SAN MARCOS 2:12 - Chatino Tataltepec

¹² Hora ti ndyatu̱ nu quicha bi', ngusñi catya̱ ji'i̱, ngutu'u ndyaa li'; na'a̱ lcaa ngu' nu lo'o ndu'u nu ngua quicha bi' ndyaa lo'o catya̱ ji'i̱. Ndube tsa ti' ngu', li' ngua'ni tlyu ngu' ji'i̱ ycui' Ndyosi xqui'ya cha' bi': ―Ni sca ya bilya ña'a̱ ya sca cha' tlyu ñi'ya̱ nu ngua'ni nu'u̱ juani ―nacui̱ ngu' ji'i̱ ycui' Ndyosi li'.

SAN MARCOS 2:12 ပူးပေါင်းရင်းမြစ်များ

SAN MATEO 12:23

Ndube tsa ti' lcaa ngu' nu na'a̱ ji'i̱ cha' bi' li'. ―¿Ha la cui' nu ñati̱ tya'a ji'i̱ jyo'o David bi' laca nu qui'yu re? ―nacui̱ ngu' ji'i̱ tya'a ngu'.

SAN MATEO 15:31

Ndube tsa ti' ngu' quiña'a̱ lo'o na'a̱ ngu' cha' xa' nchcui' ngu' nu ngua cu'u̱, xa' ngua tso'o tyucui ña'a̱ ya' ngu' nu ngua cu' ya', xa' ndya'a̱ ngu' nu ngua quicha quiya', xa' tyaca̱' xee ña'a̱ ngu' nu ngua cuityi̱'. Li' lye tsa ndyu'ni tlyu ngu' ji'i̱ ycui' Ni nu laca ycui' Ndyosi ji'i̱ ngu' Israel xqui'ya cha' ndyaca tso'o lcaa ngu' quicha bi'.

SAN MATEO 9:33

Lo'o ngulo Jesús cui'i̱ cuxi ji'i̱ nu quicha bi', li' ngua nchcui' yu, masi cu'u̱ yu tsa̱ la. Ndube tsa ti' lcaa ñati̱ nu ndu̱ ndacua li'. ―Bilya ña'a̱ na sca cha' tlyu jua'a̱ ―nacui̱ ngu' ji'i̱ tya'a ngu'―. Ná ntsu'u ñati̱ tyucui ña'a̱ nasiyu̱ Israel re nu caca cua'ni jo'o jua'a̱ ―nacui̱ ngu'.

SAN MATEO 9:8

Quiña'a̱ tsa ñati̱ na'a̱ ji'i̱ cha' bi', ndyutsi̱i̱ tsa ngu' li'. Ngua'ni tlyu ngu' ji'i̱ ycui' Ndyosi li', cha' cua nda Ni chacuayá' ji'i̱ ñati̱ chalyuu cha' cua'ni cña tonu jua'a̱, ngua ti' ngu'.

SAN MARCOS 1:27

Ndyutsi̱i̱ tsa lcaa ngu' li'. Nchcui' ngu' lo'o tya'a ngu' ndi'ya̱: ―¿Ñi'ya̱ laca cha' re? ―nacui̱ ngu'―. ¿Ha xa' cha' nclyu'u nu jua ji'i̱ ñati̱? ―nacui̱ ngu'―. Nchca ji'i̱ yu jua culo yu cña, masi ji'i̱ cui'i̱ cuxi nclyo yu cña; hora ti nduna bi' cña nu ngulo yu ji'i̱, ndu'u nu cui'i̱ bi', ndyaa li'.

SAN MARCOS 2:11

―Culo na' cña jinu'u̱ juani ―nacui̱ Jesús ji'i̱―. Tyatu̱ nu'u̱, xatu'ba nu'u̱ catya̱ jinu'u̱, cha' tsaa lo'o nu'u̱ ji'i̱ ca to' tyi.

SAN LUCAS 13:13

Lo'o li' ngusta ya' Jesús hichu̱' ma'. Hora ti ngüiñi tyucuí̱ hichu̱' ma'. Li' nacui̱ ma' cha' tlyu tsa cña ndu'ni ycui' Ndyosi.

SAN LUCAS 17:15

Bi' cha' nguxtyu̱u̱ tsaca yu quicha bi', cui̱i̱ tsa nchcui' yu ndyu'ni chi̱ yu loo ycui' Ndyosi.

SAN LUCAS 5:26

Ndube tsa ti' ngu' ca su ndi'i̱ ti ngu', li' lcaa ngu' ca bi' ngua'ni tlyu ngu' ji'i̱ ycui' Ndyosi: ―Bilya ña'a̱ na cha' ngua'ni ycui' Ndyosi sca cha' tlyu tsa lo cua ―nacui̱ ngu' ji'i̱ tya'a ngu'. Na ntsi̱i̱ ti ngu' nchcui' ngu' lo'o tya'a ngu' jua'a̱.

SAN LUCAS 7:16

Ndube tsa ti' lcaa ñati̱ ca bi' lo'o na'a̱ ngu' ji'i̱ yu nu ngujuii bi'. Li' nguxana ngu' ndyu'ni tlyu ngu' ji'i̱ ycui' Ndyosi. ―Tlyu tsa ñati̱ ndyalaa slo na juani ―nacui̱ ngu'―, bi' laca nu chcui' lcaa cha' ji'i̱ ycui' Ndyosi lo'o na. Jua'a̱ nacui̱ ngu' li'. Lo'o chaca cha' nacui̱ ngu': ―Cua ndyalaa ycui' Ndyosi juani cha' xtyucua Ni ji'i̱ ñati̱ ji'i̱ ycui' Ni ―nacui̱ ngu'.

SAN JUAN 7:31

Masi jua'a̱ ngua'ni ngu' bi', tya ndi'i̱ quiña'a̱ ñati̱ nu ngusñi cha' ji'i̱ yu. Nchcui' ngu' lo'o tya'a ngu' li': ―La cui' ña'a̱ cña tonu cuentya ji'i̱ ycui' Ndyosi ndu'ni yu re, ñi'ya̱ nu nscua lo quityi cha' cua'ni nu ñati̱ tlyu nu cua ca̱a̱ ti; bi' laca yu re, nti' ya ―nacui̱ ngu'.

SAN JUAN 9:32

Tya lo'o nguxana chalyuu, bilya cua'ni ngu' cha' tyu'u xee cloo ñati̱ chaca quiya' nu lo'o ca ña'a̱ cuityi̱' ngu' lo'o ngula ngu'.

LOS HECHOS 4:21

Ngua ti' ngu' cusu' xcutsi̱i̱ ngu' ji'i̱ Pedro lo'o Juan, bi' cha' chaca quiya' lye la nchcui' ngu' cusu' bi' lo'o ngu'. Lo'o li' nda ngu' cusu' chacuayá' cha' tyaa ngu' laja ti; ná ngua ji'i̱ ngu' nu laca loo xcube' ngu' ji'i̱ Pedro lo'o ji'i̱ Juan, cha' ndyutsi̱i̱ ngu' cusu' bi' ji'i̱ ngu' quichi̱, cha' nu ngu' quichi̱ ni, lye tsa ndya xlya'be ngu' ji'i̱ ycui' Ndyosi cha' ngua tso'o yu quicha quiya' bi'.