SAN MARCOS 2:13 - Chatino Tataltepec

¹³ Lo'o li' ndu'u Jesús ndyaa yu ca to' tayu' bi' chaca quiya'. Li' ndyu'u ti'i̱ quiña'a̱ ñati̱ ca slo yu, cha' chaca quiya' nclyu'u yu ji'i̱ ngu'.

SAN MARCOS 2:13 ပူးပေါင်းရင်းမြစ်များ

SAN MATEO 13:1

La cui' tsa̱ bi' ndu'u Jesús toni'i̱, ndyaa yu to' tayu' bi', cha' chca'a̱ xi ca bi'.

SAN MATEO 9:9

Ndu'u Jesús ndyaa, lo'o li' cua tyeje tacui ti to' ni'i̱ su ntucua Mateo nxñi cñi cña loo ngu'. Nchcui' Jesús lo'o nu Mateo bi' li': ―Tyu'u lca'a̱ nu'u̱ 'na ―nacui̱ Jesús ji'i̱. Hora ti ndyatu̱ Mateo, nguxtyanu cña ji'i̱, ndyaa lca'a̱ ji'i̱ Jesús li'.

SAN MARCOS 1:45

Pana ná ndyuna tso'o nu ngua quicha bi'. Ndu'u ndyaa, nchcui' lo'o lcaa ñati̱ ñi'ya̱ ngua cha' ngua tso'o, bi' cha' nga'aa ngua ji'i̱ Jesús tyu'u ta'a̱ lquichi̱; ndyanu yu ne' quixi̱' ti su ná ndi'i̱ ñati̱. Li' ndya'a̱ tsa ngu' slo yu, masi ngu' xa' quichi̱ tyijyu' la ngutu'u ngu' ndyaa ngu' slo yu.

SAN MARCOS 10:1

Lo'o li' ndu'u Jesús quichi̱ Capernaum bi', ndyaa tyijyu' ca xa' quichi̱ nu ntsu'u su cuentya Judea lo'o xa' la quichi̱ nde chaca tsu' sta'a̱ Jordán. Ca bi' ndyu'u ti'i̱ quiña'a̱ tsa ñati̱ slo yu. Nclyu'u Jesús ji'i̱ ngu' li', ñi'ya̱ nu nclu'u ti yu ji'i̱ ñati̱ nde lcaa quichi̱ su ndya'a̱ yu.

SAN MARCOS 2:2

Li' quiña'a̱ tsa ñati̱ ndyu'u ti'i̱ ngu' slo yu; ná ndyu'u scua nde ni'i̱ su tyi'i̱ ngu', lo'o la cui' ti cha' to' ni'i̱ nde liya' tachaa tsa ndi'i̱ ngu'. Lo'o li' nclyu'u Jesús cha' tso'o ji'i̱ ycui' Ndyosi ji'i̱ ngu'.

SAN MARCOS 4:1

Chaca quiya' nguxana Jesús ngulu'u yu ji'i̱ ñati̱ to' tayu' bi'. Cua ndyu'u ti'i̱ quiña'a̱ tsa ñati̱ ca slo yu li'; hasta nga'aa ndyu'u scua yuu su tyu̱ quiya' yu, bi' cha' ndyatí̱ yu ca ne' sca yaca ni'i̱ sube nu ndacui to' hitya ti. Ne' yaca ni'i̱ bi' ndyaca'a̱ Jesús, ndyanu nu xa' la ñati̱ quiña'a̱ lo yuu btyi to' tayu' bi'.

SAN LUCAS 19:48

Pana ná ngujui ñi'ya̱ nu cua'ni ngu' cha' cuxi bi', cha' cua quiña'a̱ tsa ñati̱ ndya'a̱ lo'o yu, lo'o jua'a̱ ndiya tsa ti' ngu' nduna ngu' cha' nu nchcui' yu.

SAN LUCAS 21:38

Lcaa tsa̱, tlya tsa ndya'a̱ quiña'a̱ ñati̱ ne' laa tonu bi', cha' cuna ngu' ni cha' nda Jesús.