SAN MARCOS 3:13 - Chatino Tataltepec

¹³ Lo'o li' ndu'u Jesús ndyaa ndyacuí̱ yu sii' ca'ya, ngusi'ya yu ji'i̱ tyu̱u̱ tya'a ñati̱ cha' ca̱a̱ ngu' ca su ndu̱. Ndyaa ngu' bi' slo yu li'. Lo'o li' laja ngu' bi' ngusubi Jesús ji'i̱ ñati̱ nu cua'ni cña ji'i̱;

SAN MARCOS 3:13 ပူးပေါင်းရင်းမြစ်များ

SAN MATEO 5:1

Na'a̱ Jesús cha' quiña'a̱ tsa ñati̱ lijya̱ ngu' slo yu, bi' cha' ndyacui̱ yu ndyaa la yu nde sii' cua'a̱, ndyaca'a̱ yu xi cajua. Lo'o ndyu'u ti'i̱ ngu' nu ndyaca tsa'a̱ ji'i̱ slo,

SAN MARCOS 3:14

ngusubi yu ji'i̱ tii tyucuaa tya'a ñati̱ bi', cha' ca tsa'a̱ ngu' ji'i̱ yu. Bi' ngu' nu ta Ni ji'i̱ cha' tsaa ngu' slo ñati̱ xa' quichi̱, cha' culu'u ngu' cha' tso'o ji'i̱ ycui' Ni ji'i̱ lcaa ñati̱.

SAN MARCOS 6:7

Lo'o li' ngusi'ya Jesús ji'i̱ nu tii tyucuaa tya'a ngu' nu ndyaca tsa'a̱ ji'i̱ bi', cha' chcui' yu lo'o ngu'. Ngulo yu cña ji'i̱ ngu' bi', cha' tyu'u ngu' tsaa ngu' cuentya latya ti ngu'; stu'ba ti tsaa tucua tya'a ngu' scaa quichi̱. Li' nda Jesús chacuayá' ji'i̱ ngu' cha' culo ngu' ji'i̱ cui'i̱ cuxi nu ntsu'u ji'i̱ ñati̱.

SAN LUCAS 9:1

Nguxuti'i̱ Jesús ji'i̱ nu tii tyucuaa tya'a ngu' nu ndyaca tsa'a̱ bi', cha' ta yu chacuayá' ji'i̱ ngu' cha' culo ngu' ji'i̱ lcaa lo cui'i̱ cuxi nu ntsu'u ji'i̱ ñati̱, lo'o jua'a̱ cua'ni ngu' jo'o ji'i̱ lcaa lo quicha nu ntsu'u ji'i̱ ñati̱.

SAN JUAN 6:3

Li' ndyaa Jesús sca lo cuati̱i̱, ndyaa tucua xi ca bi' lo'o ñati̱ nu ndyaca tsa'a̱ ji'i̱.