SAN MARCOS 13:11 - Chatino Tataltepec

¹¹ Ná cutsi̱i̱ ma̱ lo'o tejeya' ngu' ji'i̱ ma̱ cha' tsaa lo'o ngu' ji'i̱ ma̱ slo ngu' tisiya cha' caca cuayá' ji'i̱ ma̱ lo'o ngu' bi', ni ná culacua tsa ti' ma̱ ñi'ya cha' nu xacui̱ ma̱ ji'i̱ ngu' bi'; ta ycui' Ndyosi lcaa cha' nu nga'a̱ cha' chcui' ma̱ tsa̱ bi'. Nga'aa si'i ycui' ti ma̱ chcui' ma̱ li', cha' lo'o tyucui chacuayá' ji'i̱ Xtyi'i ycui' Ndyosi chcui' ma̱.

SAN MARCOS 13:11 ပူးပေါင်းရင်းမြစ်များ

SAN MATEO 10:17

Pana cua'ni tii ti ti' ma̱ lo'o ñati̱; ná tyiquee' tsaa lo'o ngu' ji'i̱ ma̱ slo ngu' tisiya, masi ná tyaala ma̱ ji'i̱ ngu'. Lo'o jua'a̱ quiji'i̱ ngu' ji'i̱ ma̱ ne' laa ji'i̱ ngu'.

SAN MARCOS 13:12

Cuxi tsa caca tyempo li'; cujuii cuañi' ñati̱ ji'i̱ tya'a ngu' cha' cujuii ngu' ji'i̱, jua'a̱ cujuii cuañi' ngu' ji'i̱ sñi' ngu'. Lo'o nu ngu' cuañi' ni, caca ñasi̱' ngu' ji'i̱ sti ngu', ji'i̱ xtya'a̱ ngu' li'; ta nu ngu' cuañi' bi' ji'i̱ sti ngu', ji'i̱ xtya'a̱ ngu' cha' cujuii ngu' cuxi ji'i̱.

SAN MARCOS 13:9

’Lo'o cu'ma̱ ni, tii ti ti' ma̱ tyi'i̱ ma̱ li' ―nacui̱ Jesús―. Tejeya' ñati̱ cuxi ji'i̱ ma̱, jua'a̱ sta ngu' qui'ya ji'i̱ ma̱ slo ngu' tisiya; quiji'i̱ ngu' bi' ji'i̱ ma̱, masi ca ne' laa ji'i̱ ngu'. Nga'a̱ cha' tsatu̱ ma̱ slo ngu' gobierno, slo ngu' nu laca loo; cuentya jna' cacha' ma̱ lcaa cha' tso'o jna' ji'i̱ ngu' bi'.

SAN LUCAS 21:12

’Lo'o cu'ma̱ ni, nu lo'o tya lyiji caca cha' bi', li' xñi ngu' ji'i̱ ma̱ cha' sca̱' ngu' ji'i̱ ma̱, ta ngu' cha' ti'í ji'i̱ ma̱, sta ngu' qui'ya ji'i̱ ma̱ su ndyu'u ti'i̱ ngu' ne' laa; lo'o jua'a̱ su'ba ngu' ji'i̱ ma̱ ne' chcua̱, tsaa lo'o ngu' ji'i̱ ma̱ slo rey, jua'a̱ slo xa' ngu' nu laca loo, xqui'ya cha' ngusñi ma̱ cha' 'na.

SAN JUAN 3:27

Li' nguxacui̱ Juan cha' ji'i̱ ngu' bi': ―Tsa lo cua ti cña nchca ji'i̱ scaa na cua'ni na, tsa ña'a̱ nu nda ycui' Ndyosi chacuayá' cua'ni scaa na ―nacui̱―.

LOS HECHOS 2:4

jua'a̱ ngua lo'o ndyanu Xtyi'i ycui' Ndyosi ne' cresiya ji'i̱ lcaa ngu' bi'. Li' nguxana nchcui' ngu' cha'cña ji'i̱ xa' ñati̱, cha' Xtyi'i ycui' Ndyosi ngua'ni lo'o ngu' cha' ngua ji'i̱ ngu' li'.

LOS HECHOS 3:13

Ycui' Ndyosi Sti na ni, la cui' Ni laca nu ngua'ni tlyu jyo'o cusu' ji'na ji'i̱ tya sa'ni la, masi jyo'o Abraham, masi jyo'o Isaac, masi jyo'o Jacob; lcaa jyo'o cusu' ji'na ngua'ni tlyu ngu' ji'i̱ ycui' Ndyosi bi'. Ycui' Ndyosi laca nu cua nda chacuayá' ji'i̱ Jesús Sñi' ycui' Ni cha' caca tlyu yu. Ntejeya' ma̱ ji'i̱ nu Jesús bi' tsubi' ti, ndyaa lo'o ma̱ ji'i̱ yu, ndyaa ma̱ ngusta ma̱ qui'ya ji'i̱ yu slo ngu' nu laca loo; nu lo'o ngua ti' gobernador Pilato cha' tyu'u Jesús laja ti, ná ntaja'a̱ ma̱ li'.

