SAN MARCOS 3:34 - Chatino Tataltepec

³⁴ Li' nxña'a̱ Jesús ji'i̱ ngu' nu nga'a̱ cacua ti slo yu, xa' nchcui' yu lo'o nu ngu' quiña'a̱ bi': ―Nu ngu' re ni, stu'ba ti ndulo ngu' 'na, ñi'ya̱ nu ndulo xtya'a̱ na' 'na, ñi'ya̱ nu ndulo tya'a na' 'na ―nacui̱ Jesús―.

SAN MARCOS 3:34 ပူးပေါင်းရင်းမြစ်များ

SAN MATEO 28:10

―Ná cutsi̱i̱ ma̱ ―nacui̱ Jesús ji'i̱ ngu' bi' li'―. Yaa clya ma̱ cacha' ma̱ ji'i̱ ngu' tya'a na' cha' ntsu'u cha' tsa'a na' nde Galilea; ca bi' tyacua tya'a ngu' lo'o na', ñacui̱ ma̱ ji'i̱ ngu'.

SAN MARCOS 3:33

―¿Tilaca nu chañi ca cha' laca xtya'a̱ na'? ¿Tilaca nu chañi cha' laca tya'a na'? ―nacui̱ Jesús ji'i̱ ngu' li'.

SAN MARCOS 6:6

Ndube tsa ti' Jesús cha' ná jlya ti' ngu' bi' ji'i̱ tsiya' ti. Lo'o li' tya ndya'a̱ la yu ca xa' quichi̱ sube ti nu ndi'i̱ cacua ti, ngulu'u yu ji'i̱ ngu' ca bi' li'.

SAN JUAN 20:17

Li' nchcui' Jesús lo'o María: ―Ná cala' nu'u̱ jna' cha' tya lyiji tya'a na' nde cua̱ ca su ntucua Sti na' ―nacui̱―. Nu juani, yaa clya nu'u̱ su ndi'i̱ nu xa' la ñati̱ nu cua ngusñi cha' 'na, yaa cacha' nu'u̱ ji'i̱ ngu' bi', cha' cua tyacuí̱ ti na' tya'a na' ca su ntucua ycui' Ndyosi Sti na', nu laca Sti ma̱. Tya'a na' ca su ntucua ycui' Ndyosi nu Xu'na na', nu bi' nu laca ycui' Ndyosi nu Xu'na ma̱.

ROMANOS 8:29

Masi tya lo'o nguxana chalyuu, tya li' jlo ti' ycui' Ni tilaca laca nu tyaja'a̱ xñi cha' ji'i̱ Ni nde loo la. Ngua ti' Ni cha' caca na ñi'ya̱ laca Jesús, Sñi' ycui' ca Ni, ngua ti' Ni cha' caca Jesús tya'a na; quiña'a̱ tsa tya'a sñi' ycui' Ni caca na li', pana loo la laca Jesús.