SAN MARCOS 2:21 - Chatino Tataltepec

²¹ ’Chaca cha' ni, sca ngu' nu nchca ji'i̱ jyacua̱ late', nu lo'o cua'ni cho'o ste' cusu̱, ná talya sa yu'be late' cucui lo sca late' cusu̱, cha' tyatsii' late' cucui; hora ti tyati̱' jyacua̱ su ngalya bi' li'.

SAN MARCOS 2:21 ပူးပေါင်းရင်းမြစ်များ

SAN MATEO 9:16

’Chaca cha' chcui' na' lo'o ma̱: ni sca ngu' ná cua'ni cho'o ngu' late' cusu̱ ji'i̱ ngu' lo'o sa yu'be late' cucui, cha' lo'o cua ndyaati̱ late' bi', tyatsii' late' cucui bi'; tyati̱' jlyacua̱ su ngalya late' bi' li'.

SAN MARCOS 2:20

Pana nu lo'o tyalaa tsa̱ nu lo'o tyaa lo'o ngu' ji'i̱ cutsii, li' ná cacu ngu' tya'a tso'o cutsii, cha' caca xñi'i̱ ti' ngu' li'. La cui' jua'a̱ chaa ti' tya'a tso'o na' juani, pana caca xñi'i̱ ti' ngu' nde loo la.

SAN MARCOS 2:22

La cui' ti cha', ná su'ba ngu' ji'i̱ lcui nu chca ndyu'u ti ne' tyaca' cusu'. Si su'ba ngu' ji'i̱ ne' tyaca' cusu', yala ti catsu se'i̱ tyaca' bi'; ndye ngula'a tyaca' li', tye lcui tyalú li'. Ne' tyaca' cucui tyu'u lcui nu lo'o chca ndyu'u ti.

SAN LUCAS 5:36

Lo'o li' nda Jesús cui̱i̱ re lo'o ngu': ―Ná nsa'be ngu' sa yu'be ste' cucui ngu' cha' calya lo'o sca late' cusu̱ ji'i̱ ngu'. Si jua'a̱ cua'ni ngu', ná tyanu tso'o late' cucui bi' li', tyati̱' jlyacua̱ su ngalya bi'; lo'o nu yu'be late' bi', ná stu'ba xee loo lo'o nu late' cusu̱ bi'.

1 CORINTIOS 10:13

Lcaa quiya' lo'o tyacua sca cha' cuxi ji'i̱ ma̱, ná cube ti' ma̱ li', la cui' jua'a̱ ndyaca ji'i̱ cua ña'a̱ ca ñati̱ chalyuu. Pana ná cube ti' ma̱, ña'a̱ ycui' Ndyosi ji'na; lcaa cña nu nacui̱ Ni cha' cua'ni Ni cuentya ji'na, ndu'ni Ni cña bi'. Ná ta Ni chacuayá' cha' tyiji̱loo sca cha' cuxi ji'i̱ ma̱ ña'a̱ cuayá' nu nga'aa caca xtyanu ma̱ ji'i̱; pana la cui' hora lo'o cua cñilo'o ti cha' cuxi bi' ji'i̱ ma̱, li' xtyucua Ni ji'i̱ ma̱ cha' ná cua'ni ma̱ ji'i̱, lo'o li' taca clyaá ma̱ ji'i̱ cha' cuxi bi'.