SAN MARCOS 16:20 - Chatino Tataltepec

²⁰ Li' ndu'u ngu' nu ngua tsa'a̱ ji'i̱, ndyaa ngu' lcaa quichi̱ cha' chcui' ngu' cha' ji'i̱ Jesús lo'o xa' ñati̱. Nxtyucua tsa nu Xu'na na ji'i̱ nu ngu' nu ngua tsa'a̱ ji'i̱, hasta ngua cuayá' tso'o ti' ngu' lcaa quichi̱ su ndyaa ngu' bi', cha' chañi tsa cha' nu nchcui' ngu' cuentya ji'i̱ ycui' Ndyosi; ngua cuaya' ti' ngu' quichi̱ bi' lo'o na'a̱ ngu' cha' tonu nu ngua'ni ngu' bi' chacuayá' ji'i̱ ycui' Ndyosi. Tsa lo cua ti cha'.

SAN MARCOS 16:20 ပူးပေါင်းရင်းမြစ်များ

SAN MARCOS 16:19

Lo'o ndye nchcui' Jesús nu Xu'na na, li' ngua'ni ycui' Ndyosi cha' ndu'u yu ndyaa yu nde cua̱; ndyaa tucua Jesús la'a tsu' cui̱ ji'i̱ ycui' Ndyosi ca bi'.

SAN LUCAS 1:1

Cua quiña'a̱ ñati̱ nguscua lo quityi ñi'ya̱ nu ngua lcaa cha' ji'i̱ Jesús nde su ndi'i̱ ya, quityi historia laca bi'.

SAN LUCAS 1:2

Lo'o jua'a̱ ntsu'u ngu' nu ngulu'u cha' bi' ji'na; ngu' bi' ni, cua na'a̱ ngu' cha' bi' clyo, tya lo'o nguxana Jesús ngua'ni yu cña, lo'o jua'a̱ ndyaa ngu' nchcui' ngu' cha' ji'i̱ Jesús lo'o lcaa ñati̱.

LOS HECHOS 14:3

Tyiquee' xi ndyanu Pablo lo'o Bernabé quichi̱ bi', cha' ná ndyutsi̱i̱ ngu' culu'u ngu' cha' ji'i̱ nu Xu'na na ji'i̱ ngu' quichi̱ bi'. Lo'o jua'a̱ ngua'ni Pablo lo'o Bernabé cña tonu chacuayá' ji'i̱ ycui' Ndyosi, bi' cha' ngua ji'i̱ ngu' quichi̱ ta ngu' cuentya cha' xcui' cha' liñi nclyu'u ngu' bi' ji'i̱ ngu'.

LOS HECHOS 4:30

Ta nu'u̱ chacuayá' cha' tyaca tso'o ngu' quicha; cua'ni Jesús Sñi' nu'u̱ nu xcui' lubii cresiya ji'i̱ quiña'a̱ tsa cña tonu, cha' jua'a̱ cube tsa ti' ngu' jinu'u̱. Tsa lo cua ti cha' chcui' ya juani.

LOS HECHOS 5:12

Quiña'a̱ tsa chacuayá' nda ycui' Ndyosi ji'i̱ ngu' nu ngua tsa'a̱ ji'i̱ Jesucristo tya clyo, bi' cha' ngua'ni ngu' quiña'a̱ tsa cha' tlyu ca su ndi'i̱ ngu' quichi̱. Ngulacua tsa ti' ngu' quichi̱ xqui'ya cña tlyu bi'. Lcaa ngu' nu ngusñi cha' ji'i̱ Jesucristo ni, ndyu'u ti'i̱ ngu' ca su nacui̱ ngu': “Corredor ji'i̱ Salomón”, cha' stu'ba ti ntsu'u tyiquee lcaa ngu' bi'; ca to' laa tonu laca corredor bi'.

ROMANOS 15:19

Ngua'ni Ni cña tonu nu ná ca cua'ni ñati̱ chalyuu, cha' cube ti' xa' ñati̱ cha' ycui' Ndyosi laca nu ndyu'ni cña bi'. Jua'a̱ ngua cha' cua ndya'a̱ na' ndi'i̱ na' ca loyuu tyijyu' la. Nguxana na' nde quichi̱ Jerusalén, ña'a̱ cuayá' ndyalaa na' loyuu su cuentya Ilírico. Lcaa quichi̱ su ndya'a̱ na', quiña'a̱ tsa cha' tso'o ji'i̱ Cristo nda na' lo'o ngu' ña'a̱ cuayá' nu ngua 'na.

2 CORINTIOS 6:1

Ngu' tya'a ndyu'ni na cña ji'i̱ ycui' Ndyosi laca ma̱; bi' cha' nchcui' tsa ya lo'o cu'ma̱, cha' ná culiji ma̱ cha' tso'o jua'a̱ ti, cha' tso'o nu cua nda Ni cha' tyanu ne' cresiya ji'i̱ ma̱. Na cua ngusñi ma̱ cha' bi' tsaca quiya', bi' cha' ña'a̱ ti taquiya' ma̱ ji'i̱ cha' bi' juani.

HEBREOS 2:3

La cui' ti cha' caca ji'na juani, si ná taquiya' na ji'i̱ cha' nu cua ndyuna na bi', cha' clyaá na ji'i̱ nu cuxi; ná caja ñi'ya̱ clyaá na ji'i̱ ycui' Ndyosi lo'o cua ndye chalyuu, nu lo'o cua'ni cuayá' Ni ji'i̱ lcaa ñati̱. Clyo ndacha' ycui' Jesús nu Xu'na na cha' bi' ji'i̱ ñati̱ nu ngua tsa'a̱ ji'i̱ yu, jua'a̱ ndyuna ngu' bi' cha' nu nchcui' yu; tiya' la li', lo'o ji'na ndacha' ngu' bi' cha' bi'. Bi' cha' jlo ti' na cha' chañi laca cha' bi'.

HEBREOS 2:4

Lo'o jua'a̱ ngua'ni ycui' Ndyosi cña cha' ca cuayá' ti' na cha' chañi tsa laca cha' nu nchcui' ngu', ngua'ni Ni quiña'a̱ tsa cha' tlyu slo na cha' ña'a̱ na ji'i̱. Tyu̱u̱ tsa cha' nu ná nchca cua'ni ñati̱ chalyuu ngua'ni Ni, cha' cube tsa ti' na ji'i̱ ycui' Ni lo'o ña'a̱ na cha' tlyu bi'. Lo'o li' cua nda Ni Xtyi'i ycui' Ni cha' tyanu ne' cresiya ji'i̱ ñati̱ chalyuu, tsa ña'a̱ nu ntsu'u tyiquee ycui' Ni nda Ni ji'i̱ ngu'; bi' cha' nchca ji'na cua'ni na tyu̱u̱ lo cña cuentya ji'i̱ ycui' Ndyosi, nu ná nchca ji'i̱ ñati̱ cua'ni ycui' ca ngu'.