SAN MARCOS 16:14 - Chatino Tataltepec

¹⁴ Ca ngusi̱i̱ la xi, li' ndyu'u tucua Jesús slo nu tii chaca tya'a ngu' nu ndyaca tsa'a̱ ji'i̱ su nga'a̱ ngu' ndyacu ngu' to' mesa. Lye nchcui' yu lo'o ngu' bi' ni cha' laca ná jlya tso'o ti' ngu', ni cha' laca ndyacu̱' hique ngu'. Lo'o jua'a̱ nchcui' yu lo'o ngu' ni cha' laca ná ndaquiya' ngu' ji'i̱ ngu' tya'a ngu', nu cua na'a̱ ji'i̱ yu clyo lo'o ndyu'ú ca ti yu chaca quiya'.

SAN MARCOS 16:14 ပူးပေါင်းရင်းမြစ်များ

SAN MATEO 11:20

Lo'o li' lye xi nchcui' Jesús cha' ji'i̱ quichi̱ su lu'ba ti ndya'a̱ yu, cha' quiña'a̱ cha' tlyu cua ngua'ni yu slo ngu' ca tyi bi', pana ná ngua tyuju'u ti' ngu' ji'i̱ cha' cuxi nu ntsu'u ne' cresiya ji'i̱ ngu'; ná nguxtyanu ngu' ji'i̱ cha' cuxi bi'.

SAN MATEO 17:20

Li' nguxacui̱ Jesús cha' ji'i̱ ngu' bi': ―Xti ti cha' jlya ti' ma̱ ji'i̱ ycui' Ni, bi' cha' ná ngua ji'i̱ ma̱ ―nacui̱ Jesús ji'i̱ ngu' bi'―. Cha' liñi nchcui' na' lo'o ma̱ juani, cha' si chañi ca cha' jlya ti' ma̱ cha' ji'i̱ ycui' Ndyosi, masi tsa lo cua sca si'yu cuxee ti nu piti tsa, si jua'a̱ ti jlya ti' ma̱ cha' ji'i̱ Ni, li' taca chcui' ma̱ lo'o ca'ya cua̱ nde: “Tyu'utsu' nu'u̱ tyaa nu'u̱ chaca se'i̱ cajua la”, ñacui̱ ma̱ ji'i̱. Lo'o li' taquiya' ca'ya bi' cha' nu nchcui' ma̱ lo'o, tyu'utsu' ca'ya bi' tsaa chaca se'i̱ li'. Ná ntsu'u cha' nu ná caca cua'ni ma̱ si chañi ca cha' jlya ti' ma̱ 'na.

SAN MATEO 28:17

Lo'o na'a̱ ngu' ji'i̱ Jesús cha' ya̱a̱ yu nde slo ngu', li' ngua'ni tlyu ngu' ji'i̱ yu, masi ntsu'u xi tya'a ngu' nu bilya jlya tso'o ti' ngu' ji'i̱.

SAN MARCOS 7:18

―¿Ha lo'o cu'ma̱ ná ngua cuayá' ti' ma̱ cha' bi'? ―nacui̱ Jesús ji'i̱ ngu' li'―. ¿Ha ná jlo ti' ma̱ cha' si'i na nu cacu na laca nu cua'ni cha' caca cuxi tyiquee na? Ná taca.

SAN LUCAS 24:11

Pana si'i jua'a̱ ngua, ngua ti' ngu' nu ngua tsa'a̱ bi'; na nguichi̱ tsa cha' hique ngu' cuna'a̱ bi', ngua ti' ngu'. Ná jlya ti' ngu' cha' nu nda ngu' cuna'a̱ bi' lo'o ngu' tsiya' ti.

SAN LUCAS 24:25

Li' nchcui' Jesús lo'o nu ngu' nu tya'a ndyaa yu tyucui̱i̱: ―Lyiji tsa cha' ji'i̱ cu'ma̱ cha' ca cuayá' ti' ma̱ scaa cha'; tiya' tsa nxñi ma̱ lcaa cha' nu nda ngu' jyo'o nu ngua tu'ba ji'i̱ ycui' Ndyosi sa'ni la.

