SAN MARCOS 3:5 - Chatino Tataltepec

⁵ Ñasi̱' xi Jesús ña'a̱ yu ji'i̱ ngu' bi', jua'a̱ xñi'i̱ xi ti' yu cha' ná ntaja'a̱ ngu' cui'ya ngu' cuentya ji'i̱ cha' nu nclyu'u yu ji'i̱ ngu'. Li' nchcui' yu lo'o nu quicha bi': ―Xquiñi nu'u̱ ya' ―nacui̱ Jesús ji'i̱. Nguxquiñi yu ya' yu li', lo'o hora ti ngua tso'o ya' yu.

SAN MARCOS 3:5 ပူးပေါင်းရင်းမြစ်များ

SAN MATEO 12:13

Lo'o li' nchcui' yu lo'o nu quicha bi': ―Xquiñi nu'u̱ ya' ―nacui̱ Jesús ji'i̱. Lo'o nchquiñi nu quicha bi' ya', hora ti ndyaca tso'o ya' nu quicha, stu'ba ngua bi' lo'o chaca tsu' ya'.

SAN MARCOS 3:4

Li' nchcuane Jesús ji'i̱ lcaa ngu' bi': ―¿Ha ntsu'u chacuayá' ji'na cua'ni na sca cha' tso'o tsa̱ nu ndi'i̱ cña' ngu'? ―nacui̱ yu ji'i̱ ngu' tlyu bi'―. ¿Ha tso'o la si cua'ni na sca cha' cuxi tsa̱ bi'? ―nacui̱―. ¿Ha ná tso'o cua'ni na jo'o ji'i̱ ngu' li', nti' ma̱? ¿Ha tso'o la si ta na chacuayá' cajaa ngu' quicha tsa̱ bi' lacua? ―nacui̱ Jesús. Nga'aa ngujui la ñi'ya̱ chcui' nu ngu' tlyu bi' lo'o Jesús li'.

SAN LUCAS 13:15

―Cuiñi tsa nu'u̱ ―nacui̱ Jesús ji'i̱ nu laca loo ne' laa bi' li'―. Lcaa cu'ma̱ lo'o tya'a ma̱ nsati̱' ma̱ toro ji'i̱ ma̱, masi huru ji'i̱ ma̱, cha' tsaa lo'o ma̱ ji'i̱ ni' cha' co'o ni' hitya, masi tsa̱ ta'a ―nacui̱ yu―.

SAN LUCAS 17:14

Nu lo'o na'a̱ Jesús ji'i̱ ngu', li' nacui̱ yu: ―Yaa clya ma̱ slo sti jo'ó cha' ña'a̱ yu ji'i̱ tyucui ña'a̱ ma̱ ―nacui̱. Ndu'u ngu' ndyaa ngu' li'. Pana su ndyaa ngu' tyucui̱i̱ ti, ngua tii ngu' cha' xa' ngua lubii cuaña' ngu'; ndye cha' quicha ngu' li'.

SAN LUCAS 6:10

Li' nguxña'a̱ Jesús ji'i̱ lcaa ñati̱ nu ndi'i̱ cacua ti slo, nchcui' lo'o nu quicha bi' li': ―Xquiñi nu'u̱ ya'. Jua'a̱ ngua'ni yu bi', li' hora ti ndyaca tso'o ya' yu.

SAN JUAN 9:7

Li' nacui̱ Jesús ji'i̱: ―Yaa nu'u̱, caata chcu nde tojo'o Siloé ―tojo'o bi' naa Siloé cha'cña ji'i̱ ngu', ñi'ya̱ nti' si ñacui̱ na cha'cña ji'na: tojo'o “su nacui̱ ji'i̱ ngu' cha' tsaa ngu'”. Bi' cha' ndyaa nu quicha bi' ndyaata tojo'o bi' li'. Lo'o ñaa li', cua ndyaca tso'o cloo.

ROMANOS 11:25

Cu'ma̱ ngu' tya'a ntsu'u cha' ji'na lo'o Cristo, nti' na' cha' caca cuayá' ti' ma̱ cha' tucui re, sca cha' ji'i̱ ycui' Ndyosi nu ntsu'u cuatsi' ti nquicha'; lo'o caca cuayá' ti' ma̱ cha' re, nga'aa chcui' ma̱ cha' tyixi lo'o ngu' judío li'. Ndi'ya̱ laca cha': Quiña'a̱ tsa tya'a ngu' judío ntsu'u nu ndyacu̱' hique ngu' tsiya' ti, cha' ná caca cuna ngu' cha' ji'i̱ Jesús; ña'a̱ cuayá' nu tye cuna lcaa ngu' xa' tsu' nu nga'a̱ cha' xñi cha' ji'i̱ Jesús,

