SAN MARCOS 16:6 - Chatino Tataltepec

⁶ ―Ná cutsi̱i̱ ma̱ ―nacui̱ nu qui'yu bi' ji'i̱ nu ngu' cuna'a̱ bi'―. Cua jlo ti' na' cha' ji'i̱ Jesús Nazaret nu ndyujuii ngu' ji'i̱ lo crusi nclyana ma̱. Pana nga'aa ntsiya jyo'o bi' ca nde, cha' cua ndyu'ú yu bi' chaca quiya'. Ca̱a̱ na'a̱ ma̱ xi ca nde su ngusta ngu' ji'i̱ jyo'o bi'.

SAN MARCOS 16:6 ပူးပေါင်းရင်းမြစ်များ

SAN MATEO 12:40

Ñi'ya̱ ndyanu nu Jonás bi' nde ne' cualya tonu bi' sna tsa̱ lo'o sna talya, jua'a̱ na' nu cua nda Ni 'na lijya̱a̱ cha' caca na' ñati̱, tyanu na' ne' tyuu sna tsa̱ lo'o sna talya.

SAN MARCOS 1:24

―¿Ñi'ya̱ cha' nti' nu'u̱ chcui' lo'o na', Jesús Nazaret? ―nacui̱ nu quicha bi'―. ¿Ha cua nti' nu'u̱ cua'ni tye nu'u̱ cha' jna'? ―nacui̱―. Pana nslo na' jinu'u̱. Ycui' nu lubii laca nu'u̱, lo'o cua nda ycui' Ndyosi jinu'u̱ lijya̱ ca nde.

SAN MARCOS 1:27

Ndyutsi̱i̱ tsa lcaa ngu' li'. Nchcui' ngu' lo'o tya'a ngu' ndi'ya̱: ―¿Ñi'ya̱ laca cha' re? ―nacui̱ ngu'―. ¿Ha xa' cha' nclyu'u nu jua ji'i̱ ñati̱? ―nacui̱ ngu'―. Nchca ji'i̱ yu jua culo yu cña, masi ji'i̱ cui'i̱ cuxi nclyo yu cña; hora ti nduna bi' cña nu ngulo yu ji'i̱, ndu'u nu cui'i̱ bi', ndyaa li'.

SAN MARCOS 10:34

Li' xtyí lo'o ngu' bi' 'na, tyu'u hitya sañi' ngu' bi' loo na', quiji'i̱ ngu' bi' 'na lo'o reta. Li' cujui'i̱ ca'a̱ ngu' bi' 'na lo crusi cha' cajaa na'. Pana lo'o tyu'u scua sna tsa̱, li' tyu'ú na' chaca quiya'.

SAN MARCOS 14:33

Ndyaa yu la xi li', ndyaa lo'o yu ji'i̱ Pedro lo'o Jacobo lo'o Juan. Li' lye tsa ngua xñi'i̱ ti' Jesús, ndya'a̱ tsa cha' tyiquee yu xqui'ya cña tlyu nu cua tyacua ti ji'i̱ yu.

SAN MARCOS 9:15

Ndube tsa ti' nu ngu' quiña'a̱ lo'o na'a̱ ngu' ji'i̱ Jesús lijya̱. Nxna ngu' slo yu cha' chcui' ngu' lo'o yu li'.

SAN LUCAS 24:46

Nacui̱ yu ji'i̱ ngu': ―Cua sa'ni nscua cha' cajaa ycui' na' nu laca na' nu Cristo bi', lo'o tsa̱ nchca tyuna lo'o cua ngujuii na', li' nscua cha' tyu'ú na' chaca quiya'.

LOS HECHOS 2:24

Pana ná nscua cha' tyanu Jesús ne' cuaá ña'a̱ jyo'o ti yu, bi' cha' ngua'ni ycui' Ndyosi Sti yu cha' ndyu'ú yu chaca quiya'.

LOS HECHOS 4:10

Cua'a̱ jyaca̱ ma̱ xi lacua. Ta na' sca cha' lo'o ma̱, lo'o lcaa ngu' loyuu re, cha' ycui' Jesucristo laca nu ngua'ni cha' ndyaca tso'o nu quicha re. La cui' Jesús Nazaret nu ndyujuii ma̱ ji'i̱ lo crusi, bi' laca nu cua ngua'ni ycui' Ndyosi cha' ndyu'ú chaca quiya' lo'o ngujuii. Ycui' Jesús bi' nda chacuayá' cha' ngua tso'o quiya' yu re, bi' cha' ndu̱ yu ca nde tso'o ti yu juani.