SAN MARCOS 4:10 - Chatino Tataltepec

¹⁰ Ca tiya' la lo'o cua ndu'u ñati̱ bi' ndyaa tsa tlyu ti, li' lijya̱ nu tii tyucuaa tya'a ngu' nu ndyaca tsa'a̱ ji'i̱ Jesús slo yu, lo'o jua'a̱ ñaa xa' la tya'a tso'o ngu' slo Jesús. Li' nchcuane ngu' ji'i̱ Jesús: ―¿Ñi'ya̱ ntsu'u cha' nu nda nu'u̱ nu ngua tsa̱ ti? ―nacui̱ ngu' bi' ji'i̱ Jesús.

SAN MARCOS 4:10 ပူးပေါင်းရင်းမြစ်များ

SAN MATEO 13:3

Lo'o li' nchcui' Jesús xi cui̱i̱ lo'o ngu', cha' ca tsa'a̱ ngu' lcaa cha' nu ngua ti' Jesús culu'u yu ji'i̱ ngu'. Ndi'ya̱ nchcui' yu: ―Ngua sca tsa̱ ndyaa sca ñati̱ cataa si'yu trigo ―nacui̱ Jesús―.

SAN MATEO 13:36

Lo'o li' nguxtyanu Jesús ji'i̱ nu quiña'a̱ tsa ñati̱ bi', ndyaa nde ni'i̱. Li' ndyalaa nu ngu' nu ndyaca tsa'a̱ ji'i̱ yu slo, nchcuane ngu' ji'i̱ yu li': ―Cusu', culu'u nu'u̱ ji'i̱ cua ñi'ya̱ ndyu'u cha' nu nda cui̱i̱ nu cuentya ji'i̱ quixi̱' nu ntyucua lo xtya̱ ji'i̱ ngu' ―nacui̱ ngu' ji'i̱ Jesús.

SAN MARCOS 4:11

―Cua nda ycui' Ndyosi chacuayá' cha' ca cuayá' ti' ma̱ sca cha' nu ntsu'u yacu̱' ti, ñi'ya̱ nu caca lo'o laca ycui' Ni loo ne' cresiya ji'i̱ ñati̱ ―nacui̱ Jesús ji'i̱ ngu' bi'―. Xa' ñati̱ nu ná ngusñi cha' ji'i̱ ycui' Ndyosi ni, ná ta ngu' cuentya lo'o cuna ngu' sca cui̱i̱; tucui tsa cha' bi' nti' ngu'.

SAN MARCOS 4:34

Xcui' lo'o cui̱i̱ ti ngulu'u Jesús ji'i̱ ñati̱ quiña'a̱, masi ná nda tso'o ngu' cuentya ñi'ya̱ cha' nda cui̱i̱ bi'; pana tiya' la ngulu'u tso'o yu cha' bi' ji'i̱ nu ngu' nu ndyaca tsa'a̱ ji'i̱ yu.

SAN MARCOS 4:9

’Cua'a̱ jyaca̱ ma̱ ji'i̱ cha' nu nchcui' na' lo'o ma̱ juani, si chañi cha' ntaja'a̱ ma̱ cuna ma̱ cha' tso'o bi' ―nacui̱ Jesús ji'i̱ nu ngu' quiña'a̱ bi'.

SAN MARCOS 7:17

Lo'o ca tiya' la, li' ndyatí̱ Jesús ndyaa ne' sca ni'i̱. Ndyanu nu quiña'a̱ ñati̱ bi' nde liya' ti. Lo'o li' nchcuane nu ngu' nu ndyaca tsa'a̱ ji'i̱, ñi'ya̱ ndyu'u cha' ji'i̱ cui̱i̱ nu nda ca ti yu.