SAN MARCOS 15:16 - Chatino Tataltepec

¹⁶ Ndyaa lo'o sendaru ji'i̱ Jesús nde ne' ni'i̱ su ntucua ngu' nu laca loo bi', lo'o jua'a̱ ndyu'u ti'i̱ ña'a̱ lcaa sendaru nu ntsu'u cajua.

SAN MARCOS 15:16 ပူးပေါင်းရင်းမြစ်များ

SAN MATEO 26:3

La cui' tyempo nu nchcui' Jesús, li' ndyu'u ti'i̱ tyu̱u̱ tya'a sti jo'ó nu laca loo lo'o mstru cha' jo'ó lo'o ngu' cusu' ji'i̱ ngu' judío; ndyu'u ti'i̱ ngu' slo Caifás nu laca xu'na lcaa sti jo'ó jua.

SAN MARCOS 15:17

Li' nguxacu' ngu' ji'i̱ Jesús lo'o sca late' cuaa ña'a̱. Ngüixi̱i̱ ngu' lti quiche' chu̱' tya'a cha' caca sca sne', ngusta ngu' sne' bi' hique Jesús.

SAN JUAN 18:28

Li' ngutu'u ngu' slo Caifás, ndyaa lo'o ngu' ji'i̱ Jesús ca su ndi'i̱ nu gobernador romano nu naa Pilato. Cua cuxee ti ndyaca li', bi' cha' ná ntaja'a̱ nu ngu' judío bi' tyatí̱ ngu' ne' ni'i̱ ji'i̱ gobernador; tacati tsa ndu'ni ngu' bi' xqui'ya ta'a. Ngua ti' ngu' cha' quiñu'u̱ cha' ji'i̱ ngu' si tyatí̱ ngu' ne' ni'i̱ ji'i̱ ngu' xa' tsu', cha' ná ntsu'u chacuayá' cacu ngu' si̱i̱ ta'a bi' li';

SAN JUAN 18:33

Li' nguxtyu̱u̱ Pilato ndyaa toni'i̱ ji'i̱, ngusi'ya ji'i̱ Jesús cha' tya̱a̱ slo: ―¿Ha nu'u̱ laca rey nu laca loo ji'i̱ ngu' judío? ―nacui̱ Pilato ji'i̱ Jesús.

SAN JUAN 19:2

Ngüiñá ngu' sendaru sca sne' quiche' cha' sta ngu' hique Jesús, li' nda ngu' sca late' cuaa ña'a̱ cha' cacu' yu, ñi'ya̱ ña'a̱ si laca yu rey.

SAN JUAN 19:9

Xa' nguxtyu̱u̱ Pilato ndyaa nde ni'i̱ ji'i̱, nchcuane ji'i̱ Jesús: ―¿Macala ngutu'u nu'u̱ lijya̱? Ná nguxacui̱ Jesús cha' ji'i̱ tsiya' ti li'.

LOS HECHOS 10:1

Ndi'i̱ sca nu qui'yu nu naa Cornelio ca quichi̱ Cesarea; laca Cornelio capitán ji'i̱ sca latya ngu' sendaru nu nacui̱ ngu' cha' latya Italiano laca ngu'.