SAN MARCOS 3:20 - Chatino Tataltepec

²⁰ Xa' ndyu'u ti'i̱ ñati̱ ca slo Jesús li'. Cha' quiña'a̱ tsa ñati̱ ndi'i̱, ná ngujui tyempo cha' cacu yu lo'o tya'a ndya'a̱ yu.

SAN MARCOS 3:20 ပူးပေါင်းရင်းမြစ်များ

SAN MARCOS 1:45

Pana ná ndyuna tso'o nu ngua quicha bi'. Ndu'u ndyaa, nchcui' lo'o lcaa ñati̱ ñi'ya̱ ngua cha' ngua tso'o, bi' cha' nga'aa ngua ji'i̱ Jesús tyu'u ta'a̱ lquichi̱; ndyanu yu ne' quixi̱' ti su ná ndi'i̱ ñati̱. Li' ndya'a̱ tsa ngu' slo yu, masi ngu' xa' quichi̱ tyijyu' la ngutu'u ngu' ndyaa ngu' slo yu.

SAN MARCOS 2:1

Ca tiya' la xi nguxtyu̱u̱ Jesús ndyaa ca quichi̱ Capernaum bi'. Hora ti nguañi cha' tyucui ña'a̱ quichi̱ cha' cua ndyalaa yu.

SAN MARCOS 3:19

ngusubi yu ji'i̱ Judas Iscariote nu tiya' la tya ji'i̱ yu ya' ngu' xña'a̱ xqui'ya cñi. Ca tiya' la ndyalaa Jesús to' tyi lo'o nu ngu' nu ndyaca tsa'a̱ ji'i̱ yu.

SAN MARCOS 3:7

Lo'o li' ndyaa Jesús to' tayu' lo'o nu ngu' nu ndyaca tsa'a̱ ji'i̱. Quiña'a̱ tsa ngu' Galilea ndyaa ngu' ndyaa lca'a̱ ngu' ji'i̱ cha' cuna ngu' cha' nu nclyu'u yu.

SAN MARCOS 3:9

Na'a̱ Jesús cha' quiña'a̱ tsa ñati̱ ndya'a̱ slo, li' nchcui' yu lo'o nu ngu' nu ndyaca tsa'a̱ ji'i̱ yu cha' culana ngu' sca yaca ni'i̱ sube, cha' ná satá ngu' ji'i̱ yu, cha' quiña'a̱ tsa ngu' ndi'i̱.

SAN MARCOS 6:31

Nchcui' Jesús lo'o ngu' bi' li': ―Tsaa na xi chaca se'i̱ su tyi'i̱ ma̱ ycui' ti, cha' chca'a̱ cña' ma̱ xi ―nacui̱ Jesús ji'i̱ nu tii tyucuaa tya'a ngu' bi'. Jua'a̱ nchcui' Jesús lo'o ngu' bi', cha' quiña'a̱ tsa ñati̱ ndi'i̱ slo ngu', hasta nga'aa ngujui tyempo cacu ngu'.

SAN MARCOS 7:17

Lo'o ca tiya' la, li' ndyatí̱ Jesús ndyaa ne' sca ni'i̱. Ndyanu nu quiña'a̱ ñati̱ bi' nde liya' ti. Lo'o li' nchcuane nu ngu' nu ndyaca tsa'a̱ ji'i̱, ñi'ya̱ ndyu'u cha' ji'i̱ cui̱i̱ nu nda ca ti yu.

SAN MARCOS 9:28

Lo'o li' ndu'u Jesús ndyaa yu nde ne' ni'i̱. Li' nchcui' nu ngu' nu ndyaca tsa'a̱ ji'i̱ lo'o yu su ntucua ycui' ti ngu': ―¿Ni cha' ná ngua ji'i̱ ya culo ya ji'i̱ cui'i̱ nu ntsu'u ji'i̱ nu quicha bi'? ―nacui̱ ngu' ji'i̱ Jesús.

SAN LUCAS 6:17

Li' nguxtyu̱u̱ Jesús ngua'ya sii' cua'a̱ bi' lo'o nu taju ñati̱ bi' ji'i̱, nguti'i̱ xi nde sca su nati̱' lo'o nu tyu̱u̱ tya'a ñati̱ nu ndyaca tsa'a̱ ji'i̱ bi'. Lo'o jua'a̱ ndyalaa quiña'a̱ tsa xa' la ñati̱ slo Jesús, ngu' nu ndu'u loyuu su cuentya Judea, lo'o jua'a̱ ngu' nu ndu'u nde quichi̱ Jerusalén, lo'o jua'a̱ ngu' nu ndu'u to' tyujo'o su ndi'i̱ quichi̱ Tiro, su ndi'i̱ quichi̱ Sidón. Cua ndyalaa ngu' ca bi', cha' cuna ngu' cha' nu nchcui' Jesús lo'o ngu'; jua'a̱ nti' ngu' cha' cua'ni Jesús jo'o ji'i̱ quicha nu ntsu'u ji'i̱ ngu'.