LOS HECHOS 4:31

Lo'o cua ndye cha' nchcui' ngu' lo'o ycui' Ndyosi, li' ngüiña ni'i̱ su nga'a̱ ngu' bi'. La cui' hora jlo ti' ngu' cha' chañi cha' ndyanu Xtyi'i ycui' Ndyosi ne' cresiya ji'i̱ lcaa ngu' bi' li', bi' cha' nga'aa ndyutsi̱i̱ ngu' lo'o nda ngu' cha' ji'i̱ ycui' Ndyosi lo'o xa' ñati̱.

LOS HECHOS 6:10

Ná ngua ji'i̱ ngu' cua'ni ngu' ngana ji'i̱ Esteban, cha' cua nda Xtyi'i ycui' Ndyosi juersa ji'i̱ yu cha' caja ñi'ya̱ xtyacui yu cha' lo'o ngu' bi'.

LOS HECHOS 6:15

Ña'a̱ tsa ngu' cusu' nu laca loo bi' ji'i̱ Esteban li', cha' ñi'ya̱ ña'a̱ loo xca̱ ji'i̱ ycui' Ndyosi, jua'a̱ ña'a̱ loo Esteban, cha' laca yu sca ñati̱ nu lubii tsa cresiya ji'i̱.

LOS HECHOS 7:55

Nxña'a̱ Esteban nde cua̱, li' na'a̱ yu sca xee tlyu tsa nu ngua'ni Xtyi'i ycui' Ndyosi cha' ña'a̱ yu ji'i̱; xee ji'i̱ ycui' Ndyosi ngua bi'. Lo'o li' na'a̱ yu ji'i̱ ycui' Jesús ndu̱ la'a tsu' cui̱ ca su ntucua ycui' Ndyosi.

1 CORINTIOS 2:13

Nu lo'o cacha' na cha' tso'o nu ji'i̱ ycui' Ndyosi bi' ji'i̱ ñati̱ ji'i̱ ycui' Ni, nu ngu' nu ntsu'u Xtyi'i ycui' Ni ne' cresiya ji'i̱, li' clyana na sca cha' nu chcui' na, sca cha' nu ta Xtyi'i ycui' Ni lo'o na; ná clyana na quiña'a̱ tsa cha' chcui' na ñi'ya̱ nu ndu'ni ñati̱ nu nchca tsa ji'i̱ ycui' ca ngu'.

EFESIOS 3:5

ni sca ñati̱ ná ngujui ñi'ya̱ caca cuayá' ti' ngu' cha' bi' tyempo nu cua nteje tacui. Pana juani xqui'ya Xtyi'i ycui' Ni cua ngulu'u Ni cha' bi' ji'i̱ ngu' nu laca cña ji'i̱ ycui' Ndyosi, nu ngu' nu ngua tsa'a̱ ji'i̱ Jesús tya clyo bi'. La cui' jua'a̱ ngulu'u Ni cha' bi' ji'i̱ ngu' nu tya nda la cha' ji'i̱ ycui' Ndyosi lo'o ñati̱ juani.

SANTIAGO 1:5

Si ntsu'u quiya' nu lo'o ná jlo ti' ma̱ tsiya' ti ñi'ya̱ nu cua'ni ma̱, li' tso'o chcui' ma̱ lo'o ycui' Ndyosi, cha' ta Ni sca cha' nu ca'ya hique ma̱ ñi'ya̱ nu cua'ni ma̱ li'. Tso'o tsa cha' xlya'be nda Ni ji'i̱ lcaa ñati̱, cuati ná ndu'ni tyaala Ni ji'na lo'o nda Ni sca cha' tso'o ji'na.

1 PEDRO 1:12

Pana ná nquije cha' bi' ji'i̱ ngu' bi' li'; sca ti cha' nchcui' ycui' Ni lo'o ngu' bi', cha' si'i ycui' ngu' bi' laca nu ca cuayá' tso'o ti' ñi'ya̱ caca cha' bi' tyempo nde loo la. Pana cu'ma̱ ni, nu lijya̱ chalyuu nde loo la ji'i̱ ngu' jyo'o bi', nchca cuayá' ti' ma̱ juani, xqui'ya cha' cua ndyuna ma̱ lcaa cha' tlyu nu ngua'ni Jesucristo. Cua ndacha' liñi ya cha' bi' ji'i̱ ma̱; chacuayá' ji'i̱ Xtyi'i ycui' Ndyosi ngulu'u ya cha' bi' ji'i̱ ma̱, cha' cua nda ycui' Ndyosi Xtyi'i ycui' Ni lijya̱ lo ya nde chalyuu. Lo'o jua'a̱ lcaa xca̱ ji'i̱ ycui' Ni nu ndi'i̱ slo Ni, lcaa ngu' bi' nti' tsa ngu' ca cuayá' ti' ngu' lcaa cha' nu ngua ji'i̱ Cristo lo'o ñaa yu nde chalyuu.