SAN MARCOS 3:14 - Chatino Tataltepec

¹⁴ ngusubi yu ji'i̱ tii tyucuaa tya'a ñati̱ bi', cha' ca tsa'a̱ ngu' ji'i̱ yu. Bi' ngu' nu ta Ni ji'i̱ cha' tsaa ngu' slo ñati̱ xa' quichi̱, cha' culu'u ngu' cha' tso'o ji'i̱ ycui' Ni ji'i̱ lcaa ñati̱.

SAN MARCOS 3:14 ပူးပေါင်းရင်းမြစ်များ

SAN MARCOS 3:13

Lo'o li' ndu'u Jesús ndyaa ndyacuí̱ yu sii' ca'ya, ngusi'ya yu ji'i̱ tyu̱u̱ tya'a ñati̱ cha' ca̱a̱ ngu' ca su ndu̱. Ndyaa ngu' bi' slo yu li'. Lo'o li' laja ngu' bi' ngusubi Jesús ji'i̱ ñati̱ nu cua'ni cña ji'i̱;

SAN MARCOS 3:15

Nda Jesús chacuayá' ji'i̱ nu tii tyucuaa tya'a ngu' bi', cha' cua'ni ngu' jo'o ji'i̱ ngu' quicha, lo'o jua'a̱ culo ngu' ji'i̱ cui'i̱ cuxi nu ntsu'u ji'i̱ ngu'.

SAN MARCOS 6:30

Ca tiya' la xi xa' ndyalaa ngu' tya'a ndya'a̱ Jesús slo yu, ngu' nu ndyaa nchcui' lo'o ngu' xa' quichi̱ cha' ji'i̱ Jesús. Nda ngu' cha' lo'o yu ñi'ya̱ nu ngua'ni ngu', ñi'ya̱ nu ngulu'u ngu' ji'i̱ ñati̱ ca bi'.

SAN LUCAS 24:47

Li' ntsu'u cha' ta ngu' cha' ji'i̱ ycui' na' lo'o ñati̱ tyucui ña'a̱ chalyuu. Nde Jerusalén xana ma̱ cacha' ma̱ cha' bi' ji'i̱ ngu' clyo. Nga'a̱ cha' chcui' ma̱ lo'o ñati̱ cha' ca tyuju'u ti' ngu' ji'i̱ cha' cuxi nu ntsu'u tyiquee ngu', cha' xtyanu ngu' ji'i̱ cha' cuxi nu ndu'ni ngu'; li' cua'ni clyu ti' ycui' Ndyosi ji'i̱ lcaa qui'ya nu ntsu'u ji'i̱ ngu'.

SAN JUAN 15:16

Si'i cu'ma̱ nu ngusubi ma̱ 'na cha' tya'a̱ ma̱ lo'o na' ―nacui̱ Jesús―, na' laca̱ nu cua nchcui' na' lo'o ma̱ clyo. Tya li' ngulo na' cña ji'i̱ ma̱ cha' xcui' cha' tso'o tyu'u ne' cresiya ji'i̱ ma̱, cha' jua'a̱ talo cña tso'o nu ndu'ni ma̱; li' cua'ni Sti na' lcaa cha' nu jña ma̱ ji'i̱ Ni chacuayá' 'na.

LOS HECHOS 1:8

Juani xa' chcui' na' lo'o ma̱, cha' caja ñi'ya̱ cua'ni ma̱ nu lo'o tyanu Xtyi'i ycui' Ndyosi ne' cresiya ji'i̱ ma̱, cha' li' taca chcui' ma̱ cha' tso'o lo'o lcaa ñati̱, nu cha' ji'i̱ ycui' na'. Chcui' ma̱ lo'o ngu' nde quichi̱ Jerusalén, jua'a̱ lo'o ngu' loyuu su cuentya Judea, jua'a̱ lo'o ngu' loyuu cacua ti nu naa Samaria bi'; chcui' ma̱ lo'o ngu' lcaa quichi̱ su ndi'i̱ ngu' chalyuu.

GÁLATAS 1:1

Pablo laca na' nu nscua̱ quityi re. Cña 'na laca cha' tsa'a na' chcui' na' cha' ji'i̱ Jesucristo lo'o lcaa ñati̱. Si'i ñati̱ chalyuu ti laca nu cua nda cña bi' 'na, si'i ñati̱ laca nu nguane 'na cha' cua'ni na' cña bi'; Jesucristo lo'o ycui' Ndyosi Sti Jesús, bi' laca nu cua nda cña bi' 'na. Ycui' Ndyosi ni, bi' laca nu ngua'ni cha' ndyu'ú Jesús chaca quiya' lo'o ngujuii yu.