SAN MARCOS 13:27 - Chatino Tataltepec

²⁷ Li' culo na' cña ji'i̱ quiña'a̱ tsa tya'a xca̱ ji'i̱ ycui' Ndyosi, cha' tsaa xca̱ bi', cha' xuti'i̱ se'i̱ ti ji'i̱ lcaa ñati̱ nu cua ngusubi ycui' Ni ji'i̱; tsaa xca̱ bi' lcaa su ndi'i̱ ñati̱ bi' tyucui ña'a̱ chalyuu.

SAN MARCOS 13:27 ပူးပေါင်းရင်းမြစ်များ

SAN MATEO 12:42

Lo'o caca cuayá' chalyuu ni, la cui' jua'a̱ tyatu̱ jyo'o reina nu ngua loo ji'i̱ ngu' nde Sur, cha' sta nu cuna'a̱ bi' qui'ya ji'i̱ cu'ma̱ nu lu'ú chalyuu juani. Li' chcui' ma' cusu' bi' ñi'ya̱ ngua lo'o ndyaa ycui' ma' slo jyo'o rey Salomón. Tyijyu' tsa quichi̱ tyi ma' reina bi'; pana cua ngujui cha' ji'i̱ ma' cha' ngua tsa ji'i̱ Salomón bi', cha' tso'o tsa cui̱i̱ nu nda yu. Bi' cha' ndyalaa ma' slo nu rey bi' cha' cuna ma' cui̱i̱ nu nda nu cusu' bi', masi xti la cha' ngulu'u jyo'o Salomón bi' que cha' nu nclyu'u na' ji'i̱ ma̱ juani. Tlyu la cha' ji'i̱ ycui' Ndyosi laca nu nclyu'u na' ji'i̱ ma̱ juani, pana ná nduna ma̱ tsiya' ti.

SAN MATEO 13:41

Tsa̱ bi', na' nu cua lijya̱a̱ cha' caca na' ñati̱, ta na' ji'i̱ xca̱ 'na cha' xuti'i̱ xca̱ bi' ji'i̱ lcaa ñati̱ nu ngulu'u qui'i̱ ji'i̱ tya'a cha' cua'ni ngu' cha' cuxi; tyu'u ti'i̱ lcaa ñati̱ nu cuxi tyiquee, cha' ná ntsu'u chacuayá' tyanu ngu' bi' ca su laca ycui' Ndyosi loo.

SAN MATEO 13:49

Lo'o jua'a̱ caca tsa̱ tlyu lo'o tye chalyuu; li' ca̱a̱ xca̱ ji'i̱ ycui' Ndyosi cha' sa'be tya'a xca̱ bi' ji'i̱ lcaa ñati̱, cha' ná stu'ba tyi'i̱ ngu' nu xña'a̱ tyiquee lo'o ngu' nu lubii tyiquee.

SAN MATEO 24:22

Pana cua nacui̱ ycui' nu Xu'na na cha' xti ti tsa̱ caca tyempo nu chcube' ngu' jua'a̱; si tyiquee' talo tyempo cuxi bi', nga'aa clyaá ni tsaca ñati̱ chalyuu li'. Pana tya'na ti' ycui' Ndyosi ña'a̱ Ni ji'i̱ ñati̱ ji'i̱ Ni, bi' cha' cua'ni Ni cha' xti ti tsa̱ caca tyempo cuxi bi'.

SAN MATEO 24:24

cha' Cristo cuiñi caca nu bi'. Lo'o jua'a̱ tyu'u tucua xi ngu' cuiñi nu chcui' cha' tu'ba ji'i̱ ycui' Ndyosi laca ycui' ca ngu', nu cuiñi ti cua'ni cha' tlyu cha' cube tsa ti' xa' ñati̱; cua'ni ngu' cuiñi bi' jua'a̱, cha' nti' ngu' cua'ni ngu' ngana ji'i̱ ma̱, lo'o jua'a̱ ji'i̱ lcaa ñati̱ nu cua ngusubi ycui' Ndyosi ji'i̱.

SAN MATEO 24:31

Nu lo'o lye cañi cui' chcua̱, li' culo na' cña ji'i̱ quiña'a̱ tsa tya'a xca̱ 'na cha' ca̱a̱ xca̱ bi', cha' xuti'i̱ se'i̱ ti ji'i̱ lcaa ñati̱ nu cua ngusubi ycui' Ni ji'i̱; macala su ndi'i̱ ngu' tyucui ña'a̱ chalyuu tyu'u ngu' ca̱a̱ ngu' li'.

SAN MARCOS 13:20

Pana cua nacui̱ ycui' nu Xu'na na cha' xtyi la tsa̱ caca tyempo nu chcube' ngu' ca li'. Si tyiquee' talo tyempo cuxi bi', nga'aa clyaá ni tsaca ñati̱ chalyuu li'. Pana xqui'ya cha' tya'na ti' ycui' Ni ji'i̱ ñati̱ ji'i̱ Ni, bi' cha' cua'ni Ni cha' xti ti tsa̱ caca tyempo cuxi bi'.

SAN MARCOS 13:22

Cristo cuiñi caca ngu' bi'. Lo'o jua'a̱ tyu'u tucua xi nu cuiñi nu chcui' cha' tu'ba ji'i̱ ycui' Ndyosi laca ycui' ca ngu'; cha' cuiñi ti cua'ni ngu' bi' cha' tlyu, cha' cube tsa ti' xa' ñati̱. Cua'ni ngu' cuiñi bi' jua'a̱, cha' tyiji̱loo ngu' ji'i̱ ma̱ nti' ngu', lo'o jua'a̱ ji'i̱ lcaa ñati̱ nu cua ngusubi ycui' Ndyosi ji'i̱.

