SAN MARCOS 13:32 - Chatino Tataltepec

³² ’Ni sca ñati̱ ná jlo ti' ni tsa̱ caca cha' bi', ni hora caca; masi xca̱ ji'i̱ ycui' Ndyosi, masi na' nu laca̱ nu sca ti Sñi' ycui' Ni, ná jlo ti' ya. Sca ti ycui' Ndyosi Sti na', jlo ti' Ni ni tsa̱ caca bi'.

SAN MARCOS 13:32 ပူးပေါင်းရင်းမြစ်များ

SAN MATEO 25:13

Tya nchcui' la xi Jesús lo'o ngu' li': ―Bi' cha' tii ti ti' tyi'i̱ ma̱ lcaa hora, cha' ná jlo ti' ma̱ ni tsa̱ ni hora ca̱a̱ na' chaca quiya', na' nu cua nda Ni 'na lijya̱a̱ cha' caca na' ñati̱.

SAN MATEO 25:19

’Tyiquee' ndyaa xu'na msu bi', lo'o li' ndyalaa yu to' tyi yu chaca quiya'. Li' ngusi'ya yu ji'i̱ ca ta'a msu bi', cha' ca̱a̱ ngu' slo, cha' ca cuayá' ti' ycui' ni cña ngua'ni ngu' lo'o cñi ji'i̱.

SAN MATEO 25:6

Cla'be talya tsiya' ti nguañi ngusi'ya sca ñati̱: “Cua lijya̱ cutsii juani”, nacui̱. “Tyu'u clya ma̱ nde liya' cha' tsaa ma̱ tyacua tya'a ma̱ lo'o yu, cha' tya̱a̱ lo'o ma̱ ji'i̱ nde ni'i̱.”

SAN MARCOS 13:31

Tye cha' ji'i̱ lcaa na nu ntsu'u nde cua̱, tye cha' ji'i̱ chalyuu, pana ná tye tsiya' ti cha' nu cua nchcui' na' lo'o ma̱, cha' xcui' cha' liñi laca cha' nu nchcui' na'.

LOS HECHOS 1:7

Nguxacui̱ Jesús cha' ji'i̱ ngu' bi' li': ―Ná ndyi'ya ma̱ chacuayá' cha' caca cuayá' ti' ma̱ ni tsa̱ caca, ni tyempo caca nu cua'ni ycui' Ndyosi cña. Sca ti ycui' Ndyosi Sti na' jlo ti' cha' bi', nguxtyanu tso'o Ni cha' ji'i̱.

2 PEDRO 3:10

Chañi cha' tyalaa tsa̱ bi' lo'o ca̱a̱ ycui' nu Xu'na na chaca quiya', pana ná jlo ti' na ni tsa̱ caca bi'. Ñi'ya̱ laca si cua ca̱a̱ ti sca nu cuaana to' tyi na lo'o ná jlo ti' na, jua'a̱ caca tsa̱ bi'. Cati̱ jua'a̱ ti lcaa na nu ntsu'u nde cua̱, lye tsa cañi cha' bi'; lo'o li' tye tsiya' ti tyaqui̱ lcaa na nu ntsu'u nde cua̱. Jua'a̱ tyucui ña'a̱ chalyuu ni, tye tsiya' ti li'.

APOCALIPSIS 1:1

Nde nscua na' cha' nu ngulu'u Jesucristo 'na. Juan laca na', lo'o nde nscua na' sca cha' nu ntsu'u yacu̱' ti tya sa'ni la. Tya clyo la cua nda ycui' Ndyosi cha' bi' lo'o Jesús cha' culu'u ji'i̱ ñati̱ ji'i̱ ycui' lcaa ña'a̱ cha' nu cua lijya̱ ti cha' caca nde chalyuu. Li' nda Jesús cha' bi' lo'o na', nu lo'o nda Ni sca xca̱ ji'i̱ Ni nu ngutu'u nde cua̱ ya̱a̱ ca slo na', cha' ndyu'ni na' cña ji'i̱ Ni.

APOCALIPSIS 3:3

Tyi'u ti' ma̱ cha' tso'o tsa ngusñi ma̱ cha' 'na nu lo'o ngulu'u ngu' cha' ji'i̱ ma̱ tya clyo; taquiya' ma̱ ji'i̱ cha' bi' chaca quiya', pana culochu̱' ma̱ cha' cuxi nu ndyu'ni ma̱ juani, nacui̱ Jesús. Si ná tyaja'a̱ ma̱ taquiya' ma̱ cha' 'na, li' tsiya' ca tyu'u tucua na' ca̱a̱ na' slo cu'ma̱, ñi'ya̱ nti' lijya̱ sca nu cuaana; ca̱a̱ na' cha' xcube' na' ji'i̱ ma̱ lo'o ná ca tii ma̱ ni hora laca nu ca̱a̱ na', nacui̱ Ni.