SAN MARCOS 14:44 - Chatino Tataltepec

⁴⁴ Judas nu cua ta ti ji'i̱ Jesús ya' ngu' cuxi bi' ni, cua nchcui' lo'o nu ngu' tyaala bi' cua tsa̱ la, ñi'ya̱ nu cua'ni: ―Chcuicha' na' ji'i̱ nu qui'yu bi', cuati cacu na' saca' yu ―nacui̱ Judas ji'i̱ ngu' tyaala―. Xñi ma̱ ji'i̱ hora ti, yaa lo'o clya ma̱ ji'i̱ yu bi' ―nacui̱.

SAN MARCOS 14:44 ပူးပေါင်းရင်းမြစ်များ

SAN MATEO 26:46

tyatu̱ ma̱ cha' tyaa na, cha' cua ndyalaa yu nu ta 'na ya' ngu' cuxi bi'.

SAN MARCOS 14:43

Laja lo'o nchcui' Jesús, li' ndyalaa nu Judas bi' slo, la cui' tya'a ngu' nu ndyaca tsa'a̱ ji'i̱ Jesús laca nu Judas bi'. Quiña'a̱ tsa ngu' tyaala ndya'a̱ ngu' lo'o Judas, ñati̱ nu cua ngulo ngu' tisiya cña ji'i̱ cha' ca̱a̱ ca̱qui'ya ngu' ji'i̱ Jesús; lo'o maxtyi cusu̱u̱, lo'o yaca ndyi'ya ngu' lijya̱ ngu'. Sti jo'ó nu laca loo, lo'o mstru cha' jo'ó, lo'o ngu' cusu', bi' laca nu ngulo cña ji'i̱ ngu' tyaala bi'.

SAN MARCOS 14:45

Bi' cha' lijya̱ Judas bi' juani, ndyaa ca su ndu̱ Jesús cha' chcuicha' ji'i̱ yu. ―Nde ti ndu̱ nu'u̱, mstru ―nacui̱ Judas. Ndyacu Judas saca' Jesús li'.

LOS HECHOS 16:23

Quiña'a̱ tsa quiya' ngujui'i̱ yaca ngu' ji'i̱ ngu' bi', li' ngusu'ba ngu' ji'i̱ ngu' bi' ne' chcua̱. Lo'o jua'a̱ ngulo ngu' cña ji'i̱ ngu' nu nga'a̱ cua̱ to' ni'i̱ chcua̱ cha' tso'o tsa ña'a̱si̱i̱ ngu' ji'i̱ ngu' bi'.

FILIPENSES 1:28

Lo'o ndu'ni ma̱ jua'a̱, li' nga'aa ntsu'u cha' cutsi̱i̱ ma̱ ji'i̱ ngu' tya'a cusu̱u̱ ma̱, cha' taca ca cuayá' ti' ngu' cha' cua nscua cha' cuityi̱ ycui' Ndyosi ji'i̱ lcaa ñati̱ cuxi. Pana cu'ma̱ ni, cua ngulaá ma̱ ji'i̱ nu cuxi bi'; ycui' Ndyosi ndu'ni cha' taca tyiji̱loo ma̱ ji'i̱ ñati̱ cuxi bi'.

2 TESALONICENSES 3:17

Xlyo ni'i̱ ji'i̱ ma̱. Pablo laca na' lo'o ycui' na' nscua na' letra juani, cha' caca cuayá' ti' ma̱ cha' chañi cha' quityi nu nguscua na' lijya̱ slo ma̱ laca quityi re.