SAN MARCOS 2:5 - Chatino Tataltepec

⁵ Lo'o na'a̱ Jesús cha' jlya tsa ti' ngu' ji'i̱ yu, li' nchcui' yu lo'o nu quicha bi': ―Cua ngua'ni clyu ti na' jinu'u̱ ji'i̱ qui'ya nu ntsu'u jinu'u̱, sñi' ―nacui̱ Jesús ji'i̱.

SAN MARCOS 2:5 ပူးပေါင်းရင်းမြစ်များ

SAN MATEO 9:2

Lo'o ndyalaa quichi̱ bi', li' ñaa lo'o ngu' ji'i̱ sca nu quicha nu nchcu̱' tyucuí̱ tyucui ña'a̱ yu; ñaa ngu' slo Jesús cha' cua'ni jo'o ji'i̱ nu quicha bi'. Ntsiya nu quicha bi' ne' sca catya̱. Pana jlo ti' Jesús cha' jlya ti' ngu' bi' ji'i̱, bi' cha' nchcui' lo'o nu quicha ndi'ya̱: ―Ca tso'o nu'u̱, sñi' ―nacui̱ Jesús ji'i̱ nu quicha―. Cua ngua'ni clyu ti' na' ji'i̱ qui'ya nu ntsu'u jinu'u̱.

SAN MATEO 9:22

Lo'o li' nguxtyacui Jesús, nguxña'a̱ ji'i̱ nu cuna'a̱ bi': ―Cua'ni cho'o tyiquee nu'u̱, sñi' ―nacui̱ Jesús ji'i̱―. Jlya ti' nu'u̱ 'na, bi' cha' ndyaca tso'o nu'u̱ juani. Lo'o hora ti ndyaca tso'o nu cuna'a̱ bi'.

SAN MATEO 9:5

Ná ndiya ti' ma̱ si ñacui̱ na' ji'i̱ nu quicha re: “Cua ngua'ni clyu ti' na' ji'i̱ qui'ya nu ntsu'u hi̱”. ¿Ha tso'o la si chcui' na' lo'o nu quicha lacua: “Tyatu̱ nu'u̱, xa tu'ba catya̱ hi̱ cha' tyaa lo'o ji'i̱ ca to' tyi”? ―nacui̱ Jesús―.

SAN MARCOS 2:6

Lo'o li' ndube tsa ti' mstru nu nclu'u cha' jo'ó ne' laa nu nga'a̱ ne' ni'i̱ bi'.

SAN MARCOS 5:34

―Tso'o tsa jlya ti' nu'u̱ jna', sñi' ―nacui̱ Jesús ji'i̱―, bi' cha' ndyaca tso'o nu'u̱. Ti̱ ti tyi'i̱ tyiquee nu'u̱ juani. Tso'o ti tyaa nu'u̱, nga'aa xñi quicha bi' jinu'u̱ chaca quiya'.

SAN LUCAS 5:20

Lo'o ti ngua cuayá' ti' Jesús cha' jlya tsa ti' ngu' bi' ji'i̱, bi' cha' nacui̱ ji'i̱ yu quicha bi': ―Cusu' ―nacui̱―, na cua ngua'ni clyu ti' ycui' Ndyosi jinu'u̱ ji'i̱ qui'ya nu ntsu'u jinu'u̱ ―nacui̱ Jesús ji'i̱ yu quicha bi'.

SAN LUCAS 8:48

Li' nchcui' Jesús lo'o ma' cusu' bi': ―Cha' jlya ti' nu'u̱ cha' caca ji'i̱ ycui' Ndyosi cua'ni Ni cña tonu bi', bi' cha' ngua tso'o nu'u̱, sñi' ―nacui̱ Jesús ji'i̱ nu cuna'a̱ bi'―. Ná cube ti' nu'u̱, tyaa clya nu'u̱ juani.

SAN JUAN 2:25

Ná ntsu'u cha' cacha' xa' ñati̱ ji'i̱ yu ñi'ya̱ ntsu'u cresiya ji'i̱ scaa ngu', cha' jlo tsa ti' ycui' ca yu ñi'ya̱ ntsu'u cresiya ji'i̱ lcaa ñati̱.

