SAN MARCOS 14:5 - Chatino Tataltepec

⁵ ¿Ni cha' ná ndyujui' ji'i̱ cha' caja xi cñi cha' ta ji'i̱ ngu' ti'i? Sna siyento cñi plata nga'a̱ tsa lo cua setye tyixi xtyi'i bi' ―nacui̱ ngu' ji'i̱ tya'a ngu'. Lye tsa nchcui' ngu' lo'o nu cuna'a̱ bi' li'.

SAN MARCOS 14:5 ပူးပေါင်းရင်းမြစ်များ

SAN MATEO 18:28

Tyucui̱i̱ nde su ndyaa yu, li' ndyacua tya'a yu lo'o tya'a msu yu nu ndacui xti ti cñi ji'i̱ yu. Hora ti ngusñi yu yane tya'a, tyaala tsa ngua'ni yu ji'i̱ tya'a msu yu. “¿Ni hora tya nu'u̱ cñi nu ndacui nu'u̱ 'na?” nacui̱ yu ji'i̱ tya'a msu yu.

SAN MATEO 20:11

Ñasi̱' xi msu nu nguxana cña tya tlya li'.

SAN MATEO 26:9

Quiña'a̱ tsa nga'a̱ setye bi'. ¿Ni cha' ná ndyujui' ngu' ji'i̱ cha' caja cñi ta ji'i̱ ngu' ti'i? ―nacui̱ ngu' nu ndyaca tsa'a̱ ji'i̱ bi'.

SAN MARCOS 14:4

Bi' cha' ngua ñasi̱' xi ñati̱ tya'a ndyacu ngu' nu lo'o na'a̱ ngu' cha' bi': ―¿Ni cha' ngusalú nu cuna'a̱ setye cua jua'a̱ ti? ―nacui̱ ngu'―.

SAN MARCOS 14:6

―Nga'aa chcui' lye ma̱ lo'o nu cuna'a̱ re ―nacui̱ Jesús ji'i̱ ngu'―. Ná cua'a ma̱ ji'i̱. Tso'o tsa cña nu ngua'ni nu cuna'a̱ re cuentya jna'.

SAN LUCAS 15:2

Bi' cha' nguxana ngu' fariseo, lo'o jua'a̱ ngu' mstru cha' jo'ó, ngusta ngu' qui'ya ji'i̱ Jesús: ―Ndiya ti' yu re cua'ni tya'a yu lo'o ngu' cuxi jua. Stu'ba ti ndacu yu tyaja lo'o ngu' cuxi ―nacui̱ ngu' bi'.

SAN JUAN 13:29

La cui' Judas laca nu laca loo ji'i̱ cujui̱ cñi nu tsa tlyu ntsu'u cñi ji'i̱ lcaa ngu' bi'; bi' cha' ntsu'u ngu' nu ngua ti' cha' cua ngulo Jesús cña ji'i̱ cha' tsaa cui'ya sca na nu cua'nijo'o ji'i̱ ngu' cha' caca ta'a; jua'a̱ ngua ti' xa' la ngu' cha' ntsu'u cña ji'i̱ Judas cha' tsaa ta msta̱ ji'i̱ ngu' ti'i.

SAN JUAN 6:43

Li' nguxtyacui Jesús cha' lo'o ngu': ―Nga'aa chcui' tsa ma̱ lo'o tya'a ma̱ ji'i̱ cha' nu nda na' lo'o ma̱ tsa̱ ―nacui̱―.

SAN JUAN 6:7

Lo'o li' nguxacui̱ Felipe cha' ji'i̱ yu: ―Ná tyu'u scua tucua mil paxu cha' cui'ya na na cacu lcaa ngu' re, masi xca ti caja xi cacu scaa ngu' ―nacui̱.

1 CORINTIOS 10:10

La cui' ti cha' ná ntsu'u cha' chcui' cuxi na ji'i̱ ycui' Ndyosi. Cua ntsu'u xi jyo'o cusu' bi' nu ngua'ni ngu' jua'a̱, lo'o li' ndye ngu' ndyujuii Ni ji'i̱ ngu' bi', cha' nda Ni sca xca̱ lijya̱ nu ndyujuii ji'i̱ ngu' bi'.

EFESIOS 4:28

Cu'ma̱ nu nguaana ma̱ na nu ntsu'u ji'i̱ ñati̱ tya tsubi' la, nga'a̱ cha' xtyanu ma̱ cña bi' ji'i̱ ma̱, clyana ma̱ cña tso'o la nu cua'ni ycui' ma̱; tso'o la si cua'ni ma̱ cña lo'o ya' ycui' ma̱, cha' jua'a̱ caja xi ñi'ya̱ nu xtyucua ma̱ ji'i̱ tya'a ma̱ nu lyiji tsa ji'i̱.

FILIPENSES 2:14

Lcaa lo cña nu cua'ni ma̱ ni, ná caca chi̱i̱ nti' ma̱ ña'a̱ ma̱ ji'i̱ ngu' lo'o ndyu'ni ma̱ cña bi', ná xlyú ma̱ cha' hichu̱' ngu',

JUDAS 1:16

Nu ngu' cuiñi bi' ni, xcui' na chi̱i̱ nti' ngu' bi' ndi'i̱ ngu' chalyuu; ná sca na ná ndiya ti' ngu' bi' tsiya' ti, cha' chiya'a̱ ti nchcui' ngu' ji'i̱ lcua ti cha'. Xcui' ndiya la ti' ngu' bi' lcaa lo cha' cuxi nu ntsu'u tyiquee ngu' ji'i̱. Lye tsa nchcui' tyucuaa ti' ngu' bi' lo'o tya'a ngu', pana xcui' tso'o tsa nchcui' ngu' bi' ji'i̱ ñati̱ si xtyucua ngu' ji'i̱ ngu' bi' lo'o sca cña cuxi.