SAN MARCOS 13:20 - Chatino Tataltepec

²⁰ Pana cua nacui̱ ycui' nu Xu'na na cha' xtyi la tsa̱ caca tyempo nu chcube' ngu' ca li'. Si tyiquee' talo tyempo cuxi bi', nga'aa clyaá ni tsaca ñati̱ chalyuu li'. Pana xqui'ya cha' tya'na ti' ycui' Ni ji'i̱ ñati̱ ji'i̱ Ni, bi' cha' cua'ni Ni cha' xti ti tsa̱ caca tyempo cuxi bi'.

SAN MARCOS 13:20 ပူးပေါင်းရင်းမြစ်များ

SAN MATEO 24:22

Pana cua nacui̱ ycui' nu Xu'na na cha' xti ti tsa̱ caca tyempo nu chcube' ngu' jua'a̱; si tyiquee' talo tyempo cuxi bi', nga'aa clyaá ni tsaca ñati̱ chalyuu li'. Pana tya'na ti' ycui' Ndyosi ña'a̱ Ni ji'i̱ ñati̱ ji'i̱ Ni, bi' cha' cua'ni Ni cha' xti ti tsa̱ caca tyempo cuxi bi'.

SAN MARCOS 13:19

cha' lye tsa chcube' ngu' tsa̱ bi'. Ni sca quiya' bilya chcube' ñati̱ chalyuu jua'a̱, tya lo'o ngüiñá ycui' Ndyosi chalyuu. Lo'o jua'a̱ tyempo nu caca nde loo la, nga'aa chcube' ngu' chaca quiya' jua'a̱.

SAN MARCOS 13:21

’Ca nde loo la ndi'ya̱ chcui' nu ngu' cuiñi lo'o ma̱: “Ña'a̱ ma̱ ña'a̱, cua ndyalaa Cristo ca nde”, ñacui̱ ngu' cuiñi. Lo'o li': “Ña'a̱ ma̱ ña'a̱, cua ndyalaa Cristo quichi̱ jua”, ñacui̱ xa' la nu cuiñi li'. Ná taquiya' ma̱ ji'i̱ cha' nu chcui' ngu' bi'.