SAN MARCOS 16:16 - Chatino Tataltepec

¹⁶ Nu lo'o xñi ñati̱ cha' 'na, tyucuatya ngu' chacuayá' jna' li', clyaá ngu' bi' ji'i̱ nu cuxi li'. Ñati̱ nu ná tyaja'a̱ xñi cha' 'na tsiya' ti, tyanu qui'ya ji'i̱ ngu' li'.

SAN MARCOS 16:16 ပူးပေါင်းရင်းမြစ်များ

SAN MATEO 28:19

Yaa ma̱ lcaa quichi̱ nde chalyuu cha' ca tsa'a̱ lcaa ñati̱ cha' jna'. Li' tyucuatya ma̱ ji'i̱ ngu' chacuayá' ji'i̱ ycui' Ndyosi Sti na', jua'a̱ chacuayá' jna' nu laca̱ Sñi' ycui' Ndyosi, jua'a̱ chacuayá' ji'i̱ Xtyi'i ycui' Ndyosi.

SAN MARCOS 1:15

―Cua ndyalaa hora cha' caca ycui' Ndyosi loo ne' cresiya ji'i̱ ñati̱ ―nacui̱ Jesús―. Ca tyuju'u ti' ma̱ ji'i̱ lcaa cha' cuxi nu ntsu'u ji'i̱ ma̱; culochu̱' ma̱ ji'i̱ cha' cuxi bi', cha' li' taca xñi ma̱ cha' tso'o nu ji'i̱ ycui' Ndyosi nu cua'ni lyaá ji'i̱ ma̱.

SAN LUCAS 8:12

Ñi'ya̱ laca nu tsa ycu' si'yu nu ndyú tyucui̱i̱ bi', jua'a̱ laca lo'o ñati̱ nu cua ndyuna cha' tso'o bi' nquicha', lo'o li' hora ti lijya̱ nu xña'a̱ cha' cuityi̱ cha' tso'o nu ntsu'u ne' cresiya ji'i̱ ngu' bi'; nga'aa ndyi'u ti' ngu' cha' tso'o bi', ni ná nchca clyaá ngu' bi' ji'i̱ nu cuxi li'.

SAN JUAN 20:31

Cha' nu nscua lo quityi re ni, nscua bi' cha' taca jlya ti' ma̱ cha' Jesús laca Cristo nu cua nda ycui' Ndyosi ji'i̱ lijya̱ chalyuu, cha' taca xñi ma̱ cha' ji'i̱ Jesús, cha' laca yu nu sca ti Sñi' ycui' Ndyosi. Li' caja chalyuu tso'o nu ná nga'a̱ cha' tye ji'i̱ ma̱ chacuayá' ji'i̱ ycui' Jesús.

SAN JUAN 3:36

Lo'o xñi ñati̱ cha' ji'i̱ Jesús, Sñi' ycui' Ndyosi, ná nga'a̱ cha' tye chalyuu tso'o nu ta Ni ji'i̱ ngu' bi'. Pana ñati̱ nu ná taquiya' tsiya' ti ji'i̱ cha' nu nchcui' Jesús, ná ta Ni chalyuu tso'o ji'i̱ ngu' bi'; xcube' tsa Ni ji'i̱ ngu' bi' li'.

SAN JUAN 3:5

―Ta na' sca cha' liñi lo'o nu'u̱ juani ―nacui̱ Jesús―. Ñati̱ laca nu nclya lo'o ndu'ni cala ñati̱ chalyuu ji'i̱, pana Xtyi'i ycui' Ndyosi laca nu ndu'ni cha' cha'a̱ cresiya ji'i̱ ngu' ―nacui̱ Jesús―. Ntsu'u cha' caca cucui cresiya ji'i̱ ma̱ si cua nti' ma̱ cha' culo ycui' Ndyosi cña ji'i̱ ma̱. Ntsu'u cha' tyu'u ma̱ lo hitya, lo'o jua'a̱ ntsu'u cha' tyanu Xtyi'i ycui' Ndyosi ne' cresiya ji'i̱ ma̱ ―nacui̱ Jesús ji'i̱ Nicodemo―.

SAN JUAN 5:24

’Liñi tsa cha' nu ta na' lo'o ma̱ juani: Cua ña'a̱ ca ñati̱ nu taquiya' ji'i̱ lcaa cha' nu chcui' na' lo'o ngu', lcaa ñati̱ nu jlya ti' ji'i̱ ycui' Ndyosi Sti na' nu nda jna' lijya̱a̱, bi' ngu' laca nu ná nga'a̱ cha' tye chalyuu tso'o nu ta ycui' Ndyosi ji'i̱ ngu' bi'. Ná cua'ni cuayá' Ni ji'i̱ ngu' bi', ná nscua cha' cajaa ngu' bi'; lcaa tyempo tyi'i̱ ngu' bi' lo'o ycui' Ndyosi ―nacui̱ Jesús ji'i̱ ngu'―.

SAN JUAN 6:29

―Ndi'ya̱ laca cña nu nti' ycui' Ndyosi cha' cua'ni ma̱ ―nacui̱ Jesús―. Xñi ma̱ cha' jna', cha' na' laca̱ Sñi' ycui' Ndyosi, cha' cua nda Ni 'na lijya̱a̱ chalyuu.