SAN JUAN 5:14

Ca ngusi̱i̱ la xa' ndyacua tya'a Jesús lo'o nu ngua quicha bi' lo'o ndya'a̱ yu ne' laa. Li' nacui̱ Jesús ji'i̱: ―Cua ndyaca tso'o nu'u̱ juani ―nacui̱ yu―, bi' cha' xtyanu nu'u̱ tyucui̱i̱ cuxi cua hi̱ cha' nga'aa tyacua xa' quicha tlyu la hi̱.

LOS HECHOS 11:23

Li' ndu'u Bernabé ndyaa yu, ndyalaa yu ca quichi̱ bi', na'a̱ yu ñi'ya̱ laca cha' tso'o nu ngua'ni ycui' Ndyosi lo'o ngu' bi'. Tso'o tsa ntsu'u tyiquee Bernabé li'. Nda yu sca cui̱i̱ lo'o taju ñati̱ ji'i̱ Jesucristo ca bi', cha' tyucui tyiquee ngu' cua'ni ngu' cña lcaa tsa̱, lcaa ña'a̱ cña nu nti' ycui' nu Xu'na na cha' cua'ni na.

LOS HECHOS 14:9

Tso'o tsa ndyuna nu quicha bi' laja lo'o nclyu'u Pablo ji'i̱ ngu'; li' na'a̱ yu ji'i̱ nu quicha bi', ngua cuayá' ti' yu cha' jlya ti' nu quicha cha' taca ji'i̱ ycui' Ndyosi cua'ni cha' tyaca tso'o.

LOS HECHOS 5:31

Nchca ji'i̱ Jesús bi' cuityi̱ yu cha' cuxi nu ntsu'u ji'i̱ ñati̱ chalyuu. Ycui' Jesús laca nu Xu'na na, bi' cha' la'a tsu' cui̱ ca su ntucua Ni nda ycui' Ndyosi su tyi'i̱ Jesús. Ngua'ni Ni jua'a̱ cha' caja ñi'ya caca tyuju'u ti' na nu laca na ngu' Israel ji'i̱ qui'ya nu ntsu'u ji'na, lo'o jua'a̱ cui'ya Ni cha' clyu ti' ji'na li'.

1 CORINTIOS 11:30

Bi' cha' quiña'a̱ tsa cu'ma̱ nchca quicha ma̱, lo'o jua'a̱ nchca ñu'u̱ ti' ma̱, lo'o jua'a̱ ntsu'u cu'ma̱ nu ndyijii tsiya' ti;

2 CORINTIOS 2:10

Lo'o na', cui'ya na' cha' clyu ti' ji'i̱ yu bi', si cua ngua'ni clyu ti' cu'ma̱ ji'i̱ yu. Lo'o cu'ma̱ cua ngua'ni yu cha' cuxi bi', pana na' ngüi'ya̱ cha' clyu ti' ji'i̱ yu bi' cuentya ji'i̱ ma̱, masi tyijyu' ndi'i̱ na', masi sca ti Cristo ndu̱ lo'o na'. Bi' cha' jua'a̱ culacua tso'o ti' ma̱ lacua,

EFESIOS 2:8

na cua ngulaá na ji'i̱ nu cuxi, xqui'ya cha' jua'a̱ ti ndu'ni Ni cha' tso'o lo'o na lo'o ngusñi na cha' ji'i̱ Cristo. Ni si'i sca cña nu ngua'ni ycui' ca na laca bi', sca cha' tso'o nu ngua'ni ycui' Ndyosi cuentya ji'na jua'a̱ ti laca bi'.

COLOSENSES 3:13

Talo tyiquee ma̱ ji'i̱ xa' la tya'a ñati̱ ma̱ lacua, ña'a̱ cuayá' nu cui'ya ma̱ cha' clyu ti' ji'i̱ ngu' lo'o ntsu'u qui'ya ji'i̱ ngu' lo'o ma̱. Tsa ña'a̱ nu ndyi'ya nu Xu'na na cha' clyu ti' ji'i̱ ma̱, jua'a̱ nga'a̱ cha' cua'ni clyu ti' ma̱ ji'i̱ tya'a ñati̱ ma̱.

SANTIAGO 5:15

Tyaca tso'o nu ñati̱ quicha bi' li', xqui'ya cha' jlya ti' ma̱ cha' nu cua nchcui' ma̱ lo'o ycui' Ndyosi; tya ta Ni chalyuu ji'i̱ nu quicha bi' chaca quiya', lo'o jua'a̱ cui'ya Ni cha' clyu ti' ji'i̱ yu ji'i̱ qui'ya nu ntsu'u ji'i̱ yu.