SAN MARCOS 2:27 - Chatino Tataltepec

²⁷ ’Ná nti' ycui' Ndyosi xcube' ji'na lo'o nchcui' Ni cha' caca sca tsa̱ nu tyi'i̱ cña' na; tso'o la tyi'i̱ na si caja sca tsa̱ nu tyi'i̱ cña' na, ngua ti' Ni.

SAN MARCOS 2:27 ပူးပေါင်းရင်းမြစ်များ

SAN MARCOS 2:28

Lo'o jua'a̱ ntsu'u chacuayá' jna' cha' laca na' loo, masi tsa̱ nu ndi'i̱ cña' ngu', cha' cua nda Ni 'na lijya̱a̱ cha' caca na' ñati̱.

SAN LUCAS 6:9

Li' nda Jesús sca cha' lo'o nu ngu' nu ndu'ni ti cha' tacati bi': ―¿Ni cña tso'o la cha' cua'ni na tsa̱ tacati lacua? ―nacui̱ Jesús ji'i̱ ngu' bi'―. ¿Ha sca cña tso'o cua'ni na li'? ¿Ha tso'o la cua'ni na sca cña cuxi li', nti' ma̱? ―nacui̱―. ¿Ha tso'o la si cua'ni lyaá na ji'i̱ ñati̱ tsa̱ bi', cha' ná cajaa ngu' li'? ¿Ha tso'o la nti' cu'ma̱ masi ta na chacuayá' cajaa ñati̱ li'? ―nacui̱ Jesús ji'i̱ ngu'.

SAN JUAN 7:23

Nu lo'o ndu'u scua snu' tsa̱ tya lo'o ngula sñi' ma̱, ndu'ni ma̱ cña bi', masi ndi'i̱ cña' ngu' cha' ta'a, cha' ndaquiya' ma̱ lcaa cha' nu cua nda Moisés lo'o na. Bi' cha' juani, ¿ni cha' laca cha' ñasi̱' ma̱ 'na? ―nacui̱ Jesús―. Laca cha' ngua'ni na' cha' ngua tso'o sca ñati̱, masi sca tsa̱ ndi'i̱ cña' ngu' ngua bi'.

2 CORINTIOS 4:15

Ndalo ya ji'i̱ lcaa cha' ti'í nu ndyacua ji'i̱ ya xqui'ya cu'ma̱; tiya' la li' tyatu̱ quiña'a̱ la tya'a ñati̱ ma̱ nu taca tya xlya'be ji'i̱ ycui' Ndyosi cuentya ji'i̱ ya, cha' jua'a̱ quiña'a̱ tsa tya'a ñati̱ ma̱ ntsu'u nu cua ngujui xlya'be nu ta ycui' Ndyosi ji'i̱ ma̱. Lo'o li' stu'ba ti taca cua'ni chi̱ na loo ycui' Ndyosi.

COLOSENSES 2:16

Nga'aa ta ma̱ chacuayá' cha' culo xa' ñati̱ cña ji'i̱ ma̱ lacua, na laca nu cacu ma̱, na laca nu co'o ma̱ cha' cua'ni tacati ma̱ lo'o ycui' Ndyosi. La cui' jua'a̱ ná tso'o laca si ñacui̱ ngu' ji'i̱ ma̱ ni tsa̱ laca nu cua'ni ma̱ ta'a; masi ta'a lo'o ndi'i̱ cña' na nu ndacui snu' tsa̱ ti, masi ta'a lo'o cuañi' co', masi chaca ta'a nu ndu'ni ngu' nu ndacui yija̱ ti, ná ntsu'u cha' cua'a̱ jyaca̱ ma̱ ji'i̱ ngu' bi' tsiya' ti, nti' na'.