SAN MARCOS 14:30 - Chatino Tataltepec

³⁰ ―Chañi cha' nu nchcui' na' lo'o nu'u̱ ―nacui̱ Jesús ji'i̱ Pedro―. Ca ndyi sna quiya' chcui' nu'u̱ lo'o ñati̱ cha' ná nslo nu'u̱ 'na. Jua'a̱ cha' ta nu'u̱ lo'o ñati̱ nu lo'o bilya xi'ya ndye'e tucua quiya' talya ndyi.

SAN MARCOS 14:30 ပူးပေါင်းရင်းမြစ်များ

SAN MATEO 26:34

Li' nguxacui̱ Jesús cha' ji'i̱ Pedro bi': ―Cha' liñi cacha' na' jinu'u̱ juani ―nacui̱―, cha' nu lo'o bilya xi'ya ndye'e talya ndyi, sna quiya' chcui' nu'u̱ cha' ná nslo nu'u̱ 'na; jua'a̱ ñacui̱ nu'u̱ ji'i̱ ngu'.

SAN MARCOS 13:35

Jua'a̱ cu'ma̱ ni, tii ti ti' ma̱ tyi'i̱ ma̱ cha' ná jlo ti' ma̱ ni jacua' tya̱a̱ nu Xu'na ma̱, masi nde ngusi̱i̱, masi cla'be talya, masi hora nxi'ya ndye'e, masi lo'o cua nguxee chaca tsa̱.

SAN MARCOS 14:29

―Masi lcaa ngu' xtyanu ngu' jinu'u̱, pana nu na' ni, ná xtyanu na' jinu'u̱ tsiya' ti ―nacui̱ Pedro ji'i̱ Jesús li'.

SAN MARCOS 14:31

―Ná chcui' na' lo'o ñati̱ cha' ná nslo na' jinu'u̱ ―nacui̱ Pedro ji'i̱ Jesús―. Masi cujuii ngu' jinu'u̱, masi cua cujuii ti ngu' 'na, ná xacui̱ na' cha' ji'i̱ ñati̱ cha' ná nslo na' jinu'u̱ ―nacui̱. Lye tsa nchcui' Pedro, lo'o jua'a̱ lcaa tya'a ngu', stu'ba ti nchcui' ngu'.

SAN LUCAS 22:34

―Ndi'ya̱ nchcui' na' lo'o nu'u̱ juani, Pedro ―nacui̱ Jesús ji'i̱―, cha' nu lo'o tya lyiji xi'ya ndye'e talya juani, li' sna quiya' ñacui̱ nu'u̱ cha' ná nslo nu'u̱ 'na.

SAN JUAN 13:38

―¿Ha chañi hi̱ cha' tyaja'a̱ nu'u̱ cajaa cha' clyaá na'? ―nacui̱ Jesús ji'i̱―. Liñi tsa cha' nu ta na' lo'o nu'u̱ juani: Lo'o tya lyiji ti xi'ya ndye'e nde tlya, sna quiya' xacui̱ nu'u̱ cha' ji'i̱ ngu' cha' ná nslo nu'u̱ 'na.

SAN JUAN 18:17

Nacui̱ nu cuna'a̱ cua' nu ndu̱ toni'i̱ bi' ji'i̱ Pedro: ―¿Ha lo'o nu'u̱ ndyaca tsa'a̱ ji'i̱ yu jua lacua? ―nacui̱ nu cuna'a̱ bi' ji'i̱. ―Si'i na' ―nacui̱ Pedro.

1 CORINTIOS 10:12

bi' cha' tso'o si cube ti' ma̱ cha' ná tyu'utsu' ma̱ ji'i̱ tyucui̱i̱ nu liñi ca, si nti' ma̱ cha' tso'o ti tyi'i̱ cresiya ji'i̱ ma̱, cha' ná tyacua sca cha' cuxi ji'i̱ ma̱ tsiya' ti.