SAN MARCOS 13:30 - Chatino Tataltepec

³⁰ Chañi cha' nu nchcui' na' lo'o ma̱, cha' lo'o bilya tye cha' ji'i̱ lcaa ñati̱ nu lu'ú chalyuu juani, li' caca lcaa cha' nde chalyuu ñi'ya̱ nu ndacha' na' ji'i̱ ma̱ tsa̱.

SAN MARCOS 13:30 ပူးပေါင်းရင်းမြစ်များ

SAN MATEO 16:28

Cha' liñi nchcui' na' lo'o ma̱ juani, cha' ntsu'u ngu' nu tya ndu̱ lo'o na chalyuu re juani, nu lo'o tya lyiji cajaa ngu' ca cuayá' ti' ngu' cha' cua nguxana cha' laca na' loo ne' cresiya ji'i̱ ñati̱, na' nu cua nda Ni 'na lijya̱a̱ cha' caca na' ñati̱.

SAN MATEO 23:36

Cha' liñi nchcui' na' lo'o ma̱ juani, cha' bilya cajaa ma̱ lo'o tlyu tsa cha' cuxi caca ji'i̱ cu'ma̱ ngu' nasiyu̱ nde xqui'ya qui'ya nu ndyanu ji'i̱ ma̱.

SAN MATEO 24:34

Cha' liñi chcui' na' lo'o ma̱ juani, cha' bilya cajaa lcaa ñati̱ nu lu'ú chalyuu juani lo'o caca cha' nu cua nchcui' na' ji'i̱ tsa̱.

SAN MARCOS 13:29

Lo'o jua'a̱ caca cuayá' ti' ma̱ cha' cua tye ti lcaa cha'; nu lo'o ña'a̱ ma̱ tyu'u tucua lcua ti cha' nu cua ndacha' na' ji'i̱ ma̱ tsa̱, cua ca̱a̱ ti ycui' na' li'.

SAN MARCOS 13:31

Tye cha' ji'i̱ lcaa na nu ntsu'u nde cua̱, tye cha' ji'i̱ chalyuu, pana ná tye tsiya' ti cha' nu cua nchcui' na' lo'o ma̱, cha' xcui' cha' liñi laca cha' nu nchcui' na'.

SAN MARCOS 9:1

Tya nchcui' la Jesús lo'o ngu' li': ―Chañi cha' nu nchcui' na' lo'o ma̱ ―nacui̱ yu―, cha' ntsu'u ngu' nu tya ndu̱ lo'o na chalyuu re juani, nu ca cuayá' ti' cha' cua nguxana cha' laca ycui' Ndyosi loo ne' cresiya ji'i̱ ñati̱ chalyuu, nu lo'o tya lyiji cajaa ngu'. Tlyu tsa chacuayá' ntsu'u ji'i̱ Ni lo'o caca Ni loo li'.

SAN LUCAS 21:32

Chañi cha' nu nda na' lo'o ma̱ ―nacui̱ Jesús―, caca lcaa cha' bi' lo'o bilya tye cha' ji'i̱ ñati̱ nu lu'ú chalyuu juani.