̱ si'yu nu ntyucua lo yuu lati tu'ba chu̱' quee bi', lo'o li' ná ndalo calya bi' ndyanaa li'.

SAN MARCOS 4:17 ပူးပေါင်းရင်းမြစ်များ

SAN MATEO 11:6

Tso'o tsa caca tyiquee ñati̱ nu ña'a̱ ti tya nxñi cha' 'na, masi ná nchca cuayá' tso'o ti' lcaa cha'.

SAN MATEO 12:31

’Bi' cha' ndacha̱' ji'i̱ ma̱ juani cha' taca cui'ya ycui' Ni cha' clyu ti' ji'i̱ ñati̱ xqui'ya lcaa qui'ya nu ntsu'u ji'i̱ ngu', masi cuxi tsa nchcui' ngu' ji'i̱ ycui' Ni; pana lo'o cuxi tsa nchcui' ngu' ji'i̱ cña nu ndu'ni Xtyi'i ycui' Ndyosi, li' nga'aa cui'ya ycui' Ni cha' clyu ti' ji'i̱ ngu' bi' tsiya' ti.

SAN MATEO 13:21

Pana si lya' ti' xa' ñati̱ ji'i̱ ngu' bi', si xtyí lo'o ñati̱ ji'i̱ ngu' xqui'ya cha' tso'o nu cua ndyuna ngu' bi', ná talo ngu' li'. Laca ngu' bi' ñi'ya̱ laca lo'o ná ngusñi tso'o su̱u̱ si'yu nu ntyucua lo yuu lati tu'ba chu̱' quee bi', cha' ná ndalo calya bi', ndyanaa bi' li'.

SAN MARCOS 4:16

Lo'o si'yu nu ndyalú lo yuu lati tu'ba chu̱' quee ni, bi' laca ñi'ya̱ laca ñati̱ nu tso'o tsa ntsu'u tyiquee ngu' lo'o clyo ndyuna ngu' cha' tso'o bi' ji'i̱ ycui' Ndyosi.

SAN MARCOS 4:18

Si'yu nu ndyalú lo yuu laja yaca quiche' ni, bi' laca ñi'ya̱ laca ñati̱ nu ndyuna cha' tso'o bi',

SAN LUCAS 12:10

’Cua'ni clyu ti' ycui' Ndyosi ji'i̱ ñati̱ nu chcui' cha' cuxi jna' nu lijya̱a̱ cha' caca na' ñati̱; pana ñati̱ nu chcui' cha' cuxi ji'i̱ cña nu ndu'ni Xtyi'i ycui' Ndyosi, nga'aa cua'ni clyu ti' Ni ji'i̱ ñati̱ bi'.

SAN JUAN 8:31

Lo'o li' nda Jesús cha' lo'o ngu' judío nu jlya ti' ji'i̱ yu. ―Lo'o tyanu cha' nu nclyu'u na' ji'i̱ ma̱ ne' cresiya ji'i̱ ma̱, cha' ji'i̱ ycui' Ndyosi bi', li' chañi cha' laca ma̱ ñati̱ nu ndyaca tsa'a̱ jna' ―nacui̱ Jesús ji'i̱ ngu'―.

GÁLATAS 6:12

Nu ñati̱ nu ndatsaa tsa ji'i̱ ma̱ cha' si'yu quiji̱ ma̱ ñi'ya̱ nu ndu'ni ngu' judío cha' culacua̱ ngu' ni, ndu'ni ngu' jua'a̱ cha' nti' ngu' cha' caca stu'ba cha' ji'i̱ ycui' ngu' lo'o tya'a ngu' judío; li' ná cua'ni lya' ti' tya'a ngu' judío ji'i̱ ngu' bi' si ngusñi ngu' cha' ji'i̱ Jesucristo nu ngujuii lo crusi, nti' ngu'.

2 TIMOTEO 1:15

Jlo ti' nu'u̱ cha' quiña'a̱ ñati̱ ji'i̱ Jesucristo cua nguxtyanu ngu' 'na; masi cua ña'a̱ ca ngu' nde loyuu su cuentya Asia, lo'o yu Figelo, lo'o yu Hermógenes, cua nguxtyanu ngu' bi' 'na.

