SAN MARCOS 4:1 - Chatino Tataltepec

¹ Chaca quiya' nguxana Jesús ngulu'u yu ji'i̱ ñati̱ to' tayu' bi'. Cua ndyu'u ti'i̱ quiña'a̱ tsa ñati̱ ca slo yu li'; hasta nga'aa ndyu'u scua yuu su tyu̱ quiya' yu, bi' cha' ndyatí̱ yu ca ne' sca yaca ni'i̱ sube nu ndacui to' hitya ti. Ne' yaca ni'i̱ bi' ndyaca'a̱ Jesús, ndyanu nu xa' la ñati̱ quiña'a̱ lo yuu btyi to' tayu' bi'.

SAN MARCOS 4:1 ပူးပေါင်းရင်းမြစ်များ

SAN MARCOS 2:13

Lo'o li' ndu'u Jesús ndyaa yu ca to' tayu' bi' chaca quiya'. Li' ndyu'u ti'i̱ quiña'a̱ ñati̱ ca slo yu, cha' chaca quiya' nclyu'u yu ji'i̱ ngu'.

SAN MARCOS 3:7

Lo'o li' ndyaa Jesús to' tayu' lo'o nu ngu' nu ndyaca tsa'a̱ ji'i̱. Quiña'a̱ tsa ngu' Galilea ndyaa ngu' ndyaa lca'a̱ ngu' ji'i̱ cha' cuna ngu' cha' nu nclyu'u yu.

SAN MARCOS 3:9

Na'a̱ Jesús cha' quiña'a̱ tsa ñati̱ ndya'a̱ slo, li' nchcui' yu lo'o nu ngu' nu ndyaca tsa'a̱ ji'i̱ yu cha' culana ngu' sca yaca ni'i̱ sube, cha' ná satá ngu' ji'i̱ yu, cha' quiña'a̱ tsa ngu' ndi'i̱.

SAN MARCOS 4:36

Lo'o li' nguxtyanu ngu' ji'i̱ nu quiña'a̱ tsa ñati̱ nu ndi'i̱ cajua, ndyatí̱ Jesús lo'o tya'a ndya'a̱ yu ne' yaca ni'i̱ su ngua'a̱ yu cha' ngulu'u yu ji'i̱ nu ngu' quiña'a̱ bi' tsa̱ la. Ndu'u ngu' ndyaa ngu', lo'o xa' yaca ni'i̱ ndyaa lo'o.

SAN MARCOS 5:2

Cua tyu'u ti Jesús ne' yaca ni'i̱ lo'o ndyu'u tucua sca nu quicha, sca ngu' nu ngusñi cui'i̱ xña'a̱ ji'i̱. Ndi'i̱ nu quicha bi' ne' lo'o jyo'o.

SAN MARCOS 5:21

Lo'o li' ñaa Jesús ne' yaca ni'i̱ ca nde tsu' tayu' chaca quiya'. Xa' ndyu'u ti'i̱ quiña'a̱ tsa ñati̱ slo Jesús nde to' tayu' bi'.