SAN MARCOS 12:9 - Chatino Tataltepec

⁹ Tya nchcui' la Jesús lo'o ngu', nchcuane yu sca cha' ji'i̱ ngu' li': ―¿Ñi'ya̱ cua'ni xu'na cña bi' li'? ―nacui̱ Jesús ji'i̱ ngu'―. Ná tyiquee' ndi'ya̱ cua'ni yu: tya̱a̱ ycui' xu'na cña bi' ca su ndu̱ yaca bi'; li' cujuii yu ji'i̱ lcaa ñati̱ nu lya' ti' bi', cuati ta yu ji'i̱ yaca si'yu bi' jña xa' la ñati̱ cha' cua'ni ngu' cña ndacua. Jua'a̱ cua'ni xu'na cña bi'.

SAN MARCOS 12:9 ပူးပေါင်းရင်းမြစ်များ

SAN MATEO 12:45

Hora ti tsaa cui'i̱ chaca quiya' tsaana ji'i̱ tya tyacati tya'a cui'i̱ nu xña'a̱ la, cha' stu'ba ti xñi lcaa cui'i̱ bi' ji'i̱ ñati̱ bi', cha' caja su tyi'i̱ cui'i̱ bi' lo'o ñati̱ nti'. Ca cuxi la cha' ji'i̱ ñati̱ bi' li', cha' quiña'a̱ la cui'i̱ xñi ji'i̱ li'. La cui' jua'a̱ cuxi la caca cha' ji'i̱ ñati̱ nu ndi'i̱ nde chalyuu juani, cha' xña'a̱ tsa ngu'.

SAN MATEO 21:34

Tiya' la lo'o cua ngulala ti tyempo xuu ngu' si'yu bi', tyijyu' ndi'i̱ xu'na yuu bi'. Li' ngulo yu cña ji'i̱ ngu' msu ji'i̱ yu cha' tsaa ngu' ca su ntsu'u ngu' nu ndyu'ni cña ne' lo'o ji'i̱, cha' tsaa squi'ya ngu' msu bi' sa yu'be si'yu nu nga'a̱ cha' tyanu ji'i̱ xu'na yuu bi'.

SAN MATEO 21:43

bi' cha' cacha' liñi na' ji'i̱ ma̱ juani, cha' nga'aa ta ycui' Ndyosi chacuayá' tyatí̱ cu'ma̱ cha' ji'i̱ Ni cha' caca Ni loo ne' cresiya ji'i̱ ma̱. Pana ta Ni chacuayá' tyalaa xa' la ñati̱ ca slo ycui' Ni, si tso'o ntsu'u tyiquee ngu' cha' cua'ni ngu' cña ji'i̱ Ni.

SAN MATEO 22:7

Nu lo'o ndyuna rey cha' nu ngua'ni ngu' bi' lo'o msu ji'i̱, ngua ñasi̱' tsa rey bi' ña'a̱ ji'i̱ ñati̱ xña'a̱ bi'. Li' ngulo rey cña ji'i̱ sendaru ji'i̱ cha' cujuii ngu' ji'i̱ lcaa ñati̱ xña'a̱ bi', cha' su'ba ngu' quii' tyaqui̱ quichi̱ tyi ñati̱ bi'.

SAN MARCOS 12:10

’¿Ha bilya chcui' ma̱ lo quityi ji'i̱ ycui' Ndyosi su nscua ndi'ya̱?: Ntsu'u sca quee nu nguxcua̱a̱ cuityi ni'i̱ ji'i̱ clyo, cha' ná tso'o ña'a̱ quee bi' nti' ngu'; pana juani cua ngujui cña nu cua'ni quee bi', cha' ndu̱ bi' su ndulo la cha' ji'i̱ cuentya ji'i̱ ycui' Ndyosi.

SAN MARCOS 12:8

Li' ngusñi ngu' bi' ji'i̱ sñi' xu'na cña bi', ndyujuii ngu' bi' ji'i̱; nguxcua̱a̱ ngu' ji'i̱ jyo'o bi' ca chu̱' lo'o.

SAN LUCAS 19:27

Lo'o juani ni, nu ngu' tya'a cusu̱u̱ na' nu ná ngua ti' cha' caca na' rey ji'i̱ ngu', tya̱a̱ lo'o clya ma̱ ji'i̱ ngu' bi' ca nde, cha' cujuii ma̱ ji'i̱ ngu' ca slo na'.”

ROMANOS 10:20

Lo'o jua'a̱ liñi tsa cha' nu nda jyo'o Isaías nu ngua sa'ni cuentya ji'i̱ ycui' Ndyosi: La cui' ñati̱ nu bilya clyana ngu' cha' 'na, cua ngujui cha' jna' ji'i̱ ngu' juani, nacui̱ Ni. Masi bilya jña ngu' sca cha' tso'o jna', cua nclyu'uloo na' ji'i̱ ngu' bi' juani.