2 TIMOTEO 4:10

Cua nguxtyanu Demas 'na xqui'ya cha' ndiya la ti' yu ji'i̱ cha' cuxi nu ntsu'u chalyuu, ndyaa yu ca quichi̱ Tesalónica. Nda na' ji'i̱ Crescente ndyaa ca Galacia, jua'a̱ nda na' ji'i̱ Tito ndyaa ca Dalmacia;

2 TIMOTEO 4:16

Lo'o nguta'a̱ na' slo ngu' tisiya clyo, ni sca ñati̱ ná nguxtyucua ngu' 'na li', cha' ngusna ngu'; bi' cha' ndijña na' ji'i̱ ycui' Ndyosi cha' cui'ya Ni cha' clyu ti' ji'i̱ ngu' bi'.

HEBREOS 10:29

Lo'o juani ni, tlyu la cha' ti'í tyacua ji'i̱ tya'a ñati̱ na nu chi̱i̱ tsa nti' ña'a̱ ngu' ji'i̱ Jesús, nu sca ti Sñi' ycui' Ndyosi bi', ngu' nu lye tsa chcui' lo ji'i̱ cña nu ngua'ni nu Jesús bi'; sca ti xqui'ya cha' ngujuii yu lo crusi, bi' cha' cua ndyaca lubii cresiya ji'na. Lo'o jua'a̱ si chcui' suba' na ji'i̱ Xtyi'i ycui' Ndyosi, li' lye la cha' nchcube' tyacua ji'na, cha' xcui' tso'o tsa ndu'ni Ni lo'o na xqui'ya Xtyi'i ycui' Ni.

1 JUAN 2:19

Tya clyo ndyu'u ti'i̱ nu ngu' cuiñi bi' lo'o na, lo'o li' ngutu'u ngu' bi' ndyaa ngu'; si'i ñati̱ tya'a ntsu'u cha' ji'na lo'o Jesucristo laca ngu' bi'. Si chañi cha' tya'a ndya'a̱ na laca ngu' bi', cua ndyanu ngu' lo'o na nquicha'; pana ngutu'u ngu' bi', cha' taca ca cuayá' ti' na cha' si'i lcaa ñati̱ nu ndyu'u ti'i̱ lo'o na laca tya'a ngusñi na cha' ji'i̱ Jesucristo.

APOCALIPSIS 2:10

Ná cutsi̱i̱ ma̱ ji'i̱ cha' ti'í nu caca ji'i̱ ma̱ nde loo la, masi cua'ni nu xña'a̱ cha' tyu̱u̱ tya'a ma̱ tsaa ma̱ xi ne' chcua̱. Cua nti' yu cua'ni cuayá' yu ji'i̱ ma̱ si ña'a̱ ti tya nxñi ma̱ cha' jna'. Pana tii ti tsa̱ xcube' yu ji'i̱ ma̱, nacui̱ Ni. Ña'a̱ ti tyucui tyiquee ma̱ xñi ma̱ cha' ji'i̱ ycui' Ndyosi Sti na', masi cajaa ma̱, cha' ná nga'a̱ cha' tye chalyuu nu ta na' ji'i̱ ma̱ nde loo la li'.

APOCALIPSIS 2:13

Cua jlo ti' na' lcaa ña'a̱ nu ndu'ni ma̱, nacui̱ Ni. Jlo ti' na' cha' laca Satanás loo ca su ndi'i̱ cu'ma̱; pana masi jua'a̱ laca cha', tya tso'o tsa nxñi ma̱ cha' 'na, nacui̱ Ni. Bilya tya'a̱chu̱' ma̱ ji'i̱ cha' jna'; ña'a̱ ti jlya ti' ma̱ 'na, masi tyempo cuxi nu ngua li', nu lo'o ndyujuii ngu' ji'i̱ jyo'o Antipas. Ná ndyutsi̱i̱ yu bi', nchcui' yu cha' 'na ca quichi̱ tyi ma̱ su ntucua Satanás loo.