SAN JUAN 6:35

―Ñi'ya̱ ndu'ni tyaja lo'o ndye ndyacu na ji'i̱, jua'a̱ cua'ni na' lo'o ñati̱, si xñi ngu' cha' jna' ―nacui̱ Jesús li'―. Ta na' sca chalyuu ji'i̱ ngu' su xcui' ndyaala' ti' ngu' ―nacui̱ Jesús ji'i̱ ngu' bi'―. Lo'o lcaa ñati̱ nu tyu'u cha' ji'i̱ ngu' lo'o na', nga'aa jña la ngu' xa' lo na cacu ngu'; lo'o xñi ngu' cha' jna', nga'aa tyucua nguityi ngu' li' ―nacui̱―.

SAN JUAN 6:40

Nde laca cña nu nti' Sti na' nu cua nda jna' lijya̱a̱ cha' caca: cua nti' Ni cha' ná tye chalyuu su tyi'i̱ ngu' lo'o Ni, lcaa ñati̱ nu ndyuloo jna' cha' laca̱ Sñi' Ni, lcaa ñati̱ nu xñi cha' jna'. Lo'o li' chañi cha' cua'ni na' cha' tyu'ú ngu' chaca quiya' lo'o cua tye ti chalyuu.

SAN JUAN 8:24

Bi' cha' ni na' ji'i̱ ma̱ cha' cajaa ycui' ma̱ ña'a̱ lo'o cresiya cuxi ji'i̱ ma̱; chañi cha' bi': cajaa ma̱ ña'a̱ lo'o cresiya cuxi ji'i̱ ma̱, si ná jlya ti' ma̱ cha' laca na' ñi'ya̱ nu ni na' ji'i̱ ma̱ cha' laca na'.

LOS HECHOS 10:43

Na cua nguscua jyo'o cusu' xi cha' lo quityi ji'i̱ ycui' Ndyosi nu ngua sa'ni; lcaa quityi bi' nchcui' cha' ntsu'u cha' ca̱a̱ sca ñati̱ tlyu lo yuu chalyuu tyempo nde loo la; bi' laca nu cuityi̱ yabe' nu ntsu'u ji'i̱ lcaa ñati̱, si xñi ngu' cha' ji'i̱ yu, nacui̱ cha' nu nscua lo quityi bi'. Na cua ndyalaa yu bi' lo yuu re juani, Jesús naa yu.

LOS HECHOS 13:39

taca tyu'u laja ti ma̱ ji'i̱ qui'ya nu ntsu'u ji'i̱ ma̱ si xñi ma̱ cha' ji'i̱ Jesús. Ná ndu'ni cha' masi tso'o tsa ndaquiya' ma̱ ji'i̱ lcaa cha' nu nguscua jyo'o Moisés sa'ni, ná nchca ji'i̱ cha' bi' cuityi̱ qui'ya nu ntsu'u ji'i̱ ma̱.

LOS HECHOS 13:46

Pana ná ndyutsi̱i̱ Pablo lo'o Bernabé cha' xacui̱ ngu' cha' ji'i̱ ngu' judío bi': ―Clyo ntsu'u cha' chcui' ya cha' ji'i̱ ycui' Ndyosi lo'o ma̱ nquicha', cha' ngu' judío tya'a na laca ma̱. Pana juani tsaa ya culu'u ya cha' bi' ji'i̱ ngu' xa' tsu', xqui'ya cha' ná ntaja'a̱ ma̱ cuna ma̱ cha' nu nchcui' ya. Na cua ngüiñi cha' ji'i̱ ma̱ lo'o tya'a ma̱, cha' ná nti' ma̱ caja chalyuu nu ná nga'a̱ cha' tye ji'i̱ ma̱.

LOS HECHOS 2:38

―Tso'o si caca tyuju'u ti' ma̱ ji'i̱ cha' cuxi, lcaa cha' cuxi nu ntsu'u tyiquee ma̱ xtyanu ma̱ ji'i̱ li' ―nacui̱ Pedro ji'i̱ ngu'―. Lo'o jua'a̱ tyucuatya ngu' ji'i̱ ma̱ chacuayá' ji'i̱ Jesús li'. Cuityi̱ Ni lcaa qui'ya nu ntsu'u ji'i̱ ma̱ li', jua'a̱ ta Ni Xtyi'i ycui' Ni cha' tyanu Ni ne' cresiya ji'i̱ ma̱.

LOS HECHOS 2:41

Lcaa ngu' nu jlya ti' cha' nu nchcui' Pedro lo'o ngu', ndyaa ngu' bi' cha' tyucuatya ngu' ji'i̱ ngu' bi' chacuayá' ji'i̱ Jesús. La cui' tsa̱ bi' nguxana sna mil tya'a ñati̱ ngusñi ngu' cha' ji'i̱ Jesucristo.