2 CORINTIOS 3:14

Ndyacu̱' tsa cha' hique ngu' Israel nu ngua li', cha' ná ngua cuayá' ti' ngu' cha' ji'i̱ ycui' Ndyosi tsiya' ti. Masi chalyuu juani, jua'a̱ laca lo'o quityi cha' jo'ó nu nguscua jyo'o Moisés, la cui' cña nu ngulo ycui' Ndyosi ji'i̱ ñati̱ nu ngua sa'ni bi'; nu lo'o chcui' ti ngu' judío lo quityi cha' jo'ó bi', ña'a̱ ti ná nchca ca'ya cha' bi' hique ngu' bi'. Tsiya' ti taca ca'ya cha' bi' hique ngu' lo'o xñi ngu' bi' cha' ji'i̱ Jesús; li' saala Ni hique ngu' cha' cuna tso'o ngu' cha' ji'i̱ Ni.

EFESIOS 4:18

talya tsiya' ti chalyuu nu ntsu'u ji'i̱ ngu' bi'; bi' cha' ná nchca ca cuayá' ti' ngu' tsiya' ti. Ná ntsu'u cha' ji'i̱ ngu' bi' lo'o chalyuu cucui nu cua nda ycui' Ndyosi ji'na cha' tyi'i̱ tso'o ti na, xqui'ya cha' ná jlo ti' ngu' bi' tsiya' ti, cha' ná ntaja'a̱ ngu' bi' xñi tyiquee ngu' sca cha' liñi.

EFESIOS 4:26

Lo'o ntsu'u quiya' ñasi̱' ma̱ xi, cui'ya ma̱ cuentya cha' ná tyanu qui'ya ji'i̱ ma̱ li'; ná tso'o si caca ñasi̱' ti' ma̱ tyucui tsa̱, tsa tyeje tacui ti cha' cua'ni ma̱ ji'i̱.

EFESIOS 4:30

Ná cua'ni ma̱ cha' ca xñi'i̱ ti' Xtyi'i ycui' Ndyosi; nu Xtyi'i ycui' Ndyosi ni, ñi'ya̱ laca si cua ngusta Ni cuayá' nu ji'i̱ ycui' ca Ni hichu̱' na, cha' laca na ñati̱ ji'i̱ Ni, jua'a̱ laca bi'. Tyanu bi' lo'o na ña'a̱ cuayá' nu tye chalyuu ji'na, ña'a̱ cuayá' nu tyalaa tsa̱ nu cua'ni lyaá Ni ji'na.

HEBREOS 3:10

Bi' cha' ngua ñasi̱' tsa na' ji'i̱ ngu' bi' li'. Ni na' li': “Xcui' cuxi ti nclyacua ti' ngu' bi', ná ntaja'a̱ ngu' tsiya' ti cha' tyanu cha' jna' ne' cresiya ji'i̱ ngu'; ná ntaja'a̱ ngu' cua'ni ngu' ñi'ya̱ nu ni na' ji'i̱ ngu' cha' cua'ni ngu'”, nacui̱ na' li'.

HEBREOS 3:17

bi' cha' ngua ñasi̱' tsa ycui' Ndyosi ji'i̱ ñati̱ bi' tyucui tyempo lo'o ngutu'u scua tu'ba yija̱, bi' cha' ndyanu tyijya̱ jyo'o bi' jua'a̱ ti to' tyucui̱i̱ ca ne' quixi̱' ca su nguta'a̱ yu'u ti ngu'.

HEBREOS 5:9

Tiya' la li', lo'o cua ngua lcaa cha' ji'i̱ Jesús cha' cua ngua'ni yu cña nu cua nda ycui' Ndyosi ji'i̱ yu cha' cua'ni yu, tya li' ntucua quiya' cha' cua'ni lyaá Jesús ji'i̱ cua ña'a̱ ca ñati̱ chalyuu nu tyaja'a̱ cua'a̱ jyaca̱ ji'i̱ cha' nu cua nchcui' yu lo'o; ná tye tsiya' ti cha' cua'ni lyaá Ni ji'na ji'i̱ cha' cuxi nu ntsu'u ji'na.

APOCALIPSIS 6:16

Li' ngusi'ya ngu' ji'i̱ ca'ya lo'o ji'i̱ quee tlyu: ―Cua̱a̱ clya ma̱ xasu ma̱ hichu̱' ya, cha' ná ña'a̱ ycui' nu Cusu' nu ntucua su tlyu ji'i̱ ya; ñasi̱' tsa nu ñi'ya̱ ña'a̱ xlya' bi' ña'a̱ Ni ji'i̱ ya ―nacui̱ ngu'.