SAN MARCOS 14:11 - Chatino Tataltepec

¹¹ Tso'o tsa ntsu'u tyiquee nu ngu' tlyu bi' lo'o ndyuna ngu' cha' nu nchcui' Judas lo'o ngu', bi' cha' nacui̱ ngu' tlyu bi' ji'i̱ cha' ta ngu' cñi ji'i̱. Li' nclyana Judas ni hora caca ji'i̱ ta ji'i̱ Jesús ya' ngu' xña'a̱ bi'.

SAN MARCOS 14:11 ပူးပေါင်းရင်းမြစ်များ

SAN MATEO 26:14

Lo'o Judas Iscariote ni, tya'a ndya'a̱ yu lo'o nu chaca tii chaca tya'a ngu' nu ndyaca tsa'a̱ ji'i̱ Jesús, ndu'u yu ndyaa yu slo sti jo'ó nu laca loo li'.

SAN MATEO 26:15

―¿Ni tsa lo cñi ta ma̱ caya' 'na si culu'u na' tyucui̱i̱ ji'i̱ ma̱, cha' tsaa ma̱ tejeya' ma̱ ji'i̱ nu Jesús bi'? ―nacui̱ Judas ji'i̱ sti jo'ó bi'. Li' nda ngu' calaa tyii tya'a cñi plata ji'i̱ Judas bi'.

SAN MARCOS 14:10

Lo'o Judas Iscariote ni, la cui' tya'a ngu' nu ndyaca tsa'a̱ ji'i̱ Jesús laca bi'. Li' ndu'u nu Judas bi' ndyaa slo sti jo'ó nu laca loo, cha' cujui' cresiya ji'i̱ Jesús ji'i̱ ngu' bi'.

SAN MARCOS 14:12

Lo'o ngua tsa̱ clyo ji'i̱ ta'a nu ndacu ngu' xlyá nu ná lo'o scua̱ tiye' ndya' bi', tsa̱ bi' ndujuii ngu' xlya' cuañi' cha' cacu ngu' ta'a pascua. Li' nchcuane ngu' nu ndyaca tsa'a̱ ji'i̱ Jesús: ―¿Macala cua'ni cho'o ya na cha' cacu na si̱i̱ nu cuentya ji'i̱ ta'a pascua? ―nacui̱ ngu' ji'i̱ yu.

SAN LUCAS 22:3

Li' ndyatí̱ ycui' nu xña'a̱ nu naa Satanás ne' cresiya ji'i̱ Judas Iscariote, masi la cui' tya'a ngu' nu ndyaca tsa'a̱ ji'i̱ Jesús laca yu bi'.

1 TIMOTEO 6:10

Lo'o ntsu'u tsa tyiquee ñati̱ ji'i̱ cñi, bi' laca su̱u̱ quiña'a̱ tsa cha' cuxi. Ntsu'u ñati̱ nu tiji̱' tsa ti' ji'i̱ cñi, bi' cha' cua ngulochu̱' ngu' cha' ji'i̱ nu Xu'na na, cha' nga'aa taquiya' ngu' bi' cha' ji'i̱ Ni. Xñi'i̱ tsa ti' ndi'i̱ ngu' bi' li', cha' nchcube' ngu' ji'i̱ ycui' ca ngu'.

JUDAS 1:11

Tya'na tsa nu ngu' cuiñi bi'. Cua ngusñi ngu' tyucui̱i̱ cuxi nu ngulu'u jyo'o Caín ji'i̱ ñati̱; cua ndu'utsu' ngu' ji'i̱ tyucui̱i̱ tso'o cha' caja cñi ji'i̱ ngu' ñi'ya̱ ngua'ni jyo'o Balaam, nu lo'o ngusñi yu caya' cuentya ji'i̱ cña cuxi nu cua cua'ni ti yu nu ngua sa'ni. Ntsu'u cha' cajaa nu ngu' cuiñi bi' tsiya' ti, ñi'ya̱ cua ngujuii jyo'o Coré nu lo'o lye tsa ngusu̱u̱ tya'a yu lo'o ycui' nu Xu'na na.