SAN MARCOS 15:14 - Chatino Tataltepec

¹⁴ ―¿Ni cha' laca cha' nti' ma̱ cha' cujuii na' ji'i̱ yu re? ―nacui̱ Pilato ji'i̱ ngu'―. ¿Ni qui'ya ntsu'u ji'i̱ yu? Lye la nxi'ya lo'o ngu' ji'i̱ Pilato li': ―Cujuii clya ji'i̱ yu lo crusi.

SAN MARCOS 15:14 ပူးပေါင်းရင်းမြစ်များ

SAN MATEO 27:19

Tya nga'a̱ lcaa ñati̱ bi' slo Pilato, lo'o jua'a̱ tya ntucua ycui' yu lo yaca xlya cña su ndu'ni cuayá' yu ji'i̱ ñati̱. Li' ndyalaa sca msu slo yu, ya̱a̱ lo'o sca cha' nu cua nchcui' clyo'o Pilato bi': “Ná sca cha' cua'ni nu'u̱ lo'o nu qui'yu nu lubii tyiquee jua”, nacui̱ nu cuna'a̱ bi' ji'i̱ Pilato. “Lye tsa ngua ti' na' tyucui talya cuentya ji'i̱ yu bi'. Cua nchcui' tsa xcalá na' xqui'ya yu bi'.”

SAN MATEO 27:4

―Ntsu'u qui'ya 'na ―nacui̱ Judas bi' ji'i̱ ngu' nu laca loo―, cha' cua ndyujui' na' ji'i̱ sca ñati̱ lubii ji'i̱ ma̱, cha' cujuii ma̱ ji'i̱ ―nacui̱. Li' nguxacui̱ ngu' nu laca loo bi' cha' ji'i̱ Judas: ―¿Ha cha' ji'i̱ cua laca cha' bi'? ―nacui̱ ngu' nu laca loo bi'―. Si ntsu'u qui'ya jinu'u̱, cha' jinu'u̱ laca bi'.

SAN MATEO 27:54

Lo'o nu sendaru nu nga'a̱ cua̱ ji'i̱ Jesús bi', lo'o nu capitán ji'i̱ sendaru bi', ngulacua tsa ti' ngu' bi' li'; tlyu tsa cha' ndyutsi̱i̱ ti' ngujui ji'i̱ ngu' bi' lo'o na'a̱ ngu' ñi'ya̱ ngua cha' bi', ñi'ya̱ ngua lo'o ngulacui̱ chalyuu. ―Chañi tsa cha' Sñi' ycui' Ndyosi laca jyo'o re ―nacui̱ nu ngu' sendaru bi'.

SAN MARCOS 15:13

Cui̱i̱ ngusi'ya ngu' ji'i̱ Pilato li': ―Cujuii clya ji'i̱ yu lo crusi ―nacui̱ ngu' ji'i̱.

SAN MARCOS 15:15

Lo'o li' ngua'ni lyaá Pilato ji'i̱ Barrabás cha' tyaala' tyiquee nu ngu' quiña'a̱ bi'. Lo'o lye ngujui'i̱ sendaru ji'i̱ Jesús lo'o reta, li' ngulo Pilato cña ji'i̱ sendaru cha' tyaa lo'o ngu' ji'i̱ Jesús cha' cujui'i̱ ca'a̱ ngu' ji'i̱ lo crusi.

SAN LUCAS 23:21

Cui̱i̱ la nguxacui̱ nu quiña'a̱ tsa ñati̱ bi' cha' ji'i̱ Pilato li': ―¡Cujui'i̱ ca'a̱ clya ji'i̱ yu lo crusi cha' cajaa yu! ―nacui̱ ngu'―. ¡Cujui'i̱ ca'a̱ clya ji'i̱ yu lo crusi! ―nacui̱ ngu' quiña'a̱ bi' li'.

SAN LUCAS 23:4

Li' nacui̱ Pilato ji'i̱ ngu' sti jo'ó nu laca loo lo'o ji'i̱ xa' la ngu' nu ndya'a̱ lo'o: ―Ná nquije ni sca cha' cuxi 'na cha' sta na' qui'ya ji'i̱ yu re ―nacui̱ Pilato.

