SAN MARCOS 4:14 - Chatino Tataltepec

¹⁴ Ñi'ya̱ laca ñati̱ nu ndyataa si'yu bi', jua'a̱ laca ñati̱ nu nchcui' cha' tso'o ji'i̱ ycui' Ndyosi lo'o xa' la ñati̱.

SAN MARCOS 4:14 ပူးပေါင်းရင်းမြစ်များ

SAN MATEO 13:19

Lo'o cuna ñati̱ cha', ñi'ya̱ nu caca lo'o laca ycui' Ndyosi loo ne' cresiya ji'i̱ ngu', pana ná nchca cuayá' ti' ñati̱ bi' ni cha' laca bi', hora ti cua'ni xu'na cuiñaja cha' cuityi̱ cha' tso'o bi', cha' nga'aa xñi ngu' bi' cha' tso'o bi'. Laca ñati̱ bi' ñi'ya̱ laca lo'o ndyú si'yu to' tyucui̱i̱ ti.

SAN MATEO 13:3

Lo'o li' nchcui' Jesús xi cui̱i̱ lo'o ngu', cha' ca tsa'a̱ ngu' lcaa cha' nu ngua ti' Jesús culu'u yu ji'i̱ ngu'. Ndi'ya̱ nchcui' yu: ―Ngua sca tsa̱ ndyaa sca ñati̱ cataa si'yu trigo ―nacui̱ Jesús―.

SAN MATEO 13:37

―Tso'o ―nacui̱ Jesús ji'i̱ ngu'―. Na' nu cua nda Ni 'na lijya̱a̱ cha' caca na' ñati̱, nu lo'o nclyu'u na' ji'i̱ ñati̱ ni, ndu'ni na' ñi'ya̱ laca si ndyataa na' si'yu tso'o lo xtya̱ 'na.

SAN MARCOS 2:2

Li' quiña'a̱ tsa ñati̱ ndyu'u ti'i̱ ngu' slo yu; ná ndyu'u scua nde ni'i̱ su tyi'i̱ ngu', lo'o la cui' ti cha' to' ni'i̱ nde liya' tachaa tsa ndi'i̱ ngu'. Lo'o li' nclyu'u Jesús cha' tso'o ji'i̱ ycui' Ndyosi ji'i̱ ngu'.

SAN MARCOS 4:13

’¿Ha ná ngua cuayá' ti' ma̱ ñi'ya̱ nti' ñacui̱ cui̱i̱ bi'? ―nacui̱ Jesús ji'i̱ ngu' bi' li'―. ¿Ñi'ya̱ caca ta ma̱ cuentya ji'i̱ xi xa' la cui̱i̱ lacua, si ná nduna ma̱ cha' nu nchcui' na' bi'? ―nacui̱―.

SAN MARCOS 4:15

Ñi'ya̱ laca si'yu nu ndyalú lo yuu tacalya to' tyucui̱i̱ lo'o li' ndye si'yu ndyacu quiñi, jua'a̱ laca ñati̱ nu lo'o ndyuna ngu' cha' tso'o ji'i̱ ycui' Ndyosi, ná nduna tso'o ngu' li'. Ñi'ya̱ laca yuu tacalya bi', jua'a̱ laca cresiya ji'i̱ ñati̱ bi'. Ñi'ya̱ laca lo'o ndye ndyacu quiñi si'yu to' tyucui̱i̱, jua'a̱ ca̱a̱ Satanás cha' cuityi̱ cha' tso'o bi', cha' nga'aa tyi'u ti' ngu' cha' tso'o bi' li'.

SAN MARCOS 4:3

―Cua'a̱ jyaca̱ ma̱ ―nacui̱ Jesús ji'i̱ ngu'―. Ngua sca tsa̱ ndyaa sca ñati̱ cataa si'yu trigo.

SAN LUCAS 1:2

Lo'o jua'a̱ ntsu'u ngu' nu ngulu'u cha' bi' ji'na; ngu' bi' ni, cua na'a̱ ngu' cha' bi' clyo, tya lo'o nguxana Jesús ngua'ni yu cña, lo'o jua'a̱ ndyaa ngu' nchcui' ngu' cha' ji'i̱ Jesús lo'o lcaa ñati̱.

SAN LUCAS 8:11

’Ndi'ya̱ ndyu'u cha' ji'i̱ cui̱i̱ bi' ―nacui̱ Jesús ji'i̱ ngu'―. Ñi'ya̱ laca nu si'yu nu cua nscui̱ yu bi', jua'a̱ laca cha' tso'o nu nda ycui' Ndyosi lo'o ñati̱.

LOS HECHOS 8:4

Lo'o nu ngu' nu ndyaa xa' quichi̱ bi' ni, nda ngu' cha' ji'i̱ Cristo nu Xu'na na lo'o ngu' lcaa quichi̱ ca su ndyaa ngu'.