SAN MARCOS 13:23 - Chatino Tataltepec

²³ Cua ndacha' na' cha' bi' ji'i̱ ma̱ juani, nu tya lyiji caca cha' cuxi bi', cha' cui'ya ma̱ cuentya ñi'ya̱ caca cha' bi', cha' caca tii ti' ma̱ li'.

SAN MARCOS 13:23 ပူးပေါင်းရင်းမြစ်များ

SAN MATEO 24:25

Cua ndacha' na' cha' bi' ji'i̱ ma̱ juani, nu tya lyiji caca cha' cuxi bi',

SAN MATEO 7:15

’Lo'o chaca cha' ni: cua'ni tii ti' ma̱ ña'a̱ ma̱ ji'i̱ ngu' cuiñi nu nchcui' cuiñi ti cha' cuentya ji'i̱ ycui' Ndyosi nclu'u ngu' cha' ji'i̱ ma̱. Sca na'ni tso'o laca nu naa xlya'; lo'o nu ngu' cuiñi bi' ni, nti' ngu' cha' culacua ti' ma̱ cha' ñati̱ tso'o laca ngu' ñi'ya̱ laca xlya'. Tso'o tsa nchcui' ngu' bi' lo'o ma̱, tso'o tsa ndu'ni ngu' lo'o ma̱; pana cha' cuiñi laca nu nchcui' cha' tso'o tsa ngu' bi', cha' tyaala tsa ngu', cuiñi tsa ngu' bi'. Si'i ñi'ya̱ laca xlya' laca ngu' bi'; ñi'ya̱ laca sca bo'o nu tyaala tsa, jua'a̱ laca ngu' bi'.

SAN MARCOS 13:22

Cristo cuiñi caca ngu' bi'. Lo'o jua'a̱ tyu'u tucua xi nu cuiñi nu chcui' cha' tu'ba ji'i̱ ycui' Ndyosi laca ycui' ca ngu'; cha' cuiñi ti cua'ni ngu' bi' cha' tlyu, cha' cube tsa ti' xa' ñati̱. Cua'ni ngu' cuiñi bi' jua'a̱, cha' tyiji̱loo ngu' ji'i̱ ma̱ nti' ngu', lo'o jua'a̱ ji'i̱ lcaa ñati̱ nu cua ngusubi ycui' Ndyosi ji'i̱.

SAN MARCOS 13:24

Tya ngulu'u Jesús la xi cha' ji'i̱ ngu' li': ―Lo'o li' ―nacui̱ yu―, nu lo'o ndye nchcube' ñati̱, caca talya ña'a̱ xee cuichaa li', lo'o jua'a̱ nga'aa tyaca̱' xee co' li'.

SAN MARCOS 13:33

’Tii ti ti' ma̱ tyi'i̱ ma̱, cua'ni yala ma̱ lo'o ntajatya ti ma̱ ji'i̱ ycui' Ni, cha' ná jlo ti' ma̱ ni jacua' caca tsa̱ bi'.

SAN MARCOS 13:5

Ngulu'u la xi Jesús ji'i̱ ngu' li': ―Cui'ya ma̱ cuentya cha' ná tucui cñilo'o ji'i̱ ma̱ ―nacui̱ Jesús―.

SAN MARCOS 13:9

’Lo'o cu'ma̱ ni, tii ti ti' ma̱ tyi'i̱ ma̱ li' ―nacui̱ Jesús―. Tejeya' ñati̱ cuxi ji'i̱ ma̱, jua'a̱ sta ngu' qui'ya ji'i̱ ma̱ slo ngu' tisiya; quiji'i̱ ngu' bi' ji'i̱ ma̱, masi ca ne' laa ji'i̱ ngu'. Nga'a̱ cha' tsatu̱ ma̱ slo ngu' gobierno, slo ngu' nu laca loo; cuentya jna' cacha' ma̱ lcaa cha' tso'o jna' ji'i̱ ngu' bi'.

SAN LUCAS 21:34

’Cui'ya ma̱ cuentya, cua'a ma̱ ji'i̱ ycui' ca ma̱ cha' tii ti ti' ma̱ tyi'i̱ ma̱ lo'o tyalaa tsa̱ bi'; si culiji yu'u ti ma̱ chalyuu ji'i̱ ma̱ jua'a̱ ti lo'o ndya'a̱ tsa ma̱ calle, lo'o cu'bi ti ma̱, la cui' jua'a̱ si ntsu'u tyu̱u̱ tya'a cha' nu ndube tsa ti' ma̱ ji'i̱, ná caca tyi'i̱ ma̱ tii ti ti' ma̱ li'. Ñi'ya̱ ndyacu̱' sca lco'o,

SAN LUCAS 21:8

―Cui'ya ma̱ cuentya ―nacui̱ Jesús li'―, cha' ná tucui cñilo'o ji'i̱ ma̱. Quiña'a̱ tsa ngu' ca̱a̱ ngu' nu ñacui̱ cha' Cristo laca ycui' ca ngu': “Juani ndyalaa tyempo bi'”, ñacui̱ ngu' bi'. Pana ná xñi ma̱ cha' ji'i̱ ngu' bi'.

SAN JUAN 14:29

Jua'a̱ ni na' ji'i̱ ma̱ lo'o tya lyiji caca cha' bi'; pana lo'o cua ndya'a na', li' taca jlya ti' ma̱ cha' bi'.

2 PEDRO 3:17

Cu'ma̱ ngu' tya'a tso'o na ni, cua nguscua na' lcaa cha' bi' cha' ca tii ti' ma̱, cha' ná ta ma̱ chacuayá' ji'i̱ nu ngu' cuiñi bi' cha' culu'u ngu' ji'i̱ ma̱. Cha' liñi laca nu ngua tsa'a̱ ma̱ clyo, lo'o juani ná tso'o si taquiya' ma̱ ji'i̱ cha' cuiñi nu nclyu'u ngu' bi'; ná tso'o tya'a̱chu̱' ma̱ ji'i̱ cha' liñi bi' li'.