LOS HECHOS 22:16

Nga'aa ntsu'u cha' jatya la nu'u̱ ca nde; tyatu̱ clya nu'u̱ juani; cua ngüityi̱ ycui' Ni qui'ya nu ntsu'u jinu'u̱, xqui'ya cha' ngusñi nu'u̱ cha' ji'i̱ Jesús. Lo'o li' tyucuatya ngu' jinu'u̱.” Jua'a̱ nchcui' Ananías lo'o na' li'.

ROMANOS 3:6

Pana liñi tsa ndu'ni Ni. Ná caca xcube' Ni ji'i̱ ñati̱ chalyuu xqui'ya qui'ya nu ntsu'u ji'i̱ ngu', si ná liñi ndu'ni cuayá' Ni ji'i̱ lcaa ñati̱.

ROMANOS 4:24

masi lo'o cuentya ji'na nscua cha' caca jua'a̱; lo'o ji'na cua nchcui' ycui' Ndyosi cha' caca tso'o cresiya ji'na cuentya ji'i̱ ycui' Ni si xñi na cha' ji'i̱ Ni, la cui' Ni nu ngua'ni cha' ndyu'ú Jesús nu Xu'na na chaca quiya' lo'o ngujuii yu.

2 TESALONICENSES 1:8

Li' xcube' ycui' Ndyosi ji'i̱ cua ña'a̱ ca ñati̱ nu ná ntaja'a̱ taquiya' ji'i̱ Ni, lo'o jua'a̱ xcube' Ni ji'i̱ ñati̱ nu ná ntaja'a̱ xñi cha' tso'o ji'i̱ ycui' Jesús nu Xu'na na.

2 TESALONICENSES 2:12

Chañi cha' tsaa ngu' bi' ca su ná nga'a̱ cha' tye chcube' ngu', lcaa ngu' nu ná jlya ti' cha' tso'o ji'i̱ ycui' Ndyosi, ngu' nu ndiya la ti' cua'ni cua ña'a̱ ca lo cha' cuxi.

1 PEDRO 1:21

Xqui'ya Cristo, bi' cha' jlya ti' ma̱ ji'i̱ ycui' Ndyosi, cha' cua ngua'ni ycui' Ni cha' ndyu'ú Cristo chaca quiya' lo'o cua ngujuii yu. Lo'o li' nda ycui' Ndyosi sca su tso'o su tyi'i̱ Cristo, ca su tlyu su ntucua ycui' Ni. Ngua'ni Cristo cña tonu bi', cha' taca xñi ma̱ cha' ji'i̱ ycui' Ndyosi, lo'o li' taca tyu̱ ti' ma̱ cha' caca lcaa ña'a̱ cha' nu nacui̱ Ni cha' caca.

1 PEDRO 3:21

Ñi'ya̱ nu ngua'ni lyaá Ni ji'i̱ ngu' nu nguta'a̱ ne' yaca ni'i̱ bi' lo hitya nu ngua sa'ni la, cha' ndaquiya' ngu' bi' ji'i̱ cha' nu nchcui' ycui' Ni; jua'a̱ clyaá ma̱ juani, cha' cua ndaquiya' ma̱ ji'i̱ cha' nu nchcui' Ni. Cua ndyaa ma̱ lo hitya cha' tyucuatya ma̱ li'. Si'i na caata ti na chcu laca cha' bi', si'i cha' cuu' cuaña' na, bi' cha' tyucuatya na li'; ndi'ya̱ laca cha': na cua ndijña na ji'i̱ ycui' Ndyosi cha' cua'ni lubii Ni ji'i̱ cresiya ji'na xqui'ya cha' cua ndyu'ú Jesucristo chaca quiya', bi' cha' ntyucuatya na.

APOCALIPSIS 20:15

Lo'o li' xcua̱a̱ Ni ji'i̱ cua ña'a̱ ca ñati̱ nu ná nscua xtañi lo quityi ji'i̱ ycui' Ni, tyaa ngu' nde lo tayu' ca su ntsu'u quii' bi', cha' ndacha' quityi bi' tilaca laca ñati̱ nu ná nga'a̱ cha' tye chalyuu ji'i̱.

APOCALIPSIS 21:8

Pana lcaa ñati̱ nu ntsi̱i̱ tsa cha' tyu'u cha' ji'i̱ lo'o na', jua'a̱ ñati̱ nu ná ndaquiya' jna' tsiya' ti, jua'a̱ nu chiya'a̱ tsa ndu'ni, jua'a̱ nu ndujuii ji'i̱ tya'a ñati̱, jua'a̱ nu ndu'ni suba' lo'o nu cuna'a̱, jua'a̱ nu cucha'a̱, jua'a̱ ñati̱ nu jlya tsa ti' ji'i̱ cha' cucha'a̱, jua'a̱ ñati̱ nu ndu'ni tlyu ji'i̱ lcui̱ jo'ó, jua'a̱ nu cuiñi, lcaa ngu' bi' tyaa ngu' ca lo tayu' tlyu ca su ntsu'u quii' nu ndyaqui̱ lo'o yuu sufri. Lcaa ngu' nu cua ndyaa nde tayu' bi' ni, cua ndyaa ngu' nde chalyuu talya; cua ndye cha' ngujuii ngu' tsiya' ti li'.