SAN MARCOS 15:40 - Chatino Tataltepec

⁴⁰ Laja li' tyijyu' ti ndu̱ sca taju ngu' cuna'a̱ ña'a̱ cui'ya ngu' ji'i̱ Jesús; lo'o María Magdalena, lo'o chaca María xtya'a̱ Jacobo nu cuañi' la, la cui' xtya'a̱ José laca bi', lo'o Salomé ndu̱.

SAN MARCOS 15:40 ပူးပေါင်းရင်းမြစ်များ

SAN MATEO 10:3

lo'o jua'a̱ ngusubi yu ji'i̱ Felipe, lo'o ji'i̱ Bartolomé, lo'o ji'i̱ Tomás, lo'o ji'i̱ Mateo nu ngusñi cñi cña loo ngu' clyo; lo'o jua'a̱ ngusubi yu ji'i̱ Jacobo sñi' Alfeo, lo'o ji'i̱ Lebeo nu lo'o ndu'ni ngu' Tadeo ji'i̱;

SAN MATEO 13:55

La cui' sñi' cuityi yaca laca yu re. ¿Ha si'i? Lo'o María laca xtya'a̱ yu; lo'o Jacobo, lo'o José, lo'o Simón, lo'o Judas, ngu' bi' laca tya'a yu re.

SAN MATEO 27:61

Lo'o jua'a̱ nga'a̱ María Magdalena lo'o nu chaca María, nga'a̱ ngu' cacua ti to' cuaá bi'.

SAN MATEO 28:1

Nu lo'o cua ndye tsa̱ nu ndi'i̱ cña' ngu', cua quixee ti tsa̱ clyo ji'i̱ semana, li' ndyaa María Magdalena lo'o nu chaca María bi', cha' nti' ngu' ña'a̱ ngu' su nguatsi' jyo'o Jesús.

SAN MARCOS 15:47

Lo'o María Magdalena, lo'o María xtya'a̱ José ni, na'a̱ ngu' su nguatsi' jyo'o Jesús.

SAN MARCOS 16:1

Nu lo'o cua ndye tsa̱ nu ndi'i̱ cña' ngu' judío, li' nu María Magdalena lo'o María xtya'a̱ Jacobo lo'o Salomé ni, ndyaa ngu' ngüi'ya ngu' setye tyixi xtyi'i; tsaa lo'o ngu' ji'i̱ setye bi', cha' ta'a̱ setye bi' ña'a̱ tsaca chu̱' jyo'o bi' nti' ngu'.

SAN MARCOS 16:9

La cui' tsa̱ clyo ji'i̱ semana ngua bi' lo'o ndyu'ú Jesús chaca quiya'. Clyo ndyu'u tucua yu slo María Magdalena. Tya tsubi' la cua ngua'ni yu jo'o ji'i̱ nu María bi', cua ngulo yu cati tya'a cui'i̱ cuxi nu ngusñi ji'i̱ nu cuna'a̱ bi'.

SAN LUCAS 19:3

Cua nti' yu tyuloo yu ji'i̱ Jesús, pana ná nchca ña'a̱ yu ji'i̱ cha' quiña'a̱ tsa ñati̱ ndi'i̱. Lo'o Zaqueo ni, sata' ti yu.

SAN LUCAS 23:49

Pana ndyanu lcaa ngu' tya'a tso'o Jesús ca su ndu̱ crusi, jua'a̱ nu cuna'a̱ nu cua ndya'a̱ lo'o yu nu lo'o nguxana ti cña ji'i̱ yu nde Galilea, ndyanu ngu' bi' tyijyu' ti ña'a̱ cui'ya ngu' cha' nu ndyaca bi'.

1 CORINTIOS 9:5

Lo'o jua'a̱ taca caja clyo'o na' lo'o sca nu cuna'a̱ nu tya'a ngusñi na' cha' ji'i̱ Jesús, cha' tya'a̱ lo'o na' ji'i̱ tyucui̱i̱ lcaa su ndya'a̱ na' tyijyu', ni na' ji'i̱ ngu' bi'. Jua'a̱ ndu'ni tya'a ndya'a̱ na' cña, masi tya'a ycui' nu Xu'na na, masi Pedro, ntsu'u clyo'o ngu' bi'.

GÁLATAS 1:19

Ná na'a̱ na' ji'i̱ xa' tya'a ngu' nu ngua tsa'a̱ ji'i̱ Cristo tya clyo ca bi'; sca ti yu Jacobo tya'a Jesús nu Xu'na na, bi' nu cua na'a̱ na' ji'i̱.

SANTIAGO 1:1

Santiago laca na' nu nscua̱ quityi re cha' ca̱a̱ ca su ndi'i̱ cu'ma̱, ñati̱ ji'i̱ ycui' Ndyosi nu ndyaa ma̱ tyucui ña'a̱ chalyuu. Cña laca na' cuentya ji'i̱ ycui' Ndyosi, la cui' jua'a̱ laca na' cña ji'i̱ Jesucristo nu Xu'na na. Cua nti' na' chcui' na' xlyo ni'i̱ lo'o lcaa ma̱ lo'o tya'a ma̱.