SAN MARCOS 16:13 - Chatino Tataltepec

¹³ Yala ti ñaa ngu' nde quichi̱, ndacha' ngu' cha' bi' ji'i̱ tya'a ngu'; pana ná ndaquiya' ngu' ji'i̱ cha' nu nchcui' nu tucua tya'a ñati̱ bi'.

SAN MARCOS 16:13 ပူးပေါင်းရင်းမြစ်များ

SAN MATEO 28:17

Lo'o na'a̱ ngu' ji'i̱ Jesús cha' ya̱a̱ yu nde slo ngu', li' ngua'ni tlyu ngu' ji'i̱ yu, masi ntsu'u xi tya'a ngu' nu bilya jlya tso'o ti' ngu' ji'i̱.

SAN MARCOS 16:11

Pana masi jua'a̱, ná nduna ngu' cha' nu nchcui' María lo'o ngu', cha' ná jlya ti' ngu' cha' cua ndyu'ú Jesús chaca quiya'; ná jlya ti' ngu' tsiya' ti cha' cua na'a̱ María ji'i̱ ycui' Jesús.

SAN MARCOS 16:14

Ca ngusi̱i̱ la xi, li' ndyu'u tucua Jesús slo nu tii chaca tya'a ngu' nu ndyaca tsa'a̱ ji'i̱ su nga'a̱ ngu' ndyacu ngu' to' mesa. Lye nchcui' yu lo'o ngu' bi' ni cha' laca ná jlya tso'o ti' ngu', ni cha' laca ndyacu̱' hique ngu'. Lo'o jua'a̱ nchcui' yu lo'o ngu' ni cha' laca ná ndaquiya' ngu' ji'i̱ ngu' tya'a ngu', nu cua na'a̱ ji'i̱ yu clyo lo'o ndyu'ú ca ti yu chaca quiya'.

SAN LUCAS 16:31

Xa' nchcui' jyo'o Abraham lo'o nu culiya' bi' li': “Lo'o ná nti' ngu' taquiya' ngu' ji'i̱ cha' nu nguscua Moisés, lo'o jua'a̱ ná taquiya' ngu' ji'i̱ jyo'o cusu' nu ngua'a̱ loo ycui' Ndyosi cña ji'i̱ cha' chcui' lo'o ñati̱, la cui' jua'a̱ ná taquiya' ngu' ji'i̱ xa' la cha' nu ta Ni lo'o ngu', masi tyu'ú sca nu cua ngujuii chaca quiya' cha' chcui' lo'o ngu'”.

SAN LUCAS 24:11

Pana si'i jua'a̱ ngua, ngua ti' ngu' nu ngua tsa'a̱ bi'; na nguichi̱ tsa cha' hique ngu' cuna'a̱ bi', ngua ti' ngu'. Ná jlya ti' ngu' cha' nu nda ngu' cuna'a̱ bi' lo'o ngu' tsiya' ti.

SAN LUCAS 24:41

Ná ngua tyuloo tso'o ngu' ji'i̱ yu xqui'ya cha' chaa tsa ti' ngu' ngua, cha' ndube tsa ti' ngu' ña'a̱ ngu' ji'i̱ yu. Bi' cha' nacui̱ Jesús ji'i̱ ngu': ―¿Ha ntsu'u na cacu na' ji'i̱ ma̱?

SAN JUAN 20:25

Li' nacui̱ ngu' tya'a ngua tsa'a̱ ji'i̱ Tomás: ―Cua na'a̱ ya ji'i̱ ycui' nu Xu'na na ―nacui̱ ngu'. Li' nchcui' Tomás lo'o ngu': ―Lo'o cua na'a̱ na' ca su ngujuo' ngu' clavo ya' ycui', li' jlya ti' na' cha' la cui' yu laca bi' ―nacui̱―. Lo'o cua ndyojo' sne ya' na' cuityu su ngujuo' ngu' clavo ya' yu, lo'o cua ndyojo' ya' na' ca su ntucua cuityu sii' yu, ca li' jlya ti' na' ―nacui̱ Tomás.

SAN JUAN 20:8

Li' lo'o nu chaca yu nu ngulaa yala la, lo'o yu bi' ndyatí̱ yu ne' tyuquee, ndyaa na'a̱ yu ñi'ya̱ ña'a̱ ne' cuaá. Ca li' jlya tso'o ti' yu;