SAN MARCOS 13:28

’Ntsu'u sca cha' nu ca tsa'a̱ na xi lo'o ña'a̱ na masi yaca quityi, masi yaca ntsati̱. Nu lo'o xana tyucua sati̱, li' caluu laca'; caca cuayá' ti' na li' cha' cua ngulala ti tyalaa ni tyo.

SAN LUCAS 16:22

Ndyalaa tsa̱ nu ngujuii nu ti'i bi'; lo'o nu xca̱ ji'i̱ ycui' Ndyosi ni, ndyaa lo'o ngu' ji'i̱ ca slo jyo'o cusu' Abraham, ca su tlyu nu ngua'ni cho'o ycui' Ndyosi. Lo'o jua'a̱ ngujuii nu culiya' bi', nguxatsi' ngu' ji'i̱ li'.

SAN LUCAS 18:7

Pana tso'o tsa tyiquee ycui' Ndyosi, yala ti xtyucua Ni ji'i̱ ñati̱ nu cua ngusubi Ni ji'i̱, nu tya'na tsa nxi'ya ji'i̱ Ni tsa̱ lo'o talya. ¿Ha tiya' tsa xtyucua Ni ji'i̱ ngu' nti' ma̱?

SAN JUAN 10:16

Tya ntsu'u la xa' ñati̱ 'na nu ndi'i̱ xa' quichi̱, nu ná stu'ba nga'a̱ lo'o taju ñati̱ re; nga'a̱ cha' tsa'a na' tsaqui'ya na' ji'i̱ ngu' bi', cha' lo'o ngu' bi' tya̱a̱ ngu' ca ne' lo'o re. Lo'o li' cuna ngu' cha' nu chcui' na' lo'o ngu'; caca ngu' sca ti taju ñati̱ 'na, lo'o jua'a̱ caca na' nu sca ti Xu'na ngu' ―nacui̱ Jesús―.

SAN JUAN 11:52

masi cajaa Jesús cuentya ji'i̱ lcaa ñati̱ lcua ti ña'a̱ chalyuu, cha' stu'ba ti caca tyiquee lcaa ñati̱ nu jlya ti' ji'i̱ ycui' Ndyosi, ngu' nu cua ngusubi ycui' Ndyosi ji'i̱ cha' caca ngu' sñi' Ni.

ROMANOS 8:33

Ná tucui taca sta qui'ya ji'na lacua, cha' cua laca ngusubi ycui' Ndyosi ji'na; ycui' Ndyosi laca nu cua ngulo yabe' ji'i̱ lcaa qui'ya nu ntsu'u ji'na.

COLOSENSES 3:12

Ñati̱ ji'i̱ ycui' Ndyosi laca cu'ma̱ lacua; na cua ngusubi Ni ji'i̱ ma̱, xqui'ya cha' ntsu'u tsa tyiquee Ni ña'a̱ Ni ji'i̱ ma̱. Bi' cha' ntsu'u cha' cua'ni tya'na ti' ma̱ ji'i̱ xa' ñati̱; tso'o ti cua'ni ma̱ lo'o ngu', ni ná cua'ni tyucuaa ti' ma̱ lo'o ngu', masi tiya' ti chcui' ma̱ lo'o ngu', jua'a̱ talo tsa tyiquee ma̱ ji'i̱ ngu'.

2 TESALONICENSES 2:1

Cu'ma̱ tya'a ngusñi na cha' ji'i̱ Jesús, jlo ti' na cha' tya ca̱a̱ Jesucristo nu Xu'na na chaca quiya', cha' tsalo'o Ni ji'na cha' tyacua tya'a na lo'o Ni ca bi'; bi' cha' liñi nchcui' ya lo'o ma̱ juani,

2 TIMOTEO 2:10

bi' cha' talo tyiquee na' ji'i̱ ngu', masi nchcube' tsa ngu' jna'. Talo na' ji'i̱ cha' cuxi bi' cuentya ji'i̱ ca ta'a ñati̱ nu ngusubi ycui' Ndyosi ji'i̱, cha' lo'o ñati̱ bi' ngua'ni lyaá Jesucristo ji'i̱, cha' caja chalyuu nu ná nga'a̱ cha' tye ji'i̱ ñati̱ bi'. Caca tyi'i̱ ngu' bi' ca slo ycui' Ndyosi su tso'o tsa ña'a̱ lcaa cha'.

1 PEDRO 1:2

Tya clyo la cua jlo ti' ycui' Ndyosi Sti na lcaa ña'a̱ cha' nu caca nde loo la, bi' cha' ngusubi ycui' Ni ji'i̱ ma̱. Lo'o juani ndyu'ni Xtyi'i ycui' Ndyosi cña cha' tyanu lubii cresiya ji'i̱ ma̱, cha' taquiya' ma̱ ji'i̱ ycui' Jesucristo; na cua ngujuii yu lo crusi xqui'ya cu'ma̱, ndyalú tañi yu cha' caja ñi'ya̱ caca lubii cresiya ji'i̱ ma̱. Lo'o juani nti' na' cha' ña'a̱ ti tya cua'ni ycui' Ndyosi cha' tso'o lo'o ma̱, cha' jua'a̱ ti̱ ti tyi'i̱ tyiquee ma̱ lcaa hora.