SAN MARCOS 3:22 - Chatino Tataltepec

²² Lo'o li' lijya̱ mstru nu nclyu'u cha' jo'ó ne' laa tonu ca Jerusalén. Nchcui' mstru bi' lo'o ngu': ―Ngusñi Beelzebú xu'na lcaa lo cui'i̱ cuxi ji'i̱ Jesús cua ―nacui̱ mstru bi'―, bi' cha' lo'o chacuayá' ji'i̱ nu xña'a̱ bi' nchca ji'i̱ yu culo ji'i̱ cui'i̱ cuxi nu ngusñi ji'i̱ ñati̱.

SAN MARCOS 3:22 ပူးပေါင်းရင်းမြစ်များ

SAN MATEO 10:25

Sca ti cuayá' cha' ti'í caca ji'i̱ ngu' cuañi' bi' li', ñi'ya̱ nu ndyaca ji'i̱ mstru ji'i̱ ngu'; sca ti cuayá' cña ti'i̱ caca ji'i̱ msu bi' li', ñi'ya̱ nu ndyaca ji'i̱ xu'na ngu'. Bi' cha' taca ca cuayá' ti' ma̱ cha' ti'í tsa chcui' ngu' ji'i̱ ma̱ nu ntsu'u cha' ji'i̱ ma̱ lo'o na', cha' laca̱ nu Xu'na ma̱; cua nchcui' ngu' cha' Beelzebú nu xu'na cuiñaja laca na'.

SAN MATEO 11:18

Nu lo'o ñaa Juan bi' ni, ntsu'u quiña'a̱ tsa na nu ná ndacu yu, nu ná ndyi'yu yu. Lo'o li' nchcui' ma̱ ji'i̱ yu: “Ntsu'u cui'i̱ xña'a̱ ji'i̱ yu, bi' cha' ndu'ni yu jua'a̱”, nacui̱ ma̱.

SAN MATEO 12:24

Lo'o ndyuna ngu' fariseo cha' bi', xa' ña'a̱ cha' nchcui' ngu' bi' ji'i̱ Jesús: ―Sca ti chacuayá' ji'i̱ Beelzebú nu laca xu'na lcaa lo cui'i̱ cuxi, sca ti jua'a̱ nchca ji'i̱ nu qui'yu re culo ji'i̱ cui'i̱ cuxi nu ngusñi ji'i̱ ñati̱ ―nacui̱ ngu' fariseo bi'.

SAN MATEO 15:1

Li' ndyalaa sca taju ngu' tlyu slo Jesús. Ngu' quichi̱ Jerusalén laca ngu' bi', ngu' fariseo lo'o ngu' mstru nu nclu'u cha' jo'ó ne' laa laca ngu' bi'.

SAN MATEO 9:34

Pana xa' ña'a̱ nchcui' ngu' fariseo bi': ―Na nclyo nu Jesús jua ji'i̱ cui'i̱ cuxi nu ngusñi ji'i̱ ngu' xqui'ya nu xu'na cuiñaja nu nda chacuayá' cha' cua'ni yu jua'a̱ ―nacui̱ ngu' fariseo bi'.

SAN MARCOS 7:1

Lo'o li' ndyalaa sca taju ngu' fariseo, ndya'a̱ ngu' lo'o xi mstru nu nclu'u cha' jo'ó ne' laa nde quichi̱ Jerusalén. Lijya̱ ngu' ca su ndu̱ Jesús.

SAN LUCAS 11:15

Pana ntsu'u ngu' nu nchcui' ndi'ya̱: ―Nclyo nu qui'yu cua ji'i̱ cui'i̱ cuxi chacuayá' ji'i̱ Beelzebú, nu laca xu'na lcaa lo cui'i̱ cuxi ―nacui̱ ngu'.

SAN LUCAS 5:17

Ngua sca tsa̱ nclyu'u Jesús cha' ji'i̱ ycui' Ndyosi ji'i̱ tyu̱u̱ tya'a ñati̱. Quichi̱ tyi ngu' bi' laca lcaa quichi̱ sube ti nu ntsu'u nde Galilea, nu ntsu'u nde Judea, nu ndi'i̱ cacua ti quichi̱ Jerusalén. Laja nu tsa tlyu ti ñati̱ bi', cua ndi'i̱ tyu̱u̱ tya'a ngu' fariseo. (Tacati tsa ycui' ngu', nti' ngu'; lye tsa ndu'ni tyucuaa ti' ngu' ji'i̱ xa' ñati̱.) Lo'o jua'a̱ ndi'i̱ tyu̱u̱ tya'a mstru nu ngulu'u cha' jo'ó ne' laa. Ngua tii lcaa ngu' nu ndi'i̱ ca bi', cha' ycui' Ndyosi laca nu nxtyucua ji'i̱ Jesús lo'o ndyu'ni yu cha' ndyaca tso'o ngu' quicha.

SAN JUAN 10:22

Tyempo tlya' ngua li', nu lo'o sube tsa tsa̱. Nde quichi̱ Jerusalén ndyu'ni tlyu ngu' ji'i̱ ta'a su ngulacua̱ ji'i̱ laa tonu ca bi'.

SAN JUAN 7:20

―Ñi'ya̱ nti' sca nu xña'a̱, jua'a̱ nti' nu'u̱ ―ndu'ni ngu' ji'i̱ Jesús li'―. ¿Tilaca nti' cujuii jinu'u̱ lacua?

SAN JUAN 8:48

Li' nguxtyacui ngu' judío cha' lo'o Jesús: ―Liñi cha' nu nchcui' ya jinu'u̱ juani, cha' ngu' Samaria laca nu'u̱. Ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu' li'.

SAN JUAN 8:52

Li' xa' nchcui' ngu' judío bi' lo'o Jesús chaca quiya': ―Juani jlo ti' ya cha' ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu'―. Sa'ni ngujuii jyo'o Abraham, sa'ni ngujuii nu xa' la jyo'o cusu' nu nda cha' ji'i̱ ycui' Ndyosi lo'o ñati̱. ¿Ñi'ya̱ nti' nu'u̱ lo'o nacui̱ ca ti nu'u̱: “Ná nga'a̱ cha' tye chalyuu ji'i̱ ñati̱ nu taquiya' ji'i̱ cha' nu nclyu'u na' ji'i̱”? ―nacui̱ ngu'―.