SAN MARCOS 14:23 - Chatino Tataltepec23 Li' ntejeya' Jesús ji'i̱ sca vaso vino, ndya yu xlya'be ji'i̱ ycui' Ni, nda yu vaso ji'i̱ ngu' cha' co'o ngu' li'. Ndyo'o lcaa ngu' vino bi' li'. အခန်းကိုကြည့်ပါ။ |
Si tacati tsa sca tsa̱ cuentya ji'i̱ tsaca ngu', bi' laca tsa̱ nu nga'a̱ cha' cua'ni chi̱ ngu' bi' loo ycui' Ndyosi lacua; lo'o jua'a̱ taca cua'ni chi̱ nu xa' la ñati̱ loo ycui' Ndyosi, masi ná ntsu'u cha' tacati ji'i̱ ngu' lo'o tsa̱ bi'. La cui' jua'a̱ ndyu'u cha' lo'o ñati̱ nu ná ntsi̱i̱ cacu cuaña' bi'; xqui'ya cha' ngusñi ngu' cha' ji'i̱ ycui' Ndyosi, bi' cha' ná ntsi̱i̱ ngu' bi'. Ndya ngu' xlya'be ji'i̱ ycui' Ni lo'o ndacu ngu' ji'i̱. Lo'o nu ntsi̱i̱ cacu cuaña' bi' ni, la cui' ti xqui'ya ycui' Ndyosi ntsi̱i̱ ngu' cacu ngu' ji'i̱; lo'o ngu' bi' ndya ngu' xlya'be ji'i̱ ycui' nu Xu'na na cha' nda Ni na cacu ngu'.
Lo'o ndyu'u ti'i̱ na stu'ba ti lo'o ngu' tya'a ngusñi na cha' ji'i̱ Jesús ndyi'yu na, lo'o jua'a̱ ndacu na li'; jua'a̱ ndu'ni na xqui'ya cha' ngulacua̱ Jesús ji'i̱ cha' bi' tya clyo. Bi' cha' clyo nda na tsa xlya'be ji'i̱ ycui' Ndyosi xqui'ya cña nu ngua'ni Jesús bi'. Lo'o ndyi'yu na vino bi', li' stu'ba ntsu'u cha' ji'na lo'o ycui' Jesús lo'o lcaa ngu' tya'a na, nu lo'o ntsu'u ti' na cha' cua ndyalu tañi ycui' Jesús lo'o ngujuii Ni lo crusi xqui'ya na. Lo'o ndacu na xlyá bi', la cui' jua'a̱ li', stu'ba ntsu'u cha' ji'na lo'o Jesús lo'o lcaa ngu' tya'a na, nu lo'o ntsu'u ti' na cha' nda Jesús ji'i̱ tyucui ña'a̱ ycui' ca cha' ngujuii Ni lo crusi xqui'ya na.