SAN LUCAS 23:41

Liñi tsa ntsu'u cha' nchcube' ngu' ji'na, cha' bi' laca caya' ji'i̱ cha' cuxi nu ngua'ni na; pana nu ñati̱ re ni, ná ntsu'u cha' cuxi nu ngua'ni yu.

SAN LUCAS 23:47

Lo'o na'a̱ nu capitán ji'i̱ sendaru romano ñi'ya̱ ngua cha' bi', li' ngua'ni tlyu ji'i̱ ycui' Ndyosi. Ndi'ya̱ nchcui' li': ―Chañi cha' ná ntsu'u qui'ya ji'i̱ jyo'o re tsiya' ti ―nacui̱ nu capitán ji'i̱ sendaru bi'.

SAN JUAN 18:38

Li' nchcui' Pilato lo'o Jesús: ―Ná jlo ti' na' si ntsu'u cha' liñi jua'a̱ nde chalyuu ―nacui̱. Li' ngutu'u Pilato nde liya', ndyaa nde su ndu̱ nu ngu' judío bi' chaca quiya'. ―Cuentya jna', ná ntsu'u qui'ya ji'i̱ yu jua, ná ntsu'u cha' xcube' na' ji'i̱ yu ―nacui̱ Pilato ji'i̱ ngu' judío―.

SAN JUAN 19:6

Lo'o sti jo'ó nu laca loo lo'o msu ji'i̱ ngu' ni, cui̱i̱ ngusi'ya lo'o ngu' ji'i̱ Pilato lo'o na'a̱ ngu' ji'i̱ Jesús lijya̱. ―¡Cujuii clya ma̱ ji'i̱ yu! ¡Cujuii clya ma̱ ji'i̱ yu jua! ―nacui̱ ngu' ji'i̱. Nchcui' Pilato lo'o ngu' li': ―Ycui' ca ma̱ yaa lo'o ma̱ ji'i̱ yu cha' cujui'i̱ ca'a̱ ma̱ ji'i̱ lo crusi ―nacui̱ Pilato ji'i̱ ngu'―. Cuentya jna' ná ntsu'u qui'ya ji'i̱ yu.

LOS HECHOS 13:28

Masi ná ntsu'u qui'ya ji'i̱ Jesús tsiya' ti, ngüijña ngu' ji'i̱ gobernador, la cui' nu Pilato bi', cha' culo cña ji'i̱ ngu' cha' cujuii ngu' ji'i̱ Jesús.

LOS HECHOS 19:34

Pana nu lo'o ngua tii ngu' cha' lo'o Alejandro laca ngu' judío, lye la nxi'ya lo'o ngu' li'. Ndye tucua hora nu xcui' ngusi'ya lo'o ti nu ngu' quiña'a̱ bi' ji'i̱ tya'a ngu' ndi'ya̱: ―Tlyu tsa xtya'a̱ na jo'ó Diana, bi' laca jo'ó ji'i̱ lcaa ngu' Efeso tya'a na ―ndu'ni ngu'.

HEBREOS 7:26

Xñi na cha' ji'i̱ Jesús lacua; bi' laca sti jo'ó nu laca loo la, nu chañi cha' taca xtyucua ji'na. Ñati̱ lubii tsiya' ti laca Ni, cha' ná ntsu'u cha' cuxi, ná ntsu'u qui'ya ji'i̱ Ni. Xa' ña'a̱ laca Jesús, nu ná nda ycui' Ndyosi chacuayá' cha' tyanu yu slo ñati̱ chalyuu nu ndu'ni tsa cha' cuxi; cua nda Sti yu su tyucua yu la cui' su tlyu ca su ntucua ycui' Ndyosi Sti yu.

1 PEDRO 1:19

Nu lo'o ngujuii Cristo lo crusi lo'o ndyalú tañi ycui', li' nda Ni caya' loo qui'ya nu ntsu'u ji'na, cha' ngua Cristo ñi'ya̱ nti' sca msta̱ lu'ú nu xcui' na tso'o, nu xcui' na lubii; lo'o nu tañi ycui' Cristo bi' ni, bi' laca caya' nu ngua'ni lyaá ji'na.