SAN MARCOS 13:36 - Chatino Tataltepec

³⁶ Tii ti ti' ma̱ tyi'i̱ ma̱ lacua si tsiya' ca tyu'u tucua yu ca̱a̱ yu, cha' ná tyalaa ycui' nu Xu'na ma̱ laja lo'o laja' ti ma̱.

SAN MARCOS 13:36 ပူးပေါင်းရင်းမြစ်များ

SAN MATEO 25:5

Lo'o li' tyiquee' tsa ntajatya ngu' ji'i̱ nu cutsii bi'; ngua'ya tsa xcalá ngu', ngujua' ngu' li'.

SAN MARCOS 14:37

Li' ñaa Jesús chaca quiya' su nga'a̱ nu sna tya'a ngu'. Na laja' ti ngu' bi' li'. ―Simón ―nacui̱ yu ji'i̱ Pedro―, ¿ha laja' tsa nu'u̱? ―nacui̱―. ¿Ha ná nchca talo nu'u̱ ni sca hora tii ti nu'u̱ xi?

SAN MARCOS 14:40

Li' ñaa yu chaca quiya' slo ngu' bi'; pana xa' laja' ngu' bi', cha' lye tsa ndyu'u xcalá ngu'. Li' nga'aa jlo ti' ngu' ñi'ya̱ xacui̱ ngu' cha' ji'i̱ yu.

SAN LUCAS 21:34

’Cui'ya ma̱ cuentya, cua'a ma̱ ji'i̱ ycui' ca ma̱ cha' tii ti ti' ma̱ tyi'i̱ ma̱ lo'o tyalaa tsa̱ bi'; si culiji yu'u ti ma̱ chalyuu ji'i̱ ma̱ jua'a̱ ti lo'o ndya'a̱ tsa ma̱ calle, lo'o cu'bi ti ma̱, la cui' jua'a̱ si ntsu'u tyu̱u̱ tya'a cha' nu ndube tsa ti' ma̱ ji'i̱, ná caca tyi'i̱ ma̱ tii ti ti' ma̱ li'. Ñi'ya̱ ndyacu̱' sca lco'o,

SAN LUCAS 22:45

Ndye nchcui' Jesús lo'o ycui' Ndyosi Sti yu, li' nguxtyu̱u̱ yu ñaa yu slo nu ngu' nu ndyaca tsa'a̱ ji'i̱ yu. Li' nquije ngu' ji'i̱ yu, ndi'i̱ ngu' laja' ngu' cha' ndye juersa ji'i̱ ngu', cha' xñi'i̱ tsa ti' ngu'.

EFESIOS 5:14

Bi' cha' ndi'ya̱ nchcui' quityi cusu': Quee ti' cu'ma̱, cha' ñi'ya̱ laca si na laja' ma̱, si na ngujuii ma̱, jua'a̱ laca ma̱ xqui'ya qui'ya nu ntsu'u ji'i̱ ma̱. Nga'aa tyu'u cha' ji'i̱ ma̱ lo'o cha' cuxi, cha' li' taca ta Cristo xee nu tyu'ú ne' cresiya ji'i̱ ma̱. Jua'a̱ nscua lo quityi.