SAN JUAN 20:25

Li' nacui̱ ngu' tya'a ngua tsa'a̱ ji'i̱ Tomás: ―Cua na'a̱ ya ji'i̱ ycui' nu Xu'na na ―nacui̱ ngu'. Li' nchcui' Tomás lo'o ngu': ―Lo'o cua na'a̱ na' ca su ngujuo' ngu' clavo ya' ycui', li' jlya ti' na' cha' la cui' yu laca bi' ―nacui̱―. Lo'o cua ndyojo' sne ya' na' cuityu su ngujuo' ngu' clavo ya' yu, lo'o cua ndyojo' ya' na' ca su ntucua cuityu sii' yu, ca li' jlya ti' na' ―nacui̱ Tomás.

SAN JUAN 20:26

Li' cua ndu'u scua snu' tsa̱, ndyalaa ngu' nu ngua tsa'a̱ ji'i̱ Jesús toni'i̱ chaca quiya'; lo'o Tomás ndi'i̱ lo'o ngu' li'. Cua ndyacu̱' toni'i̱, li' ndyatí̱ Jesús ni'i̱ jua'a̱ ti, ndyatu̱ yu slo ngu' bi'. Li' nchcui' yu lo'o ngu': ―Ti̱ ti tyi'i̱ tyiquee ma̱.

SAN JUAN 20:27

Li' nchcui' Jesús lo'o ycui' Tomás: ―Cua̱a̱ nu'u̱ ca nde, cojo' sne ya' nu'u̱ su ntucua cuityu ya' na' ―nacui̱―. Ña'a̱ tso'o nu'u̱ su ntucua cuityu ya' na' re. Cua̱a̱ nu'u̱, cojo' ya' sii' na'. Nga'aa cua'ni nu'u̱ cha' ná jlya ti' nu'u̱ 'na, taca jlya tso'o ti' nu'u̱ 'na juani ―nacui̱ Jesús.

SAN JUAN 21:1

Tiya' la xi xa' ngulu'u loo Jesús ji'i̱ nu ngu' nu ngua tsa'a̱ ji'i̱, nu lo'o ndyaa ngu' nde to' tayu' Tiberias. Ndi'ya̱ ngua cha' bi':

SAN JUAN 21:14

Cua ngua sna quiya' li' nu ngulu'u loo Jesús ji'i̱ nu ngu' nu ngua tsa'a̱ ji'i̱, tya lo'o ndyu'ú yu chaca quiya' lo'o ngujuii yu.

LOS HECHOS 1:3

Lo'o cua ngujuii Jesús, ndyu'ú yu chaca quiya', li' ndu'u tucua yu slo ngu' bi'. Tya tu'ba tsa̱ ndya'a̱ Jesús chalyuu, lo'o jua'a̱ tyu̱u̱ quiya' ndu'u tucua yu slo ngu' bi'; tso'o tsa ngulu'u yu ji'i̱ ngu' cha' chañi cha' cua ndyu'ú yu chaca quiya'. Lo'o jua'a̱ ngulu'u yu ji'i̱ ngu' bi' ñi'ya̱ nu caca ycui' Ndyosi loo ne' cresiya ji'i̱ ñati̱.

1 CORINTIOS 15:5

Lo'o li' ngulu'u loo Jesús ji'i̱ Pedro, lo'o jua'a̱ ji'i̱ ca ta'a tii chaca ngu' nu ngua tsa'a̱ ji'i̱ tya clyo.

APOCALIPSIS 3:19

Lcaa ñati̱ nu tyaca'a tsa 'na, ndaca'a na' xi ji'i̱ ngu', nchcube' na' xi ji'i̱ ngu'. Cua'ni clya ma̱ lacua, cha' culochu̱' ma̱ cha' cuxi nu ndyu'ni ma̱.