SAN MARCOS 14:41 - Chatino Tataltepec

⁴¹ Xa' ndyaa Jesús li'. La cui' jua'a̱ sna quiya' ñaa Jesús su ndi'i̱ ngu'. ―¿Tya laja' ma̱? ¿Tya ntsiya cña' ma̱? ―nacui̱ Jesús ji'i̱ ngu'―. Cuayá' juani, cua ndyalaa hora nu tyaa lo'o ngu' jna' nu cua nda Ni 'na lijya̱a̱ cha' caca na' ñati̱. Cua ta ti ñati̱ jna' ya' ngu' xña'a̱ juani.

SAN MARCOS 14:41 ပူးပေါင်းရင်းမြစ်များ

SAN MATEO 26:2

―Jlo ti' ma̱ cha' tucua ti tsa̱ lyiji cha' caca ta'a si̱i̱ ji'i̱ ta'a pascua, lo'o li' tejeya' ngu' xña'a̱ jna' nu cua nda Ni 'na lijya̱a̱ cha' caca na' ñati̱. Tyaa lo'o ngu' 'na cha' cujuii ngu' 'na lo crusi li'.

SAN MARCOS 14:10

Lo'o Judas Iscariote ni, la cui' tya'a ngu' nu ndyaca tsa'a̱ ji'i̱ Jesús laca bi'. Li' ndu'u nu Judas bi' ndyaa slo sti jo'ó nu laca loo, cha' cujui' cresiya ji'i̱ Jesús ji'i̱ ngu' bi'.

SAN MARCOS 14:18

Laja lo'o nga'a̱ ngu' ndyacu ngu', li' nchcui' Jesús lo'o ngu': ―Chañi cha' nu nchcui' na' lo'o ma̱ ―nacui̱ Jesús―; ntsu'u tsaca cu'ma̱ nu stu'ba ti ndyacu lo'o na juani, nu cua cujui' ti cresiya 'na ji'i̱ ngu' xña'a̱.

SAN MARCOS 14:35

Tya ndyaa Jesús la xi ca nde bi' la, ndyatu̱ sti̱' yu lo yuu ti, ngüijña yu ji'i̱ ycui' Ndyosi si caja ñi'ya̱ nu caca cha' ná tyacua cha' cuxi ji'i̱ yu.

SAN MARCOS 14:40

Li' ñaa yu chaca quiya' slo ngu' bi'; pana xa' laja' ngu' bi', cha' lye tsa ndyu'u xcalá ngu'. Li' nga'aa jlo ti' ngu' ñi'ya̱ xacui̱ ngu' cha' ji'i̱ yu.

SAN MARCOS 14:42

Tyatu̱ ma̱, cha' tyaa na lacua, cha' cua ndyalaa yu nu cua ndyujui' cresiya jna' ji'i̱ ngu' xña'a̱.

SAN MARCOS 7:9

Lo'o li' xa' nchcui' yu lo'o ngu' bi': ―Tso'o tsa nti' ma̱ cha' nguxtyanu ma̱ cña nu ngulo ycui' Ndyosi ji'na; ndulo la cha' nu ngulu'u jyo'o cusu' ji'na, nti' ma̱ ―nacui̱ Jesús―.

SAN MARCOS 9:31

cha' nti' Jesús culu'u la ji'i̱ nu ngu' nu ndyaca tsa'a̱ ji'i̱ laja lo'o ndya'a̱ ycui' ti ngu'. ―Ntsu'u sca ñati̱ nu cujui' cresiya 'na ji'i̱ ngu' tisiya cha' cua'ni cuxi ngu' lo'o na', masi cua nda Ni 'na lijya̱a̱ cha' caca na' ñati̱ ―nacui̱ Jesús ji'i̱ ngu'―. Cujuii ngu' bi' jna' li'. Pana lo'o tyu'u scua sna tsa̱ tya lo'o cua ndyujuii ngu' 'na, li' tyu'ú na' chaca quiya' ―nacui̱ Jesús.

SAN JUAN 12:23

Lo'o li' nda Jesús sca cha' lo'o ngu': ―Cua ndyalaa hora cha' caca tlyu ycui' na' lo'o cajaa na', na' nu cua lijya̱a̱ chalyuu cha' caca̱ ñati̱ ―nacui̱ Jesús―.

SAN JUAN 12:27

Tya nchcui' la Jesús lo'o ngu' li': ―Quiña'a̱ tsa cha' nclyacua ti' na' juani. ¿Ha tso'o la si jña na' ji'i̱ ycui' Ndyosi Sti na' cha' cua'ni Ni cha' ná tyacua cha' cuxi re 'na? Si'i, ná chcui' na' jua'a̱. Cua ndyalaa hora 'na juani cha' caca lcaa cña nu nga'a̱ cha' caca 'na.

SAN JUAN 17:1

Lo'o ndye nchcui' Jesús cha' bi', li' nguxña'a̱ yu nde cua̱, lo'o jua'a̱ cui̱i̱ tsa nchcui' yu lo'o ycui' Ndyosi Sti yu: ―Chcui' na' lo'o nu'u̱, cha' nu'u̱ laca Sti na' ―nacui̱―. Cua ndyalaa hora 'na cha' caja̱a̱. Lo'o juani cua'ni nu'u̱ cha' caca tlyu la na', cha' laca na' Sñi' nu'u̱, cha' li' taca cua'ni na' cha' caca tlyu la ycui' nu'u̱.

SAN JUAN 7:30

Lo'o ndye nchcui' Jesús cha' bi', li' ndyalaa xi ngu' slo yu, ngua ti' ngu' cha' taya' ngu' ji'i̱ yu. Pana ni sca ngu' ná ndaya' ngu' ji'i̱ yu, cha' tya lyiji tyalaa tyempo ji'i̱ Ni cha' xñi ngu' ji'i̱ yu.

SAN JUAN 8:20

Nacui̱ Jesús jua'a̱ lo'o ngulu'u yu ji'i̱ ngu' ne' laa tonu, ntucua yu cacua ti su ndu̱ cñá' su cujui'i̱ ngu' cñi nu caca msta̱ ji'i̱ ngu' ne' laa. Lo'o ná tucui ngua'ni cha' tejeya' ji'i̱ Jesús, cha' tsaa lo'o ji'i̱ yu ni'i̱ chcua̱, cha' tya lyiji tyalaa tyempo ji'i̱ yu cha' xcube' ngu' xña'a̱ ji'i̱ yu.

LOS HECHOS 7:52

Cua nguxcube' jyo'o cusu' ji'na ji'i̱ lcaa jyo'o cusu' nu ngua tu'ba ji'i̱ ycui' Ndyosi cha' nchcui' Ni lo'o ñati̱ cua sa'ni. Cua ndyujuii ngu' bi' ji'i̱ jyo'o cusu' nu nguscua cha' ji'i̱ ycui' Ndyosi ndi'ya̱: “Tyalaa sca ñati̱ nde chalyuu re; xcui' lubii tsa cresiya ji'i̱ yu bi' caca”, nacui̱ jyo'o cusu' bi'. Lo'o jua'a̱ tsubi' ti cua ndyalaa la cui' ñati̱ nu nchcui' quityi cha' ji'i̱. Chiya'a̱ tsa ngua'ni ma̱ nu lo'o ndyujuii ma̱ ji'i̱ yu.