SAN MARCOS 4:12 - Chatino Tataltepec

¹² Bi' cha' nda na' cui̱i̱ bi' lo'o ngu', cha' masi ña'a̱ ngu', ná ta ngu' cuentya ñi'ya̱ nu tyu'u cha' bi'; masi cuna ngu', ná ca cuayá' ti' ngu' ñi'ya̱ nu tyu'u cha' bi'. Jlo ta̱' cha' ná ntaja'a̱ ngu' culochu̱' ngu' ji'i̱ cha' cuxi nu ntsu'u ji'i̱ ngu', bi' cha' ná nchca jna' cui'ya na' cha' clyu ti' ji'i̱ ngu' ji'i̱ qui'ya nu ntsu'u ji'i̱ ngu'.

SAN MARCOS 4:12 ပူးပေါင်းရင်းမြစ်များ

SAN MARCOS 8:18

Ntsu'u si'yu cloo ma̱, ¿ha ná nchca ña'a̱ ma̱? Ntucua jyaca̱ ma̱, ¿ha ná nchca cuna ma̱? ¿Ha ná ndyi'u ti' ma̱ tsiya' ti?

SAN LUCAS 8:10

Ndi'ya̱ nguxacui̱ Jesús cha' ji'i̱ ngu': ―Cu'ma̱ nu ndya'a̱ ma̱ lo'o na', ntsu'u tsa cha' nu nxtyucua ycui' Ndyosi ji'i̱ ma̱ cha' caca cuayá' ti' ma̱ scaa cha' nu ntsu'u yacu̱' ti cua sa'ni la; bi' cha' taca ca cuayá' ti' ma̱ ñi'ya̱ culo Ni cña ji'i̱ ñati̱. Pana lo'o xa' ñati̱ ni, xcui' lo'o cña cua̱ nchcui' na' lo'o ngu' cha' ta na' sca cui̱i̱ lo'o ngu', cha' jua'a̱ ná caca cuayá' ti' ngu', masi na'a̱ ngu' nquicha'; ná sca cha' tyanu hique ngu', masi cua ndyuna ngu' nquicha'.

LOS HECHOS 3:19

Bi' cha' ntsu'u cha' ca tyuju'u ti' ma̱ ji'i̱ lcaa cha' cuxi nu ntsu'u tyiquee ma̱ ji'i̱, cuati jña ma̱ cha' clyu ti' ji'i̱ ycui' Ndyosi cha' cuityi̱ Ni lcaa cha' cuxi nu ngua'ni ma̱. Cua'ni nu Xu'na na cha' taca ca tso'o cresiya ji'i̱ ma̱ chaca quiya' li'.

2 TIMOTEO 2:25

jua'a̱ ji'i̱ ñati̱ nu ñasi̱' ji'i̱ ngu'. Tso'o ti chcui' ngu' bi' lo'o ñati̱ nu ñasi̱', cha' jua'a̱ taca cua'ni ycui' nu Xu'na na cña ne' cresiya ji'i̱ ñati̱ nu ñasi̱' bi', cha' taca culu'u Ni ji'i̱ ngu' ñi'ya̱ laca lo'o cha' liñi bi'. Tso'o tsa si culochu̱' ñati̱ nu ñasi̱' bi' lcaa cha' cuxi nu ndyu'ni ngu',

HEBREOS 6:6

Lo'o li' cua ndya'a̱chu̱' ngu' bi' ji'i̱ Jesús. Nga'aa caca cua'ni na cha' chaca quiya' xñi tso'o ngu' bi' cha' ji'i̱ Jesús; xcui' na nda ngu' bi' cha' ti'í ji'i̱ Jesús nu sca ti Sñi' ycui' Ndyosi, cha' ndyu'ni ngu' ñi'ya̱ laca si ntyiji'i̱ ca'a̱ ngu' ji'i̱ Jesús lo crusi chaca quiya', cha' xa' xtyí lo'o ti ñati̱ chalyuu ji'i̱ yu.